Ẹvwọphia 1:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ebruba kẹ ohwo ro se eta rẹ aroẹmrẹ na phia, kugbe ebruba kẹ ayen otu ri nyoro, re da yọnre obo re si phihọ evun rọye; kidie ọke na kẹre otọ rẹ.

Ẹvwọphia 1:3 ပူးပေါင်းရင်းမြစ်များ

Isẹ 8:34

Aghọghọ kẹ ohwo rọ kerhọn mẹ, rọ rhẹrẹ vwẹ anurhoro mẹ kẹdẹ kẹdẹ, rọ hẹrhẹ vwẹ oma rẹ ẹchẹ mẹ.

Jerimaya 51:61

Jerimaya da ta kẹ Siraya: Ọke wo de te Babilọn, mrẹ nẹ wọ se eta nana ejobi,

Matiu 24:15

Ọke rẹ ovwan da rhe mrẹ ukpokpogho rẹ ẹgua, ra tare vwẹ ọbe ri Daniẹl ọmraro na, ro mudia vwẹ asan ọfuanfon na (e jẹn ohwo ro se riẹn otọ rọye),

Iyẹnrẹ Esiri ri Luk 11:28

Ẹkẹvuọvo ọ da ta, Ofori wọ vwọ ta, Ebruba kẹ ihwo ri nyo eta rẹ Ọghẹnẹ re da yọnrọn.

Ọbe ri Pọl si rhe Ihwo ri Rom 13:11

Ovwan riẹn nẹ o te ọke rẹ ovwan vwọ rhọvwọ nẹ ovwerhẹ rẹ. Kidie ọke nana esivwo rẹ ovwan vwọ kẹre nọ ọke rẹ ovwan vwo segbuyota vwẹ obọ;

Ọbe ri Pọl si rhe Ihwo ri Rom 13:12

ọke na kpo krire, ọke na che rhiere. E gbe jẹn avwanre siobọ nẹ iruo rẹ ebri na re avwanre ku ewun rẹ urhukpẹ na phihọ.

1 Pita 4:7

Oba rẹ emu na ejobi si kẹre re; fiki rẹ ọtiọye na gbe ru dọe re ẹro hiẹ wẹ vwẹ ọke wọ da nẹ ẹrhovwo.

2 Pita 3:8

Ẹkẹvuọvo ovwan sian uyota nana ọvuọvo-o, imoni, nẹ ẹdẹ ọvo vwẹ obọ rẹ Ọrovwohwo ọ họhọ ikpe uriori, ikpe uriori ọ họhọ ẹdẹ ọvo.

Ẹvwọphia 22:10

Ọ da ta kẹ vwẹ, Wo huhu ọbe rẹ eta rẹ aroẹmrẹ nana-a, kidie ọke na si kẹre re.

Ẹvwọphia 22:12

Nighe, me cha nanana, me vẹ osa mẹ, re me cha hwa kẹ ohwo ọvuọvo kirobo ro ruru.

Ẹvwọphia 22:20

Ohwo ro se oseri kpahe Emu nana tare, O muẹro me cha nanana. Isẹ. Yanrhe, Ọrovwohwo Jesu!

Ẹvwọphia 3:11

Me cha phẹrẹkpẹ; yọnre esegbuyota ro te we obọ nure na ga, rere ohwo ọfa vwo jẹ erhu wẹn na ẹgborho reyọ.