Ẹvwọphia 1:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Mẹvwẹ ri Jọn ri si ọbe nana rhe ishọshi re hẹ Esha: Ẹserọphẹ dia kẹ ovwan kugbe ufuoma nẹ obọ rẹ ohwo rọ herọ vwẹ asakiephana rọ je herọ rhabae kugbe ọ rọ je cha rhe vwobọ, ji kugbe erhi ighwrẹ re hẹ obaro rẹ ekete na,

Ẹvwọphia 1:4 ပူးပေါင်းရင်းမြစ်များ

Une rẹ Ejiro 90:2

Tavwe rẹ igbenu na ke rhe tan phia, eyẹ tavwe wọ ke rhe mama otọ na vẹ akpọ na, nẹ irhiri re duvwu irhiri wọwẹ ọye Ọghẹnẹ

Ẹyano 3:14

Ọghẹnẹ da ta kẹ Mosis, “MẸVWẸ ỌYE ỌMẸVWẸ.” Ọ da ta, “Vuẹ ayen nẹ, ‘MẸVWẸ ọyen ju vwe bru ovwan rhe.’ ”

Aizaya 11:2

Erhi rẹ Ọrovwohwo kọ cha rhan muo, erhi rẹ ẹghwanre vẹ ẹruọ; erhi rẹ iroro vẹ ẹgba, erhi rẹ erianriẹn vẹ oshọ ẹdjẹ rẹ Ọrovwohwo

Aizaya 41:4

Kono vwẹ ona vwo ru ọnana, ro se orua na nẹ ẹtuọho rhe? Mẹvwẹ, Ọrovwohwo na, ọye ẹsosuọ, kugbe ọ rọ ka oba, Mẹvwẹ ọye.

Aizaya 57:15

Kidie enẹ Ọro grori ro kpenu Ọvuọvo na tare rọ dia uphephẹ re rara, rẹ odẹ rọye Ọfuanfon. Me dia asan ro kpenu rọ fonro, ihwo re fonro rẹ udu rayen kpotọ Me vayen gbe dia, rere Me vwọ rhọvwọ udu ro kpotọ, rere Me vwọ sasa udu rọ fonro,

Maika 5:2

Ẹkẹvuọvo wẹ, E Bẹtlẹhẹm Efrata, wẹ re ma hanvwe vwẹ usun rẹ uvwiẹ ri Juda, oma wẹ ọye ohwo ọvo che nurhe kẹ vwẹ rọ cha dia osun vwẹ Izrẹl, ohwo rọ herọ nẹ awanre rhe, nẹ ọke re rhabae rhe.

Zekaraya 3:9

Kidie gbe nighere, vwẹ enu rẹ oragha mi vwo mu vwẹ obaro ri Joshua na, vwe enu rẹ oragha ọvuọvo rọ vwẹ epharo ighwrẹ na, Me cha tọn odẹ rọye phihọ, Ọrovwohwo rẹ otuofovwi na tarọ, ki mi si abe rẹ otọ na no ẹdọke ọvo.

Zekaraya 4:10

Kidie ohwo rọ jẹ ẹdẹ re emu itete Mẹ fia cha ghọghọ, ọ cha mrẹ ovwanvwọn rẹ okokodo vwẹ obọ ri Zerubabẹl. Enana ighwrẹ na he ibiẹro rẹ Ọrovwohwo, ro vwo nẹ akpọ na ejobi duvwẹ.

Zekaraya 6:5

Amakashe na da kpahe kẹ vwẹ, Enana yanran kpo igogo ẹne rẹ akpọ na, siẹrẹ ayen da vwẹ oma rayen nẹ vwẹ obaro rẹ Ọrovwohwo rẹ akpọ na ejobi nu.

Iyẹnrẹ Esiri ri Jọn 1:1

Notọrhe ọye Ota na vwọ herọ, Ota na vẹ Ọghẹnẹ gba herọ, Ota na ye hẹ Ọghẹnẹ.

Iruo rẹ Iyinkọn na 19:10

Ayen de ru ọnana ikpe ivẹ soso, ọtiọye na otu rẹ dia Esha ejobi de nyo eta rẹ Ọrovwohwo, tẹ ihwo ri Ju vẹ Grik.

Iruo rẹ Iyinkọn na 2:9

Ihwo ri Patia kugbe Mid kugbe Elam kugbe ihwo re dia Mẹsopotemia, Judia kugbe Kapadosha, Pọntus kugbe Esha.

Ọbe ri Pọl si rhe Ihwo ri Rom 1:7

Re vwo rhe ovwan ejobi rẹ evun rẹ ayen vwerhe Ọghẹnẹ vwi Rom, re seri ne rhe dia irherẹn; Ẹserọphẹ vẹ ufuoma ro nẹ obọ rẹ Ọghẹnẹ Ọsẹ rẹ avwanre kugbe Ọrovwohwo Jesu Kristi nene ovwan dia.

1 Kọrẹnt 1:3

Ẹserọphẹ kugbe ufuoma ro nẹ obọ rẹ Ọghẹnẹ Ọsẹ rẹ avwanre kugbe Ọrovwohwo Jesu Kristi nene ovwan dia.

2 Kọrẹnt 1:2

Ẹserọphẹ kugbe ufuoma ro nẹ obọ rẹ Ọghẹnẹ Ọsẹ rẹ avwanre kugbe Ọrovwohwo Jesu Kristi nene ovwan dia.

Hibru 13:8

Obo ri Jesu epha vwẹ odẹ ro kpori na eriyin ọ epha nonẹ na eriyin ọ je cha dia bẹdẹ.

Jems 1:17

Kemu kemu esiri na ejobi obo odjuvwu i nẹ cha, nẹ obo rẹ osẹ rẹ urhukpẹ na cha ohwo ro vwo ẹrhẹriẹ-ẹ, rẹ uhoho re ebri ọvuọvo rheri-i.

Ẹvwọphia 1:1

Ọbe rẹ ẹvwọphia ri Jesu Kristi, rẹ Ọghẹnẹ vwọ kẹ nẹ o vwọ phia kẹ odibo rọye vwọ kpahe obo re cha phia nanana; o de ji amakashe rọye bru Jọn odibo rọye ra rere o re dje imu na ejobi kẹ,

Ẹvwọphia 1:11

rọ tanẹ, Si obo ru wọ mrẹre na phihọ ọbe re wo vwo rhe ishọshi ighwrẹ na, vwo rhe Ẹfesọs kugbe Simana kugbe Pẹgamọm vwo rhe Taetira vwo rhe Sadis vwo rhe Filadẹlfia vwo rhe Laodisia.

Ẹvwọphia 1:17

Ọke re me vwọ mrẹ, mi de she teye awọ rọye kerẹ ohwo ro ghwuru. Ẹkẹvuọvo ọ da ghwẹ obọrhe rọye kpahe ovwẹ, tanẹ, Wọ djẹ oshọ-ọ, Mẹvwẹ hẹ ohwo rẹsosuọ kugbe ọ rọ ka oba,

Ẹvwọphia 1:20

Vwọ kẹ igbunu rẹ isio ighwrẹ na ru wọ mrẹre vwẹ obọrhe mẹ na, kugbe igburhukpẹ rẹ oro ighwrẹ na, isio ighwrẹ na aye hẹ emakashe ighwrẹ rẹ ishọshi na kugbe igburhukpe ighwrẹ na kẹ eye hẹ ishọshi ighwrẹ na.

Ẹvwọphia 1:8

Mẹvwẹ hẹ Ẹsosuọ na kugbe Oba na, eriyin Ọrovwohwo Ọghẹnẹ na tare, ohwo rọ herọ vwẹ asakiephana rọ je herọ rhabae kugbe ọ rọ je cha rhe vwobọ, Ọrovwoẹgba na.

Ẹvwọphia 1:9

Mẹvwẹ ri Jọn, oniọvo rẹ ovwan, rọ vọ ovwan gbe vwo ẹkẹn vwẹ ukpokpogho ri Jesu kugbe uvie rọye kugbe erhiori rẹ akoechiro rọye, da hẹ ubrotọ re se Patmọs vwi fiki rẹ ota rẹ Ọghẹnẹ kugbe oseri ri Jesu.

Ẹvwọphia 16:5

Mi de nyo amakashe rẹ ame na rọ tanẹ, Ọsoso wọ epha vwẹ orhiẹ nana wo brẹ na, wẹ rọ herọ nonẹ kugbe rhabae, E Ọfuanfon Ọvuọvo na.

Ẹvwọphia 2:12

Kẹ enẹ o si rhe amakashe rẹ ishọshi ri Pẹgamọn. Eta rẹ ohwo ro vwo ọgbọdọ rọ dan prẹprẹ na.

Ẹvwọphia 2:18

Kẹ enẹ o si rhe amakashe rẹ ishọshi ri Taetira; Eta rẹ Ọmọ rẹ Ọghẹnẹ, ro vwo ẹro rọ họhọ ẹkuerhanre, rẹ awọ rọye họhọ ẹrovwo ra fare.

Ẹvwọphia 2:8

Kẹ enẹ o si rhe amakashe rẹ ishọshi ri Simana. Eta rẹ ohwo rẹsosuọ kugbe ọ rọ ka oba, ohwo ro ghwuru rọ da rhoma varhe.

Ẹvwọphia 22:16

Mẹvwẹ ri Jesu ri ji amakashe mẹ rhe we ro se iseri nana kẹ ishọshi na. Mẹvwẹ hẹ owọ kugbe upene ri Devid, isio rẹ irhiọke ro lo.

Ẹvwọphia 22:8

Mẹvwẹ ri Jọn hẹ ohwo ro nyori rọ je mrẹ imu nana. Ọke ri mi vwo nyo re me vwọ mrẹ ayen, mi de she diguẹ me da gọ vwẹ asan awọ rẹ amakashe rọ vwẹ ayen nẹ vwẹ na;

Ẹvwọphia 3:1

Kẹ enẹ o si rhe amakashe rẹ ishọshi ri Sadis. Eta rẹ ohwo ro vwo erhi ighwrẹ rẹ Ọghẹnẹ na kugbe isio ighwrẹ na. Me riẹn iruo wẹn; a vwẹ owẹ roro ohwo ọkpokpọ, da yi wo ghwuru.

Ẹvwọphia 3:14

Kẹ enẹ o si rhe amakashe rẹ ishọshi ri Laodisha: Eta rẹ ohwo re se Isẹ, ro segbuyota kugbe oseri rẹ uyota, ẹtuọhọ rẹ emama rẹ Ọghẹnẹ.

Ẹvwọphia 3:7

Kẹ enẹ o si rhe amakashe rẹ ishọshi ri Filadẹlfia. Eta rẹ ọfuanfon ọvuọvo na, ohwo rẹ uyota na, ro vwo usiaphrẹ ri Devid, ohwo ro rhie nẹ ohwo ọfa se huho-o, ro de huho nu ohwo ọfa se rhie-e.

Ẹvwọphia 4:5

Enu kọ nyavwaro nẹ obo ekete na cha, kugbe urhuru vẹ edo rẹ agbrara, irhukpẹ ighwrẹ re la da hẹ obaro rẹ ekete na, kẹ eye hẹ erhi ighwrẹ rẹ Ọghẹnẹ na;

Ẹvwọphia 4:8

Ọvuọvo vwẹ eranvwe ekpokpọ ẹne na, de vwo ibekpe esan, e da vọn vẹ ibiẹro riariẹ ji kugbe obo evun, ayen vwo omaerovwo rẹ une ẹsuọ vwẹ ason kugbe uvo-o, tanẹ. Ẹfuọn, ẹfuọn, ẹfuọn, ọye hẹ Ọrovwohwo Ọghẹnẹ Ọrovwoẹgba, ohwo rọ herọ rhabae rọ je herọ vwẹ asakiephana rọ je cha dia bẹdẹ.

Ẹvwọphia 5:6

Vwẹ uvwre rẹ ekete na kugbe eranvwe ekpokpọ ẹne na kugbe ohri rẹ ekpako na, me da mrẹ Omogodẹ ro mudia, kerẹ ọ re hweri na, vẹ ighoro ighwrẹ kugbe ẹro ighwrẹ, kọye hẹ erhi ighwrẹ rẹ Ọghẹnẹ ro ji ro akpọ na ejobi;

Ẹvwọphia 8:2

Etiyin me da mrẹ emakashe ighwrẹ ri mudia vwẹ obaro rẹ Ọghẹnẹ, a da vwẹ ewanre ighwrẹ kẹ ayen.