Ẹvwọphia 1:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Mẹvwẹ hẹ Ẹsosuọ na kugbe Oba na, eriyin Ọrovwohwo Ọghẹnẹ na tare, ohwo rọ herọ vwẹ asakiephana rọ je herọ rhabae kugbe ọ rọ je cha rhe vwobọ, Ọrovwoẹgba na.

Ẹvwọphia 1:8 ပူးပေါင်းရင်းမြစ်များ

Jẹnẹsis 17:1

Ọke rẹ Ebram vwọ ikpe ọvo nuro vwẹ ujori re Ọrovwohwo da vwẹ oma phia kẹ Ebram, ọ da ta kẹ, Mẹvwẹ Ọghẹnẹ ro vwo Ẹgba, yan nene uvwe, wo gbe ẹgua-a.

Jẹnẹsis 28:3

Ọghẹnẹ ro vwo Ẹgba o bruphihọ kẹ wẹ ro ru we ogbaọmiọvwọ ru wo bu, ru wọ rhe dia egbotu.

Jẹnẹsis 35:11

Ọghẹnẹ da ta kẹ, Mẹvwẹ Ọghẹnẹ ro vwo Ẹgba, gbe vwiẹ rere wo bu; ẹgborho buebu kugbe ẹgborho buebu ki nẹ agada wẹn rhe, ivie ki nẹ oma wẹn rhe.

Jẹnẹsis 43:14

E jẹn Ọghẹnẹ ro vwo Ẹgba kẹ ovwan aruẹdọn vwẹ obaro rẹ ohwo na, rere o siobọ nẹ ọmọsẹ wẹn ro chekọ vi Bẹnjamin rhe. Ọ da dianẹ emu ru emọ Me nana ivẹ na, ye okpemu ri ru vwe.

Jẹnẹsis 48:3

Jekọp da ta ki Josẹf, Ọghẹnẹ ro vwo Ẹgba vwẹ oma phia kẹ vwẹ vwi Luz vwẹ otọ ri Kenan o da nẹ ẹrhovwo kẹ vwẹ,

Jẹnẹsis 49:25

vwẹ obọ rẹ Ọghẹnẹ rẹ ọsẹ wẹn rọ cha wẹ uko, vwẹ obo rẹ Ọghẹnẹ ro vwo Ẹgba ko bruphihọ kẹ wẹ rọ kẹ wẹ ebruphihọ rẹ odjuvwu, ebruphihọ rẹ urhie rọ nọhọ otọ, ebruphihọ re evie kugbe eyenre.

Ẹyano 3:14

Ọghẹnẹ da ta kẹ Mosis, “MẸVWẸ ỌYE ỌMẸVWẸ.” Ọ da ta, “Vuẹ ayen nẹ, ‘MẸVWẸ ọyen ju vwe bru ovwan rhe.’ ”

Ẹyano 6:3

Me vwẹ oma phia kẹ Ebraham, vwọ kẹ Aizik, vwọ kẹ Jekọp, vwẹ odẹ rẹ Ọghẹnẹ ro vwo Ẹgba ejobi, ẹkẹvuọvo ọ dia odẹ mẹ Ọrovwohwo na me vwọ vwẹ oma mẹ phia kẹ ayeen.

Aizaya 41:4

Kono vwẹ ona vwo ru ọnana, ro se orua na nẹ ẹtuọho rhe? Mẹvwẹ, Ọrovwohwo na, ọye ẹsosuọ, kugbe ọ rọ ka oba, Mẹvwẹ ọye.

Aizaya 43:10

Ovwan iseri mẹ, eriyin Ọrovwohwo tare, kugbe odibo mẹ re me jẹreyọ na, wo vwọ riẹn vwo se vwẹ gbuyota wọ vwọ mrẹ vughe nẹ Mẹvwẹ ọye Tavwe Me ke herọ ya je ma eghẹnẹ vuọvo-o, eye ọfa ra je cha ma vwe ọbuko mẹ herọ-ọ.

Aizaya 44:6

Enẹ Ọrovwohwo tare nẹ, Ovie rẹ Izrẹl vẹ Ọtan rọye Ọrovwohwo rẹ otuofovwi na: Mẹvwẹ ọ rẹ ẹsosuọ Mẹvwẹ ọ rọ ka oba Ọghẹnẹ ọfa gbe herọ vrẹn vwẹ-ẹ.

Aizaya 48:12

Kerhọn mẹ, E Jekọp, kugbe Izrẹl, ri mi seri! Mẹvwẹ Ọye, Mẹvwẹ ọ rọ ẹsosuọ je Mẹvwẹ re cha ka oba.

Aizaya 9:6

Kidie avwanre e vwiẹ ọmọ na kẹ, avwanre a vwẹ ọmọ na kẹ, isuesun na kẹ igabọ rọye ọ cha dia, ke se odẹ rọye Ọgba-Aghwanre, Ọghẹnẹ ro vwo Ogangan, Ọsẹ ri Bẹdẹ, Ọmọ rẹ ovie rẹ Ufuoma.

Ukeri 24:4

epha rẹ ohwo ro nyo eta rẹ Ọghẹnẹ, rọ mrẹ aruẹmrẹ rẹ Ọrovwoẹgba, o she teye otọ, ẹkẹvuọvo yẹ ẹro rọye rhie phihọ;

2 Kọrẹnt 6:18

ke me dia ọsẹ kẹ ovwan, ovwan ke dia emeshare mẹ vẹ emetẹ mẹ, eriyin Ọrovwohwo ro vwo Ẹgba na tare.

Ẹvwọphia 1:11

rọ tanẹ, Si obo ru wọ mrẹre na phihọ ọbe re wo vwo rhe ishọshi ighwrẹ na, vwo rhe Ẹfesọs kugbe Simana kugbe Pẹgamọm vwo rhe Taetira vwo rhe Sadis vwo rhe Filadẹlfia vwo rhe Laodisia.

Ẹvwọphia 1:17

Ọke re me vwọ mrẹ, mi de she teye awọ rọye kerẹ ohwo ro ghwuru. Ẹkẹvuọvo ọ da ghwẹ obọrhe rọye kpahe ovwẹ, tanẹ, Wọ djẹ oshọ-ọ, Mẹvwẹ hẹ ohwo rẹsosuọ kugbe ọ rọ ka oba,

Ẹvwọphia 1:4

Mẹvwẹ ri Jọn ri si ọbe nana rhe ishọshi re hẹ Esha: Ẹserọphẹ dia kẹ ovwan kugbe ufuoma nẹ obọ rẹ ohwo rọ herọ vwẹ asakiephana rọ je herọ rhabae kugbe ọ rọ je cha rhe vwobọ, ji kugbe erhi ighwrẹ re hẹ obaro rẹ ekete na,

Ẹvwọphia 11:17

tanẹ, Avwanre vwẹ ẹkpẹvwẹ kẹ wẹ, Ọrovwohwo Ọghẹnẹ ọrovwoẹgba, rọ herọ rọ je herọ jovwo, wọ reyọ ogangan wẹ rode na re kẹ owẹ ri suẹn.

Ẹvwọphia 15:3

Ayen da so une ri Mosis, Odibo rẹ Ọghẹnẹ na, kugbe une rẹ Omogodẹ na, tanẹ, Iruo wẹn pha rhuarho igbunu, E Ọrovwohwo Ọghẹnẹ Ọrovwoẹgba! Ọsoso kugbe uyota hẹ idjerhe wẹn, E Ovie rẹ oge ejobi.

Ẹvwọphia 16:14

kidie enana irhi rẹ idẹbono, ri ruẹ iruo rẹ eka, re hrabọ bru ivie rẹ akpọ na ejobi, ri se ayen koko ra hẹrhẹ ofovwi rẹ ẹdẹ rode rẹ Ọghẹnẹ Ọrovwoẹgba na.

Ẹvwọphia 16:7

Mi de nyo agbada na rọ viẹ E, Ọrovwohwo Ọghẹnẹ Ọrovwoẹgba uyota vẹ ọsoso ọye orhiebro wẹn epha

Ẹvwọphia 19:15

Ọlọkọ rọ dan prẹprẹ de yoro nẹ unu rọye rhe kọye ọ vwọ nyavwe ẹgborho na hwe, kọ vwẹ ọkpọ rẹ utehru sun ayen; ko che chiyi okọ rẹ imiemi rẹ ophu rẹ Ọghẹnẹ Ọrovwoẹgba.

Ẹvwọphia 19:6

Etiyin mi de nyo edo rọ họhọ urhuru rẹ urogho rode, rọ họhọ edo rẹ ame rọ je họhọ edo rẹ agbrara, rọ van, Hi Iye! Kidie Ọrovwohwo Ọghẹnẹ rẹ avwanre, Ọrovwoẹgba rẹ uvie

Ẹvwọphia 2:8

Kẹ enẹ o si rhe amakashe rẹ ishọshi ri Simana. Eta rẹ ohwo rẹsosuọ kugbe ọ rọ ka oba, ohwo ro ghwuru rọ da rhoma varhe.

Ẹvwọphia 21:22

Me mrẹ uwevwi rẹ ẹga vwẹ evun rẹ orere na-a, kidie uwevwi rẹ ẹga rọ herọ ọye hẹ Ọrovwohwo Ọghẹnẹ Ọrovwoẹgba kugbe Omogodẹ na.

Ẹvwọphia 21:6

Ọ da ta kẹ vwẹ, Ọ rere! Mẹvwẹ Ẹsosuọ kugbe Oba, ẹtuọhọ kugbe ure. Ke me vwẹ ame rẹ ọphẹ ri mi vo nẹ ogbugbu rẹ arhọ na kẹ ohwo kohwo rẹ urhuru rẹ ame hwe.

Ẹvwọphia 22:13

Mẹvwẹ hẹ Ẹsosuọ kugbe Oba, ẹtuọhọ kugbe ure.

Ẹvwọphia 4:8

Ọvuọvo vwẹ eranvwe ekpokpọ ẹne na, de vwo ibekpe esan, e da vọn vẹ ibiẹro riariẹ ji kugbe obo evun, ayen vwo omaerovwo rẹ une ẹsuọ vwẹ ason kugbe uvo-o, tanẹ. Ẹfuọn, ẹfuọn, ẹfuọn, ọye hẹ Ọrovwohwo Ọghẹnẹ Ọrovwoẹgba, ohwo rọ herọ rhabae rọ je herọ vwẹ asakiephana rọ je cha dia bẹdẹ.