Ẹvwọphia 10:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ ọ da van, urhuru rọye da họhọ okpohrokpo ro do; ọke ro vwo se, agbrara ighwrẹ na da van.

Ẹvwọphia 10:3 ပူးပေါင်းရင်းမြစ်များ

Une rẹ Ejiro 29:3

Urhuru rẹ Ọrovwohwo ọ hẹ enu rẹ ame; Ọghẹnẹ rẹ urinrin na ra va, Ọrovwohwo vwe enu rẹ ame buebu.

Isẹ 19:12

Ophuemuo rẹ ovie họhọ eguango rẹ okpohrokpo, ẹkẹvuọvo ẹroesiri rọye họhọ irho rọ hẹ enu rẹ ẹbẹ.

Aizaya 31:4

Kidie enẹ Ọrovwohwo ta ke vwẹ, Kirobo rẹ okpohrokpo eyẹ omo rọye guan siẹ ro de mu eranvwe na, esie re de se isuigodẹ ne ayen gba vwọ tua yẹ unuebo rayen guegue-e yẹ udu re edo na ji bro-o, eriyin Ọrovwohwo re otuofovwi na che wotọ rhe rhe họnre vwe Ugbenu ri Zayọn kugbe igbenu rẹ itete na.

Aizaya 42:13

Ọrovwohwo yan phia kerẹ ọgba, kerẹ ohwo rẹ ofovwi rẹ ophu kpare, ọ viẹ phia, o kperi phia, ọ vwẹ ẹgba rọye phia gangan kẹ ivwighrẹ rọye.

Aizaya 5:29

Edo rayen kiri okpohrokpo, ayen do kerẹ emọ rẹ okpohrokpo ayen gua gbako phihọ emu rayen, ayen mi kpono yanran, ohwo ọvuọvo sa karhiẹ mie aye-en.

Jerimaya 25:30

Vwẹ ọtiọye na, wọ me mraro rẹ eta nana kpahe ayen, wọ ta kẹ ayen nẹ: Ọrovwohwo cha van nẹ enu cha, O che do urhuru nẹ ẹdia ọfuanfon rọye rhe; Ọ cha van gangan kpahe igegede rọye kperi, kere ihwo ri chiyi edi, kpahe ihwo re dia akpọ na ejobi.

Izikiẹl 10:5

Edo rẹ ibekpe ri sherobim na e de nyo rhiri re te ọguan rẹ obo uphephẹ, kerẹ urhuru rẹ Ọghẹnẹ ro vwo Ẹgba na vwẹ ọke rọ da ta ota.

Hosia 11:10

Ayen che nene Ọrovwohwo, ko che kperi kerẹ okpohrokpo, e, o che kperi, emọ rọye ki che nẹ obuko ọnre rhe vẹ ophariẹ;

Joẹl 3:16

Ọrovwohwo de do nẹ Zayọn rhe, urhuru rọye da mra nẹ Jerusalẹm rhe, odjuvwu vẹ akpọ na de mu kpogho Ẹkẹvuọvo Ọrovwohwo hẹ odjahọ kẹ ihwo rọye, ogba ọgangan kẹ ihwo rẹ Izrẹl.

Emọs 1:2

Ọ da ta: Ọrovwohwo na do ni Zayọn rhe, Ọ da ta ota ni Jerusalẹm rhe, egbri re isuigodẹ na muoma phihọ, enu ri ugbenu ri Kamẹl vwiori.

Emọs 3:8

Okpohrokpo na kperi; kono oshọ je muo? Ọrovwohwo Ọghẹnẹ na ta nure. kono ri jẹ aroẹmrẹ?

Ẹvwọphia 14:2

Mi de nyo urhuru ọvo ro nẹ obo odjuvwu rhe kerẹ edo rẹ ame kugbe agbrara rọ van; urhuru ri mi nyori da họhọ ohwo ro hworo isorogun ri hworo isorogun rayen,

Ẹvwọphia 15:1

Me da mrẹ oka ọfa vwẹ obo odjivwu, oka rhuarho ro gbunu, emakashe ighwrẹ vẹ ọtiokọ ighwrẹ, ena re ka oba, kidie ena je hẹ oba rẹ ophu rẹ Ọghẹnẹ.

Ẹvwọphia 15:7

Ọvo vwẹ usun rẹ eranvwe ekpokpọ ẹne na da vwẹ idjokpo ighwrẹ re vọnre vẹ ophu rẹ Ọghẹnẹ rọ herọ bẹdẹ bẹdẹ na vwọ kẹ emakashe ighwrẹ na;

Ẹvwọphia 4:5

Enu kọ nyavwaro nẹ obo ekete na cha, kugbe urhuru vẹ edo rẹ agbrara, irhukpẹ ighwrẹ re la da hẹ obaro rẹ ekete na, kẹ eye hẹ erhi ighwrẹ rẹ Ọghẹnẹ na;

Ẹvwọphia 8:5

Amakashe na de mu omoze na ọ da wan erhanre rọ hẹ enu rẹ agbada na vọn, edo de mu, enu da nyavwaro, otọ de mu kpogho.