Ẹvwọphia 10:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Amakashe re me mrẹre ro mudia vwẹ enu rẹ ame vẹ otọ na da kpare obọrhe rọye kpenu

Ẹvwọphia 10:5 ပူးပေါင်းရင်းမြစ်များ

Jẹnẹsis 14:22

Ẹkẹvuọvo Ebram da ta kẹ ovie ri Sodọm, Mi vẹ kẹ Ọrovwohwo Ọghẹnẹ ro Me Kpenu nure, ọ rọ ma odjuvwu vẹ akpọ,

Nehemaya 9:6

Ẹzra da ta: Wọwẹ hẹ Ọrovwohwo, wọwẹ ọvo kpogholo, wọwẹ re ma odjuvwu, odjuvwu rẹ idjuvwu na, vẹ urogho rayen ejobi, akpọ na vẹ obọ re hẹ enu rọye, ebadi na vẹ obo re hẹ evun re ayen, wọwẹ re sẹro rẹ ayen ejobi, urogho rẹ odjuvwu na ejobi ga wẹ.

Une rẹ Ejiro 146:5

Aghọghọ kẹ otu rẹ ọchuko rọye dia Ọghẹnẹ ri Jekọp, rẹ iphiẹrohọ rọye hẹ evun rẹ Ọrovwohwo Ọghẹnẹ rọye,

Ẹyano 20:11

kidie ẹdẹ esan ye Ọrovwohwo vwọ ma odjivwu vẹ akpọ, abadi na vẹ imu rehẹ evun rẹ ayen ejobi, o de rovwoma vwẹ ẹdẹ righwrẹ na, fiki rẹ ọtiọye na Ọrovwohwo de bruphihọ edidjala na o de ruo fon.

Ẹyano 6:8

Ke me cha vwẹ owẹ rhe otọ na ri mi veri nẹ me vwọ kẹ Ebraham, Aizik vẹ Jekọp, ke me vwọ ghare owẹ ughwẹ. Mẹvwẹ Ọrovwohwo na.”’

Izikiẹl 20:15

Ọ rọ marho mi de duvwu iyori kẹ ayen vwẹ evun rẹ aghwa nẹ, me gbe reyọ ayen rhe otọ re me vwo kẹ ayen na-a, otọ rọ djẹ ọkẹre vẹ ame-ivie kugbe ọnyọn, otọ ro me yovwi ejobi,

Izikiẹl 20:23

Ọ rọ marho mi de duvwi iyori kẹ ayen vwẹ evun rẹ aghwa na nẹ mẹ hra ayen phihọ ohri rẹ ẹgborho na. Me me rhaphiẹ ayen wan irho na ejobi.

Izikiẹl 20:28

Kidie ọke re me vwọ reyọ ayen rhe otọ ri mi ve kẹ ayen nẹ me vwọ kẹ ayen nu, etiyin kasan kasan rẹ ayen da mrẹ ugbenu ro kpenu eyẹ urhe rọ vẹ ẹbe gbidi, etiyin kọye ayen de ze izobo rayen, ayen me vwẹ izobo rọ kpare ophu mẹ vwọ rhe, etiyin ọnrhẹ ororo rayen mi bru kpenu, ke etiyin ayen da jẹ udi kuotọ.

Izikiẹl 20:42

Ku wọ cha riẹn nẹ mẹvwẹ ọye Ọrovwohwo na, vwẹ ọke me da vwẹ owẹ rhe otọ rẹ Izrẹl, orho ri mi duvwu iyori nẹ me vwọ kẹ esẹ wẹn.

Izikiẹl 20:5

re wọ ta kẹ ayen, Enẹ Ọrovwohwo Ọghẹnẹ tare: Vwẹ ẹdẹ re me vwọ jẹ Izrẹl reyọ, mi de duvwu iyori kẹ evwruwevwi ri Jekọp, mi de dje oma mẹ kẹ ayen vwẹ otọ rẹ Ijipt, mi de duvwu iyori kẹ ayen, tanẹ, Mẹvwẹ Ọrovwohwo Ọghẹnẹ wẹn.

Izikiẹl 36:7

Ọtiọye na, e nẹ Ọrovwohwo Ọghẹnẹ tare: Mi duvwu iyori nẹ ẹkuotọ re riariẹ owẹ phiyọ na je cha re oja rẹ ehwẹjẹ na.

Izikiẹl 47:14

Ku wọ gharọ abọvo. Mi veri nẹ me vwọ kẹ esẹ wẹn, otọ nana ko bru we rhe kerẹ ẹkẹn uku wẹn.

Daniẹl 12:7

Ohwo na rọ vwẹ esada rhuo na rọ hẹ obenu rẹ ame rẹ urhie na, da kpare obọrhe rọye vẹ obọhwẹre rọye kpenu; Mi de nyo obo rọ vwẹ ọ rọ herọ bẹdẹ na vwo duvwu iyori, tanẹ ọ dia ọke ọvo, ọke ivẹ kugbe ubrọ rẹ ọke, vẹ ọke rẹ ẹguọghọ rẹ ogangan rẹ ihwo efuanfon na vwo te oba, eravwọ nana ejobi che ru gba.

Iruo rẹ Iyinkọn na 14:15

Ihwo na, die ovwan vwo ruẹ ọnana? Avwanre je hẹ ihwo rhe kerẹ ovwan, re ghwẹ iyẹnre esiri rhe ovwan rere ovwan yan jẹ emu diodi nana vwo bru Ọghẹnẹ ọkpokpọ na rhe, ohwo rọ ma odjuvwu kugbe akpọ kugbe abadi kugbe obo re hẹro ejobi.

Iruo rẹ Iyinkọn na 17:23

Kidie re me vwọ wanvrẹn na, rẹ ẹro mẹ vwo kpo ekuakua rẹ ovwan gọ, me da mrẹ vwẹ enu rẹ agbada ọvo vẹ obo re si phihọ, Vwọ kẹ Ọghẹnẹ re jẹriẹn. Obo rẹ ovwan gọ ru we jẹriẹn na koye mi ghwoghwo kẹ ovwan na.

Ọbe ri Pọl si rhe Ihwo ri Rom 1:20

Nẹ ẹtuọhọ rẹ akpo na rhe ugboma rọye re jẹmrẹ na, kọye hẹ, ogangan rẹ ọrho rọye ri bẹdẹ na, a mrẹrẹ vughe vwẹ oma rẹ emu rọ mare. Vwẹ ọtiọye na ayen gbe mrẹ asa gun phihọ-ọ;

Urhi Rivẹ 32:40

Me kpare obọ mẹ kpenu, vwo se iyori, Kirobo Me herọ bẹdẹ na

Hibru 6:13

Kidie ọke rẹ Ọghẹnẹ vwo ve ive kẹ Ebraham, rọ rha mrẹ ohwo ọfa rọ rho nọ oma rọye vwo duvwu iyori-i, ọ da vwẹ omaobọ rọye vwo duvwu iyori,

Ẹvwọphia 1:18

rọ rhọre bẹdẹ na; mi ghwuru jovwo, gbe nighe me rhọre bẹdẹ, ko mẹvwẹ ri vwo usiaphrẹ rẹ Ughwu vẹ Ushi vwẹ obọ mẹ.

Ẹvwọphia 10:2

O de vwo ọbe otete ọvo vwẹ obọ re rhieri. O de mu owọrhe rọye kpahe abadi, o de rhe mu owọhwẹre rọye phihọ otọ,

Ẹvwọphia 14:7

ọ da van gangan ta, Djẹ oshọ rẹ Ọghẹnẹ re a vwẹ urinrin kẹ kidie ọke rẹ ẹdjọeguo rọye tere; gọ ohwo rọ ma odjuvwu vẹ akpọ, abadi na kugbe igbugbu rẹ ame na.

Ẹvwọphia 16:17

Amakashe righwrẹ na de ku udjokpo rọye phihọ irharheghe, urhuru rode ọvo de nẹ evun rẹ uwevwi rẹ ẹga na rhe, nẹ obo ekete na rhe, tanẹ, O rereo!

Ẹvwọphia 4:11

Wọwẹ hẹ ohwo ro fori, Ọrovwavwanre kugbe Ọghẹnẹ, rọ reyọ urinrin kugbe ọghọ kugbe ogangan, kidie wọwẹ re mama emu ejobi, ọhọre wẹn ayen vwọ herọ kọye a vwọ mama ayen.

Ẹvwọphia 4:9

Kọke kọke rẹ eranvwe ekpokpọ na da vwẹ urinrin kugbe ọghọ kugbe ẹkpẹvwẹ vwọ kẹ ohwo ro tidia vwẹ enu rẹ ekete na, rọ rhọre bẹdẹ na,