Ẹvwọphia 10:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Etiyin me da mrẹ amakashe ọfa vẹ ẹgba ro wotọ nẹ odjuvwu cha, rọ vwẹ egho phopho, aphoro de mu vwẹ uyovwi rọye, opharo rọye da họhọ ọnre, awọ rọye da họhọ osunsun rẹ erhanre.

Ẹvwọphia 10:1 ပူးပေါင်းရင်းမြစ်များ

Une rẹ Ejiro 104:3

we re vwẹ ugbere vwo gberi enu rẹ ame na, we re vwẹ egho na vwo ru akpẹrẹ, wọ gua vwẹ ibekpe rẹ odju,

Une rẹ Ejiro 97:2

Egho vẹ ebri mu riariẹ phihọ, ọvwata vẹ ọsoso eyẹ ichiyi otọ rẹ ekete rọye.

Ẹyano 16:10

Rẹ Erọn vwọ ta ota kẹ ukoko rẹ ihwo rẹ Izrẹl, ayen de ni obo aton, nighe urinrin rẹ Ọrovwohwo da phia vwẹ obenu.

Solomon 5:15

Awọ rọye da họhọ ọgọ rẹ ishani, re mu kpahe usikẹ rẹ oro Erhuvwu rọye kerẹ Lebanọn, yoyovwi kerẹ igẹdu

Aizaya 19:1

Ona aroẹmrẹ kpahe Ijipt. Nighe, Ọrovwohwo rọ gua vughu vughu vwẹ ikoro ọ da rhe Ijipt, ema rẹ Ijipt ki che kpogho vwẹ obaro rọye, udu rẹ ihwo rẹ Ijipt ke cha wran vwẹ oma rayen.

Aizaya 54:9

Kidie Ọnana họhọ ọke ri Noa kẹ vwẹ: kirobo Mi duvwu iyori nẹ ame ri Noa gbi se phoro akpọ na ọfa-a na, kẹ eriyin Mi duvwu iyori nẹ Mi gbi mu ophu wẹ bẹdẹ-ẹ. Me gbe harhe owẹ-ẹ

Uvwerhe 3:44

Wọ vwe egho phopho oma wẹn rere ẹrhovwo ọvuọvo vwo je sa wan vrẹn.

Izikiẹl 1:28

Kere uhoho rẹ aphoro vwẹ irharheghe vwẹ ẹdẹ rẹ osio, ọtiọye elo rẹ uhoho na epha riariẹ. Ọtiọye ekroma na họhọ urinrin rẹ Ọrovwohwo na. Ọke me vwọ mrẹ, mi de she bọvwọn opharo rhuotọ, mi de nyo urhuru rẹ ohwo ọvo rọ ta ota.

Daniẹl 10:6

Oma rọye da họhọ oragha re se bẹri, ọpharọ rọye da họhọ enu rọ nyavwarọ, ibiẹro rọye epha ke rẹ elo rẹ utuerhanre. Abọ rọye vẹ awọ rọye họhọ ẹrovwo ra fare, edo rẹ ota rọye da họhọ edo rẹ urogho.

Daniẹl 7:13

Me da mrẹ vwẹ evun rẹ emramrẹ vwẹ ason na, nighe vwẹ egho rẹ irharheghe na, ọvo da rhe kerẹ ọmọ rẹ ohwo, o de bru ohwo rọ herọ nẹ Awanre Rhe na a da vwọ phia vwẹ obaro rọye.

Livitikọs 16:2

Ọrovwohwo da ta kẹ Mosis, Ta kẹ Erọn oniọvo wẹn nẹ ọ rha vwẹ ọke ejobi ro asan ọfuanfon na rọ hẹ evun re utughẹ na-a, vwe obaro re akpanurhe rẹ arodọvwẹ ro enu rẹ ekpeti na, O de rhe ghwu, kidie Me cha phia vwẹ evun rẹ egho vwẹ enu rẹ akpanurhe rẹ arodọvwẹ na.

Matiu 17:2

O de wene oma vwẹ irharo rẹ ayen; opharo rọye ko lo wrowro kerẹ ọnre, iwun rọye da rhe fon kerẹ oze.

Iyẹnrẹ Esiri ri Luk 21:27

Etiyin kẹ ayen cha mrẹ Ọmọ rẹ ohwo rọ cha vwẹ egho vẹ ogangan kugbe urinrin rode.

Iruo rẹ Iyinkọn na 26:13

Vwẹ oghẹruvo koko, E ovie, vwẹ idjerhe me da mrẹ enu rọ nyavwaro, gala gala kerẹ ọnre, rọ bẹre mu vwe kugbe ihwo re vẹ ovwẹ gba hẹ usun.

Ẹvwọphia 1:7

Nighe, ọ cha vwẹ irharheghe, ẹro kẹro ke mrẹ, ohwo kohwo ro duvwuro; uvwiẹ rẹ akpọ na ki kuenu rẹ oviẹ. Eriyin ọ dia. Isẹ.

Ẹvwọphia 18:1

Rẹ Ọnana vwọ wan nu me da mrẹ amakashe ọfa ro wotọ nẹ odjuvwu cha, o vwo ọrho rode; erhuvwu rọye de rhi lo mu akpọ na ejobi.

Ẹvwọphia 18:21

Etiyin amakashe rode na de mu oragha rode na, o de phio teye abadi na kerẹ ukerẹkpẹn rode, tanẹ, Ọtiọye e chi phi Babilọn orere rode na teye otọ vwẹ ozighi, a gbe cha mrẹ ọfa-a;

Ẹvwọphia 20:1

Etiyin me da mrẹ amakashe ọvo ro wotọ nẹ odjuvwu cha, o yọnre usiaphrẹ rẹ orho rẹ igbephẹre vwẹ obọ rọye kugbe ọjọrọ rode.

Ẹvwọphia 4:3

Ohwo ro tidia na da họhọ ubioragha ro lo wrowro, aphoro de mu riariẹ ekete na phihọ ro vwara rhururhuru kerẹ efenudu.

Ẹvwọphia 5:2

Me da mrẹ amakashe ọgangan ọvo rọ yan ghwoghwo nẹ, Ono ri fori ro rhie ọbe na rọ je sa kpare isiaphrẹ na?

Ẹvwọphia 8:13

Mi vwo ni, mi de nyo umri rẹ ugo ro kperẹ gangan, rọ vwọ rhan vwẹ obenu, Eghwo, eghwo, eghwo kẹ ovwan otu re dia enu rẹ akpọ na, vwẹ umri rẹ ewanre efa rẹ emakashe erha na che hworo.