Ẹvwọphia 10:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Kọye me da yanran bru amakashe ra vuẹ nẹ ọ kẹ vwẹ ọmọbe na; ọ da ta kẹ vwẹ, Reyọ rere wọ riọ; ọ cha yare vwẹ egede wẹn, ẹkẹvuọvo kọ cha miẹmiẹ kerẹ ọnyọn vwẹ unu wẹn.

Ẹvwọphia 10:9 ပူးပေါင်းရင်းမြစ်များ

ỌBE RẸ JOB 23:12

Mi ji siobọ nẹ urhi ro nẹ unu rọye rhe-e, me sẹro rẹ eta rẹ unu rọye vwẹ evun mẹ

Jerimaya 15:16

A mrẹ eta wẹn, me da riẹn ayen, eta wẹn da dia aghọghọ kẹ vwẹ kugbe omavwerhovwẹ kẹ ubiudu mẹ; kidie a vwẹ odẹ wẹn se vwe nure, E Ọrovwohwo, Ọghẹnẹ rẹ ofovwi.

Izikiẹl 2:8

Ẹkẹvuọvo wẹ, ọmọ rẹ ohwo, nyo obo re me ta kẹ wẹ na, wọ rha dia ohwo rẹ okpetu kerẹ uwevwi rẹ okpetu yena-a, rhie unu wẹn, rere wọ re obo re me vwọ kẹ wẹ na.

Izikiẹl 3:14

Erhi na de mu vwe vrẹn ọ da reyọ ovwẹ yanran, mẹ da yanran vwẹ evun rẹ ophu vwẹ evun rẹ ogidi rẹ erhi mẹ, obọ rẹ Ọrovwohwo da gan kpahe ovwẹ;

Kolose 3:6

Fikiridie imu nana ophu rẹ Ọghẹnẹ rhe vwọ tua kpahe emọ ri jẹ ọghọ evwo na.

Ẹvwọphia 10:10

Kọye me da reyọ ọmọbe na mie amakashe na me da riọ; o da ghene miẹmiẹ kerẹ ọnyọn vwẹ unu mẹ, ẹkẹvuọvo ọke re me vwọ riọ nu egede mẹ kọ yara.