Ẹvwọphia 10:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Ọke re agbrara ighwrẹ na vwọ van, ki mi muegbe ri mi vwo si, ẹkẹvuọvo mi de nyo urhuru ọvo ro nẹ odjuvwu rhe tanẹ, Ka oka phihọ obo rẹ agbrara ighwrẹ na tare, wo sio phihọ otọ.

Ẹvwọphia 10:4 ပူးပေါင်းရင်းမြစ်များ

Aizaya 29:11

Eta ra arọẹmrẹ nana ejobi rhi hirhe phihọ ota rẹ obe ra tangbe. Ọke ra da vwọ kẹ ọvo no gbe se re, ne, Se ọnana, ọ da ta, Mi se se-e, kidie a tanrọ gbe.

Aizaya 8:1

Etiyin Ọrovwohwo da ta kẹ vwẹ nẹ, Reyọ ophapha rode ri wo si phihọ re ihwo ejobi se vughe, Ophapha re Mahashalal-hashbaz.

Aizaya 8:16

Gba Iseri mẹ na, ka oka phihọ uyono mẹ vwẹ ohri rẹ idibo mẹ.

Daniẹl 12:4

Ẹkẹvuọvo wẹ, Daniẹl, rhurhu eta na, ko ọbe na gbe, bẹsiẹ rẹ ọke rẹ oba na vwo te. Ihwo buebu cha djẹ rhe djẹ kpo, erianriẹn che bu phihọ.

Daniẹl 12:9

Ọ da ta, Yanran kpo asan wọ ra, Daniẹl, kidie erhurhu eta na e de rhe kọ ayen gbe bẹsiẹ rẹ ọke rẹ oba na vwọ te.

Daniẹl 8:26

Emramrẹ rẹ ovwọnvwọn vẹ irhiọke ra tare ye uyota, ẹkẹvuọvo gbe rhurhu emramrẹ na, kidie ọ kpoma phihọ ẹdẹ buebu ro cha.

Urhi Rivẹ 29:29

Imu re djahere ejobi e rẹ Ọrovwohwo rẹ Ọghẹnẹ rẹ avwanre; ẹkẹvuọvo imu ra vwọ phia na ke rha ọ rẹ avwanre vẹ emọ rẹ avwanre bẹdẹ, rere avwanre vwọ yọnrọn eta rẹ urhi nana.

Ẹvwọphia 1:11

rọ tanẹ, Si obo ru wọ mrẹre na phihọ ọbe re wo vwo rhe ishọshi ighwrẹ na, vwo rhe Ẹfesọs kugbe Simana kugbe Pẹgamọm vwo rhe Taetira vwo rhe Sadis vwo rhe Filadẹlfia vwo rhe Laodisia.

Ẹvwọphia 1:19

Asakiephana gbe si obo re wọ mrẹre, obo re herọ vwẹ asakiephana kugbe obo ri che ru vwobọ.

Ẹvwọphia 10:8

Etiyin urhuru ri mi ke nyo nẹ obo odjuvwu rhe na da rhoma ta kẹ vwẹ, tanẹ, Yanran ra reyọ ọbe na re rhieri vwẹ obọ rẹ amakashe ro mudia vwẹ enu rẹ abadi kugbe otọ na.

Ẹvwọphia 22:10

Ọ da ta kẹ vwẹ, Wo huhu ọbe rẹ eta rẹ aroẹmrẹ nana-a, kidie ọke na si kẹre re.