Ẹvwọphia 1:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Nighe, ọ cha vwẹ irharheghe, ẹro kẹro ke mrẹ, ohwo kohwo ro duvwuro; uvwiẹ rẹ akpọ na ki kuenu rẹ oviẹ. Eriyin ọ dia. Isẹ.

Ẹvwọphia 1:7 ပူးပေါင်းရင်းမြစ်များ

ỌBE RẸ JOB 33:26

Etiyin ohwo ko nẹ ẹrhovwo kẹ Ọghẹnẹ, ọ me reyọ, ọ me vwẹ aghọghọ rhe obaro rọye. O mi gbe ikun rẹ esivwo rọye kẹ ihwo,

Une rẹ Ejiro 22:16

E, eranko gba riariẹ ovwẹ, usun rẹ iruimwemwu riariẹ ovwẹ phihọ; ayen duvwu abọ mẹ vẹ awọ mẹ fi–

Une rẹ Ejiro 68:1

Jẹn Ọghẹnẹ vrẹn, jẹn a hra ivwighrẹ rọye, jẹn otu ri tuoma rọye va djẹ vwẹ obaro rọye!

Une rẹ Ejiro 97:2

Egho vẹ ebri mu riariẹ phihọ, ọvwata vẹ ọsoso eyẹ ichiyi otọ rẹ ekete rọye.

Aizaya 19:1

Ona aroẹmrẹ kpahe Ijipt. Nighe, Ọrovwohwo rọ gua vughu vughu vwẹ ikoro ọ da rhe Ijipt, ema rẹ Ijipt ki che kpogho vwẹ obaro rọye, udu rẹ ihwo rẹ Ijipt ke cha wran vwẹ oma rayen.

Daniẹl 7:13

Me da mrẹ vwẹ evun rẹ emramrẹ vwẹ ason na, nighe vwẹ egho rẹ irharheghe na, ọvo da rhe kerẹ ọmọ rẹ ohwo, o de bru ohwo rọ herọ nẹ Awanre Rhe na a da vwọ phia vwẹ obaro rọye.

Nahum 1:3

Ọrovwohwo na fobọ mu ophu-u yo vwo ẹgba rhuarho, Ọrovwohwo na ri brorhiẹ hwe ohwo rọ re abe. Idjerhe rọye ọ hẹ evun rẹ ogiribo vẹ urhie rọ họnra, egho rẹ obenu eye hẹ ekpẹn re tamu awọ rọye.

Zekaraya 12:10

Ke Me vwe erhi rẹ arodọvwẹ vẹ ọ re orẹ ke uwevwi ri Devid vẹ ihwo re dia Jerusalẹm, ọtiọye re, ọke rẹ ayen de ni ọ rẹ ayen duvwuru na, ayen ki che muoma phihọ ke, kirobo rẹ ohwo muoma phihọ kẹ ọmọ ọvo rọye, rọ da viẹ gangan keẹ, kirobo re ohwo viẹ ọmọkpako.

Zekaraya 12:11

Omemuohọ vwi Jerusalẹm vwẹ ẹdẹ yena kọ họhọ oma rẹ mu phihọ kẹ Hadadrimmọn vwẹ uphephẹ ri Mẹgiddo.

Ukeri 24:17

Me mrẹrẹ, ẹkẹvuọvo yọ dia asakiephana-a, mi niro ẹkẹvuọvo o si kẹrẹ-ẹ isio ọvo che nẹ oma ri Jekọp rhe ọkpọ ọvo che nẹ evun rẹ Izrẹl rhe; Kọ cha guọghọ uyovwi ri Moab, ko che vwirhi emọ ri Shet kuotọ.

Matiu 16:27

Kidie ọmọ rẹ ohwo cha rhe vwẹ urinrin rẹ Ọsẹ rọye kugbe emakashe rọye; kọ cha hwa osa kẹ ohwo ọvuọvo kirobo rẹ iruo rọye teri.

Matiu 16:28

Uyota me ta kẹ wẹ, evo herọ ri mudia vwẹ etinẹ na, re cha davwe ughwu phiephie-e, bẹsiẹ rẹ ayen cha vwọ mrẹ Ọmọ rẹ ohwo rọ cha vwẹ uvie rọye.

Matiu 24:30

Kẹsiẹye oka rẹ ẹcha rẹ ọmọ rẹ ohwo ke cha phia vwẹ obo odjuvwu, uvie rẹ akpọ na ejobi ki che muomahọ, kẹ ayen cha mrẹ ọmọ rẹ ohwo rọ cha vwẹ ikoro rẹ obo odjuvwu vẹ urinrin rode.

Matiu 25:31

Ẹkẹvuọvo ọke rẹ Ọmọ rẹ ohwo da cha rhe vwẹ urinrin, vẹ emakashe rọye, kọ che tidia vwẹ ekete rẹ urinrin rọye.

Matiu 26:64

Jesu da kpahe kẹ nẹ, We re tare. Vwẹ ọ rẹ uyota me ta kẹ wẹ nẹ, Ke etinẹ yanran wọ cha mrẹ Ọmọ rẹ ohwo ro tidia vwẹ obọrhe rẹ ogangan, rọ cha vwẹ irharheghe rẹ odjuvwu.

Iyẹnrẹ Esiri ri Mak 13:26

Kẹsiẹye etiyin ayen ke cha mrẹ Ọmọ rẹ ohwo rọ cha vwẹ evun rẹ egho vẹ ogangan rode kugbe urinrin.

Iyẹnrẹ Esiri ri Mak 14:62

Jesu da ta, Mẹvwẹ hẹ ọye ovwan cha mrẹ Ọmọ rẹ ohwo ro tidia vwe obọrhe rẹ Ogangan, ro nẹ ikoro rẹ obenu na cha.

Iyẹnrẹ Esiri ri Luk 21:27

Etiyin kẹ ayen cha mrẹ Ọmọ rẹ ohwo rọ cha vwẹ egho vẹ ogangan kugbe urinrin rode.

Iyẹnrẹ Esiri ri Jọn 19:34

Ẹkẹvuọvo isodje ọvo da vwẹ ubiri duvwu efẹn rọye, siẹvuọvo na ame vẹ ọbara de ghwe hwẹ no rhe.

Iyẹnrẹ Esiri ri Jọn 19:37

Ọbe ofuanfon na ọfa tare, Ayen che ni ohwo rẹ ayen duvwuru na.

1 Tẹsalonaika 1:10

rere a hẹrhẹ Ọmọ rọye ro che nẹ odjuvwu rhe, rọ kpare nẹ ughwu rhe, Jesu ro sivwi avwanre nẹ ophu rọ cha.

1 Tẹsalonaika 4:17

Kẹsiẹye o ki rhi te re hẹ ekpokpo, ri ghwu chekọ, ka ghwẹ avwanre rhi koko kugbe ayen otu re hẹ obenu na, ke ku usun họ ra vwa Ọrovwohwo na vwẹ obo irharheghe, kẹ oboyi avwanre vẹ Ọrovwohwo da dia bẹdẹ.

Hibru 10:29

Ki bro ehwe ọbrabra we rori nẹ e hwe ohwo na ro ni Ọmọ rẹ Ọghẹnẹ na saka, ro de rhe gbe ọbara rẹ ọphọ na ra vwọ hworhẹ fon na ẹgua, rọ da rha kpare ophu rẹ Erhi rẹ ẹserọphẹ na?

Hibru 6:6

Rẹ ayen da rhoma rhi she; fikiridie kẹ ayen rhe rhoma kanre Ọmọ rẹ Ọghẹnẹ na mu agbagba san kẹ oma rẹ ayen, ayen da phọphọ vwẹ azagba.

1 Jọn 3:2

Imoni re ghare, asakiephana avwanre kẹ emọ rẹ Ọghẹnẹ; yẹ obo rẹ avwanre cha dia vwẹ obọ e ji vughe-e, yẹ ẹkẹvuọvo avwanre riẹnre nẹ ọke rọ da phia, avwanre ke dia kerẹ ọye, kidie avwanre ki rhie ẹro mrẹ obo rọ epha.

Ọbe ri Jud 1:14

Ihwo nana kọye Inọk ohwo righwrẹ nẹ uvwiẹ rẹ Adam rhe mraro kpahe, tanẹ Nighe, Ọrovwohwo cha rhe vẹ usun rẹ ihwo efuanfon rọye uri vware uri,

Ẹvwọphia 22:20

Ohwo ro se oseri kpahe Emu nana tare, O muẹro me cha nanana. Isẹ. Yanrhe, Ọrovwohwo Jesu!

Ẹvwọphia 22:4

ayen ke cha mrẹ opharo rọye, odẹ rọye kọ cha dia arhare rayen.

Iguẹdjọ 5:31

Ọtiọye ivwighrẹn wẹn ejobi guọghọ kufia, E Ọrovwohwo! Ẹkẹvuọvo igbeyan wẹn ejobi dia kerẹ ọnre rọ vacha vwẹ evun rẹ ogangan rọye. Otọ na de vwo omaerovwo ikpe ujuvẹ.