Ẹvwọphia 1:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ ji nẹ obọ ri Jesu Kristi oseri rẹ uyota na, ọmọkpako ro ke ghwu varhe, kugbe osun rẹ ivie rẹ akpọ na. Ọye hẹ ohwo rọ guọnọ avwanre ọ da vwẹ ọbara rọye tan avwanre nẹ imwemwu rẹ avwanre

Ẹvwọphia 1:5 ပူးပေါင်းရင်းမြစ်များ

Une rẹ Ejiro 51:2

Họ vwẹ kakare nẹ orukuruku mẹ, rere wọ hworhẹ ovwẹ nẹ imwemwu mẹ,

Une rẹ Ejiro 72:11

Jẹn ivie ejobi she teye otọ vwẹ obaro rọye, ẹgborho na ejobi ga!

Une rẹ Ejiro 89:27

Ki mi vwo ru ọmọkpako, ovie ro me kpenu vwẹ akpọ na.

Isẹ 14:5

Omamọ rẹ oseri vwọrọn ofia-an, ẹkẹvuọvo oseri rẹ ofian vwọrọn efian.

Aizaya 55:4

Nighere, Mi vwi ro se oseri kẹ ihwo na, Osun kugbe onotu vwọ kẹ ihwo ejobi.

Daniẹl 2:2

Etiyin ovie na de se otu rẹ egbẹnẹke, idjene, eboepha, kugbe ihwo ri Kaldia ejobi koko rere ayen fa evwerhẹ na kẹ ovie. Etiyin ayen da rhe, ayen de rhi mudia phihọ obaro rẹ ovie na.

Daniẹl 7:14

Kọye vwẹ isuesun kẹ, kugbe urinrin vẹ uvie, rere ihwo ejobi, vẹ ẹgborho ejobi vẹ ephẹrẹ ejobi vwọ sa ga; isuesun rọye ọye isuesun ri bẹdẹ, ro che jẹ ẹwanvrẹn, kẹ uvie re jẹ sa ghwọrọ.

Livitikọs 13:58

Ẹkẹvuọvo ewun na, okpan eyẹ amwa re rhuori emu ra vwẹ ophiẹn ru ejobi, ọ da dianẹ emiavwe na nuro siẹ ra da fọnrhọn nu a Me rhoma fọnrhọn obọ rivẹ, ko dia fuanfon.

Zekaraya 13:1

Vwẹ ẹdẹ yena ogbugbu ko rhie phihọ kẹ uwevwi ri Devid vẹ ihwo re dia Jerusalẹm rọ vwọ hworhẹ ayen fon nẹ umwemwu vẹ ijẹfuọn.

Matiu 20:28

Ọ dianẹ Ọmọ rẹ ohwo rhere re e vwo gbe odibo kẹ-ẹ, ẹkẹvuọvo re o vwo gbe odibo, rere ọ vwẹ arhọ rọye tan ihwo buebu.

Matiu 28:18

Jesu vwo bru ayen rhe ọ da ta kẹ ayen nẹ, Ogangan ejobi re hẹ odjuvwu vẹ akpọ, a vwe ayen kẹ vwẹ.

Iyẹnrẹ Esiri ri Jọn 13:1

Asakiephana tavwe rẹ orẹ rẹ Ewanvrẹn ki rhi te, ri Jesu vwọ riẹn nẹ ọke rọye vwo nẹ akpọ na bru Ọsẹ na ra tere, rọ vwọ guọnọ erobọ rọye re hẹ akpọ na, ọ da guọnọ ayen te oba.

Iyẹnrẹ Esiri ri Jọn 13:34

Urhi ọkpokpọ mi ji kẹ ovwan nẹ, ovwan guọnọ ohwohwo; kirobo re me guọnọ ovwan na ọtiọye ovwan je guọnọ ohwohwo rhe.

Iyẹnrẹ Esiri ri Jọn 15:9

Kirobo rẹ Ọsẹ na guọnọ ovwẹ, ọtiọye me je guọnọ ovwan; ovwan dia vwẹ evun rẹ ẹguọnọ mẹ.

Iyẹnrẹ Esiri ri Jọn 18:37

Pailet da ta kẹ, Ọtiọye na wẹ kẹ ovie? Jesu da kpahe, We rẹ tare nẹ mẹvwẹ ovie. Kidie ọnana e vwo vwiẹ vwẹ, je vwi fiki rẹ ọnana me vwọ rhe akpọ na, rhi se oseri kẹ uyota na. Kohwo kohwo rọ dia ọ rẹ uyota na ko nyo urhuru mẹ.

Iyẹnrẹ Esiri ri Jọn 3:11

Uyota, uyota, me ta kẹ owẹ, avwanre ta ota rẹ obo rẹ avwanre riẹnre ji se oseri rẹ obo rẹ avwanre mrẹre; ẹkẹvuọvo wa reyọ iseri rẹ avwanre-e.

Iyẹnrẹ Esiri ri Jọn 3:16

Kidie ọtiọye Ọghẹnẹ guọnọ akpọ na ọ da vwẹ Ọmọ ọvuọvo rọye na kẹ, rere ohwo kohwo ro sere gbuyota vwo je ẹghwọrọ ẹkẹvuọvo ko vwo arhọ ri bẹdẹ.

Iyẹnrẹ Esiri ri Jọn 3:32

Ọye ri se oseri rẹ obo rọ mrẹre kugbe ọ ro nyori, yẹ ohwo ọvuọvo reyọ iseri rọye-e;

Iruo rẹ Iyinkọn na 20:28

Wa kẹnoma rẹ ovwan kugbe uchuru na ejobi, rẹ Ẹrhi Ọfuanfon na vwọ kẹ ovwan nẹ wa vwẹ ẹro te, re wa ghẹrẹ ishọshi rẹ Ọrovwohwo rọ vwẹ ọbara robọ rọye dẹ.

Iruo rẹ Iyinkọn na 26:23

nẹ Kristi na cha reoja, nẹ, ọ vwọ dia ohwo rẹsosuọ ro ke vrẹn nẹ ughwu rhe na, ko che ghwoghwo orẹmrẹ kẹ ihwo na ji kugbe otu ri Keferi.

Ọbe ri Pọl si rhe Ihwo ri Rom 3:25

Ohwo rẹ Ọghẹnẹ vwẹ ọbara rọye vwọ hwa osa na, re a sa vwẹ esegbuyota vwọ reyọ. Ọnana kọye e vwo dje ọvwata rẹ Ọghẹnẹ, fikiridie vwẹ evun rẹ akoechiro rọye ọ da vwẹ imwemwu rẹ awanre ejobi vwọ vrẹn avwanre;

Ọbe ri Pọl si rhe Ihwo ri Rom 8:37

Ejo, vwẹ evun rẹ imu na ejobi avwanre rhonọ ihwo re kpare obọ fiki rẹ ohwo rọ guọnọ avwanre.

1 Kọrẹnt 6:11

Ọtiọye evo vwẹ usun rẹ ovwan na epha jovwo. Ẹkẹvuọvo a họ ovwan, e ru ovwan fon, ovwan rease vwẹ odẹ rẹ Ọrovwohwo Jesu Kristi kugbe Ẹrhi rẹ Ọghẹnẹ rẹ avwanre.

Galesha 2:20

A kanre ovwẹ vi Kristi mu agbagba nure, ọ gbe dia omẹvwẹ re herọ na-a, ẹkẹvuọvo, kẹ Kristi re herọ vwẹ evun mẹ; akpọ ri mi yere vwẹ esegbuyota rọ hẹ oma rẹ ọmọ rẹ Ọghẹnẹ, rọ guọnọ ovwẹ rọ da vwẹ oma rọye kẹ vwẹ.

Ẹfesọs 2:4

Ẹkẹvuọvo Ọghẹnẹ, rọ vẹ arodọvwẹ buebu, vwẹ evun rẹ ẹguọnọ rode ro vwo kẹ avwanre na,

Ẹfesọs 5:2

Re wan yan vwẹ evun rẹ ẹguọnọ, kirobo ri Kristi guọnọ avwanre ro de siobọ nẹ oma rọye vwọ kẹ avwanre, vwo ze izobo ro gbo ọnrhe ororo kẹ Ọghẹnẹ.

Urhi Rivẹ 18:2

Ayen che vwo ukuẹriọ vwọ uherevie rẹ imoni raye-en, Ọrovwohwo re cha dia ẹkẹn uku rayen, kirobo ro ve kẹ ayen.

Urhi Rivẹ 23:5

Dede na Ọrovwohwo rẹ Ọghẹnẹ wẹn na kerhọ ri Balam na-a; ẹkẹvuọvo Ọrovwohwo rẹ Ọghẹnẹ wẹn na da rhẹriẹ iyori na phihọ ebruphihọ kẹ wẹ, fikiridie Ọrovwohwo rẹ Ọghẹnẹ wẹn na guọnọ owẹ.

Urhi Rivẹ 7:8

ẹkẹvuọvo fiki rẹ obo rẹ Ọrovwohwo vwọ guọnọ ovwan, gbe fiki rẹ obo rọ vwọ yọnrọn ive ro veri kẹ esẹ rẹ ovwan gbagba, ọ vwọ vwẹ obọgangan reyọ ovwan phia ọ ke je tan ovwan nẹ uwevwi rẹ ọviẹn nẹ obọ ri Fero ovie rẹ Ijipt.

Kolose 1:18

Ọye hẹ uyovwi rẹ oma na, kọye hẹ ishoshi na; ọye hẹ ẹtuọhọ, ọye hẹ ọmọ ọkpako ro ke vrẹn nẹ ughwu rhe, rere ekpuyovwi rọye ọvo vwọ dia ọ ro me kpenu vwẹ enu rẹ emu na ejobi.

1 Timoti 6:13

Ọbaro rẹ Ọghẹnẹ rọ vwẹ arhọ kẹ emu ejobi na, kugbe ọ ri Kristi Jesu rọ dia obaro ri Pọntiọs Pailet de se iseri rọ da je rhọvwe omamọ rẹ ẹrhọvwọ,

1 Timoti 6:15

ka cha vwẹ ọnana phia vwẹ omamọ ọke rọye Osun ọvuọvo na re bruba kẹ, Ovie ro vwo ivie ejobi kugbe Ọrovwohwo ro vwo ihwo ejobi,

Hibru 10:29

Ki bro ehwe ọbrabra we rori nẹ e hwe ohwo na ro ni Ọmọ rẹ Ọghẹnẹ na saka, ro de rhe gbe ọbara rẹ ọphọ na ra vwọ hworhẹ fon na ẹgua, rọ da rha kpare ophu rẹ Erhi rẹ ẹserọphẹ na?

Hibru 9:14

komavọ ọbara ri Kristi, rọ wan oma rẹ Erhi ri bẹdẹ na vwẹ oma rọye gọ iye ro jẹ ekan evwo kẹ Ọghẹnẹ, se ru udu rẹ ovwan fon nẹ iruo ighweghwu na ra gọ Ọghẹnẹ ri bẹdẹ na.

1 Pita 1:19

ẹkẹvuọvo ọbara ọghaghare ri Kristi na, kerẹ omogodẹ ro vwo eka-an eyẹ upe-e.

1 Jọn 1:7

ẹkẹvuọvo avwanre da yan vwẹ evun rẹ urhukpẹ, kirobo rẹ ekpuyovwi rọye hẹ evun rẹ urhukpẹ na, avwanre ohwohwo ki vwo okugbe kẹ ohwohwo, ọbara ri Jesu Ọmọ rọye kọ hworhẹ avwanre nẹ umwemwu ejobi.

1 Jọn 4:10

Ọnana hẹ ẹguọnọ, ọ dianẹ kẹ avwanre re guọnọ Ọghẹnẹ-ẹ ẹkẹvuọvo ọye re guọnọ avwanre o de ji Ọmọ rọye rhe rhe rhuẹrẹ arhuẹrẹ fiki rẹ imwemwu rẹ avwanre.

Ẹvwọphia 11:15

Amakashe ri ghwrẹ de hworo owanre rọye, edo rode de mu vwẹ odjuvwu, tanẹ, Uvie rẹ akpọ na rhi hirhe phihọ uvie rẹ Ọrovwavwanre kugbe Kristi rọye re, kọ cha re rhiri bẹdẹ bẹdẹ.

Ẹvwọphia 11:3

Ke me vwẹ ogangan kẹ iseri mẹ ivẹ rere e mraro ẹdẹ uriori kugbe uri gbẹ ujorha, ye vwẹ emwa rẹ uvweri rhuo.

Ẹvwọphia 17:14

ayen ke cha vwẹ ofovwi so Omogodẹ na, Omogodẹ na ko phi ayen kua, kidie ọye hẹ Ọrovwohwo ro vwo ihwo ejobi kugbe Ovie ro vwo ivie ejobi, ayen otu re vẹ ọye gba herọ ayen o seri rọ jẹreyọ ri segbuyota.

Ẹvwọphia 19:11

Etiyin me da mrẹ odjuvwu ro rhie phihọ, mi vwo ni, me da mrẹ esi ọfuanfon! E de se ọ ro tidia vwẹ enu rọye na Ọresiri kugbe Uyota, vwẹ evun rẹ ọvwata ọye o de guẹdjọ ọye o de ji phiẹ ofovwi.

Ẹvwọphia 19:16

E de si odẹ tamu ewun rọye kugbe ekpoghowọ rọye, Ovie rẹ ivie kugbe Ọrovwohwo ro vwo ihwo.

Ẹvwọphia 2:13

Me riẹn asan re wọ dia, asan rẹ ekete rẹ idẹbono epha; wọ da yọnrọn odẹ mẹ kokoroko wọ sa sen esegbuyota mẹ-ẹ marho kẹ ọke rẹ Antipas oseri mẹ na, ro se vwe gbuyota na, re hweri vwẹ ohri rẹ ovwan na, vwẹ asan rẹ Idẹbono dia na.

Ẹvwọphia 3:14

Kẹ enẹ o si rhe amakashe rẹ ishọshi ri Laodisha: Eta rẹ ohwo re se Isẹ, ro segbuyota kugbe oseri rẹ uyota, ẹtuọhọ rẹ emama rẹ Ọghẹnẹ.

Ẹvwọphia 7:14

Me da ta kẹ, ọrovwori, wẹ re riẹnrẹ. Ọ da ta kẹ vwẹ, Enana hẹ ihwo ri nẹ evun rẹ ukpokpogho rode na rhe; ayen fọnrhọn edagba rayen fon vwẹ ọbara rẹ Omogodẹ na.