Ẹvwọphia 1:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ ọ da rhe dẹ uvie kẹ avwanre ọ da vwẹ avwanre ru irherẹn kẹ Ọghẹnẹ Ọsẹ na, kọye a vwẹ urinrin kugbe isuesun kẹ bẹdẹ bẹdẹ. Isẹ.

Ẹvwọphia 1:6 ပူးပေါင်းရင်းမြစ်များ

Ẹyano 19:6

ku wọ cha dia uvie rẹ irherẹn kẹ vwẹ orho ọfuanfon. Enana keye eta ru wọ ta kẹ emọ rẹ Izrẹl na.

Aizaya 61:6

ẹkẹvuọvo ke se we irherẹn rẹ Ọrovwohwo na, ihwo ke ta kpahe owẹ nẹ igbodibo rẹ Ọghẹnẹ rẹ avwanre, ku wọ re vwe efe re otọ na, vwẹ efe rayen wo de vwo ejiro.

Daniẹl 4:34

Re oba rẹ ẹdẹ na rhi vwo tẹ, Mẹvwẹ, Nebukadneza da kpare epharo nẹ obo odjuvwu, etiyin iroro mẹ de rhivwi bru vwẹ rhe, etiyin mi de jiri ọ ro Me Kpenu ejobi, mi de jiro me da vwẹ ọghọ kẹ ohwo rọ herọ bẹdẹ; kidie isuesun rọye isuesun ri bẹdẹ, uvie rọye herọ nẹ uvwiẹ re te uvwiẹ.

Daniẹl 7:14

Kọye vwẹ isuesun kẹ, kugbe urinrin vẹ uvie, rere ihwo ejobi, vẹ ẹgborho ejobi vẹ ephẹrẹ ejobi vwọ sa ga; isuesun rọye ọye isuesun ri bẹdẹ, ro che jẹ ẹwanvrẹn, kẹ uvie re jẹ sa ghwọrọ.

Matiu 6:13

Wo suẹn avwanre ro ọdavwini-i, ẹkẹvuọvo si avwanre nẹ ukpokpogho.

Iyẹnrẹ Esiri ri Jọn 5:23

rere ayen ejobi vwo mu ọghọ kẹ Ọmọ na, kirobo rẹ ayen ji mu ọghọ kẹ Ọsẹ na. Ohwo ro rhe mu ọghọ kẹ Ọmọ na-a yo ji mu ọghọ kẹ Ọsẹ na ro jiro rhe-e.

Ọbe ri Pọl si rhe Ihwo ri Rom 11:36

Kidie obọ rọye emu na ejobi nẹ cha, ọye re ma ayen, ọye nẹrhẹ ayen dia. Ọye a vwẹ ejiro kẹ bẹdẹ. Isẹ.

Ọbe ri Pọl si rhe Ihwo ri Rom 15:6

rere avwanre kuoma gbe ọvo vẹ urhuru ọvo vwo jiri Ọghẹnẹ kugbe Ọsẹ rẹ Ọrovwavwanre Jesu Kristi.

Filipae 2:11

nẹ unu kunu ejobi ke cha rhọvwe nẹ Jesu Kristi hẹ Ọrovwohwo, fiki rẹ urinrin rẹ Ọghẹnẹ Ọsẹ na.

1 Timoti 6:16

ọvuọvo ro je ghwo na rọ dja vwẹ evun rẹ orẹẹmrẹ re yivwẹ siẹ kẹrẹ-ẹ, rẹ akpọ je mrẹ dẹvo-o eye sa mrẹ-ẹ. Ọye a vwẹ ọghọ kugbe isuesun ri bẹdẹ kẹ. Isẹ.

Hibru 13:21

ọ kẹ ovwan emu esiri ejobi rere we vwo ru ọhọre rọye, ro ru iruo vwẹ evun rẹ ovwan. E jẹ ovwan ru iruo ro yovwiri vwẹ obaro rọye, vwẹ oma ri Jesu Kristi; ọye a vwẹ urinrin kẹ bẹdẹ bẹdẹ. Isẹ.

1 Pita 4:11

Kohwo kohwo rọ ta ota, ọ me ta kerẹ ọboepha rẹ Ọghẹnẹ; kohwo kohwo rọ gọ ẹga, ọ me ga vwẹ ogangan rẹ Ọghẹnẹ vwọ kẹ; rere vwi kemu kemu ejobi a sa vwẹ urinrin kẹ Ọghẹnẹ vwẹ oma ri Jesu Kristi. Ọye a vwẹ urinrin kẹ kugbe isuesun bẹdẹ bẹdẹ. Isẹ.

1 Pita 5:11

Kọye ri vwo isuesun bẹdẹ bẹdẹ. Isẹ.

2 Pita 3:18

Ẹkẹvuọvo gba rho vwẹ evun rẹ ẹserọphẹ kugbe erianriẹn rẹ Ọrovwavwanre kugbe Osivwi rẹ avwanre Jesu Kristi. Ọye a vwẹ urinrin kẹ vwẹ asakiephana rhiri re te ẹdẹ ri bẹdẹ na. Isẹ.

Ọbe ri Jud 1:25

vwọ kẹ Ọghẹnẹ ọvuọvo na, Osivwi rẹ avwanre vwẹ oma ri Jesu Kristi Ọrovwavwanre ọye a vwẹ urinrin, ọrho, isuesun, kugbe ogangan kẹ, vwẹ ọke ejobi kugbe asakiephana bẹdẹ bẹdẹ. Isẹ.

Ẹvwọphia 1:9

Mẹvwẹ ri Jọn, oniọvo rẹ ovwan, rọ vọ ovwan gbe vwo ẹkẹn vwẹ ukpokpogho ri Jesu kugbe uvie rọye kugbe erhiori rẹ akoechiro rọye, da hẹ ubrotọ re se Patmọs vwi fiki rẹ ota rẹ Ọghẹnẹ kugbe oseri ri Jesu.

Ẹvwọphia 20:6

Ebruba kugbe ẹfuọn kẹ ohwo ro vwo obọ vwẹ evrẹnushi rẹsosuọ na! Ughwu rivẹ na rhe vwo ogangan vwẹ enu rẹ ohwo ọtiọye-e, ẹkẹvuọvo ayen ke cha dia irherẹn rẹ Ọghẹnẹ kugbe ọ ri Kristi, ayen vẹ ọye ke re ikpe uriori.

Ẹvwọphia 4:11

Wọwẹ hẹ ohwo ro fori, Ọrovwavwanre kugbe Ọghẹnẹ, rọ reyọ urinrin kugbe ọghọ kugbe ogangan, kidie wọwẹ re mama emu ejobi, ọhọre wẹn ayen vwọ herọ kọye a vwọ mama ayen.

Ẹvwọphia 5:10

ọ da vwẹ ayen ru uvie kugbe irherẹn kẹ Ọghẹnẹ rẹ avwanre, kẹ ayen cha re vwẹ akpọ na.