Ẹvwọphia 11:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² ẹkẹvuọvo wọ vwavwe ọguan rọ hẹ obo otafe rẹ uwevwi rẹ ẹga na-a, yan jovwo, kidie e siobọ no kẹ ẹgborho na, ayen ki chiyi orere ọfuanfon na muotọ emeranvwe ujuvẹ gbẹ ivẹ.

Ẹvwọphia 11:2 ပူးပေါင်းရင်းမြစ်များ

Une rẹ Ejiro 79:1

E Ọghẹnẹ, egedjọ na yanro ẹkẹn uku wẹn; ayen gbe uwevwi ọfuanfon wẹn ẹgua, ayen vwi Jerusalẹm ru erhurhu

Aizaya 48:2

Kidie ayen vwẹ odẹ rẹ orere ọfuanfon na se oma, ayen da vwẹ ẹro so Ọghẹnẹ rẹ lzrel na, Ọrovwohwo rẹ otuofovwi na ọye he odẹ rọye.

Aizaya 5:5

Gba kerhọn re me ta kẹ wẹn obo ri mi che ru kẹ ogba ri vain mẹ na. Ki mi si ogba na no, ka cha guọghọ, Ki mi tueghe ogba rọye, ke chiyo mu ekpẹn

Aizaya 52:1

Vrẹn, vrẹn, ku ogangan wẹn phihọ, E Zayọn, ku iwun iyoyovwi wẹn na phihọ, E Jerusalẹm, orere ọfuanfon na; kidie ayen gbe cha vwẹriẹ owẹ ọfa-a otu re upheruphe na kugbe ihwo igbegbe na .

Uvwerhe 1:10

Ọvweghrẹ na riẹn abọ rọye phihọ enu rẹ emu esiri rọye ejobi, e, ọ mrẹ ẹgborho na, ọ guọghọ ẹshẹ rọye otu wọ djẹ re nẹ evwẹriẹ ukoko wẹn na-a.

Izikiẹl 4:6

Ọke wọ de ru enana gba nu, ku wo shevwerhẹ obọ rivẹ, ẹkẹvuọvo ke obọrhe wẹn, ku wọ ghwa oghwa rẹ uwevwi ri Juda, ẹdẹ ujuvẹ mi bru kẹ wẹ, ẹdẹ ọvo ẹgbukpe ọvo.

Izikiẹl 42:20

Ọ da vwanvwọn igogo ẹne na. A da vwẹ igbẹhẹ gba ogba riariẹ, ugrogro rọye kubit ujori iyorin kugbe ohẹhẹre rọye kubit ujori iyorin, ra vwọ hẹriẹ asan ọfuanfon na nẹ asan rẹ ihwo ghevweghe dia.

Daniẹl 12:7

Ohwo na rọ vwẹ esada rhuo na rọ hẹ obenu rẹ ame rẹ urhie na, da kpare obọrhe rọye vẹ obọhwẹre rọye kpenu; Mi de nyo obo rọ vwẹ ọ rọ herọ bẹdẹ na vwo duvwu iyori, tanẹ ọ dia ọke ọvo, ọke ivẹ kugbe ubrọ rẹ ọke, vẹ ọke rẹ ẹguọghọ rẹ ogangan rẹ ihwo efuanfon na vwo te oba, eravwọ nana ejobi che ru gba.

Daniẹl 7:19

Etiyin me da guọnọ uyota riẹn kpahe eranvwe rẹne na, rọ fẹnẹ iri chekọ na ejobi, omuoshọ gangan, ọ vẹ ako rẹ utehru vẹ ififabọ rẹ ẹrovwo, ọ ria nẹ ọ me rha guọghọ ibribro, o mi rhe chiyi i ri chekọ muotọ.

Daniẹl 7:25

Ọ cha ta ota rẹ ẹgua kpahe Ọ ro Me Kpenu na, ko che shenyẹ ihwo efuanfon rẹ Ọ ro Me Kpenu na, kọ cha jẹ iroro kpahẹ ewene rẹ ọke orẹ vẹ irhi na; ke che siobọ nẹ ayen vwọ kẹ usuo rọye vwẹ ẹgbukpe erha gbẹ ubro.

Daniẹl 8:10

Ọ da tan rhuarho gangan, rhiri re te irharheghe, otu re isio evo re hẹ obenu na, o de gere ayen she phihọ otọ, o de chiyi ayen muotọ.

Daniẹl 8:13

Etiyin mi de nyo ohwo ọfuanfon ọvo rọ ta ota kẹ ohwo ọfuanfon ọfa nẹ, Ọkevọ emramrẹ ra mrẹ kpahe izobo ẹtorhẹ rẹ kọke kọke na krite, ẹguegbe rọ nẹrhẹ asan kua fiotọ, kugbe ẹshẹ na ra cha guọghọ vẹ otu na re che chiyi muoto?

Daniẹl 8:14

Ọ da ta kẹ, ovwọnvwọn vẹ irhiọke uriori ivẹ kugbe ujori erha; kẹsiẹye a ke cha rhoma ma ẹshẹ na phihọ ẹdia ro shephihọ kẹ.

Ukeri 14:34

kirobo rẹ uchẹdẹ rẹ ovwan dorhẹ rẹ otọ na krite, ẹdẹ ujuvẹ na, ẹdẹ ọvo ẹgbukpe ọvo, kọye ovwan ghwa oghwa rẹ orukuruku rẹ ovwan, ikpe ujuvẹ, ku wọ riẹn obo rẹ ivuemiovwo mẹ epha.

Matiu 27:53

Ayen vwọ varhe nu, ayen da rhe orere Ọfuanfon na re vwẹ oma phia kẹ ihwo buebu.

Matiu 4:5

Idẹbono de rhe muo kpo orere ọfuanfon na; o de muo kpo okpo rẹ uwevwi rẹ ẹga,

Matiu 5:13

Ovwan ughweraka rẹ akpọ na. Ẹkẹvuọvo ughweraka de ku avwerhe rọye kufia, komavọ o ru vwerhe? o gbi yovwi ọfa-a, ke kuo kufia, ihwo ki chiyo wan.

Iyẹnrẹ Esiri ri Luk 21:24

Ka vwẹ ọlọkọ nyavwe ayen she, ke mu ayen ighuvwn vwẹ ohri rẹ ẹgborho na; Keferi ki chiyi Jerusalẹm muotọ, bẹsiẹ rẹ ọke ri Keferi cha vwọ gba.

Hibru 10:29

Ki bro ehwe ọbrabra we rori nẹ e hwe ohwo na ro ni Ọmọ rẹ Ọghẹnẹ na saka, ro de rhe gbe ọbara rẹ ọphọ na ra vwọ hworhẹ fon na ẹgua, rọ da rha kpare ophu rẹ Erhi rẹ ẹserọphẹ na?

Ẹvwọphia 11:11

Ẹkẹvuọvo rẹ ẹdẹ erha gbe ubro na vwọ wan nu ẹnwẹn rẹ arhọ de nẹ obọ rẹ Ọghẹnẹ rhe ro ayen oma, ayen de vrẹn mudia, oshọ rode de rhi mu ayen otu re mrẹ ayen.

Ẹvwọphia 11:3

Ke me vwẹ ogangan kẹ iseri mẹ ivẹ rere e mraro ẹdẹ uriori kugbe uri gbẹ ujorha, ye vwẹ emwa rẹ uvweri rhuo.

Ẹvwọphia 12:6

aye na da djẹ ro aghwa, kpo asan rẹ Ọghẹnẹ rhuẹrẹ vwọ hẹ otọ kẹ, kẹ etiyin a da ghẹrẹ vwẹ ẹdẹ uriori kugbe uri kugbe ujorha.

Ẹvwọphia 21:10

Vwẹ obo Erhi na o de mu uvwe yanran kpo obo ugbenu rode ro kpenu, ọ da vwẹ Jerusalẹm orere ọfuanfon na nẹ vwẹ ro wotọ nẹ obọ rẹ Ọghẹnẹ cha vwẹ obo odjuvwu,

Ẹvwọphia 21:2

Me da mrẹ orere ọfuanfon na, Jerusalẹm ọkpokpọ na, ro wotọ nẹ obọ rẹ Ọghẹnẹ cha vwẹ obo odjuvwu, rọ rhuẹrẹ oma kerẹ ọpha re che vwo kpo orọvwe;

Ẹvwọphia 22:19

ohwo de si nẹ eta rẹ aroẹmrẹ re hẹ evun rẹ ọbe nana, Ọghẹnẹ ko si ẹkẹn rọye ro tere vwẹ urhe rẹ arhọ na no, kugbe orere ọfuanfon na, re dje vwẹ ọbe nana.