Ẹvwọphia 1:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Ọbe rẹ ẹvwọphia ri Jesu Kristi, rẹ Ọghẹnẹ vwọ kẹ nẹ o vwọ phia kẹ odibo rọye vwọ kpahe obo re cha phia nanana; o de ji amakashe rọye bru Jọn odibo rọye ra rere o re dje imu na ejobi kẹ,

Ẹvwọphia 1:1 ပူးပေါင်းရင်းမြစ်များ

Une rẹ Ejiro 25:14

Ugbeyan re Ọrovwohwo eye ihwo re djẹ oshọ rọye, kọ cha vwẹ ọphọ rọye phia kẹ ayen.

Daniẹl 8:16

Mi de nyo urhuru rẹ ohwo ọvo vwẹ uvwre rẹ eghẹn rẹ Ulai na; o de se, Gabriẹl, ru ohwo nana rọ riẹn otọ rẹ emramrẹ na.

Daniẹl 9:21

Ọke re me vwọ ta ota vwẹ ẹrhovwo re, ọshare na Gabriel, re me mrẹre vwẹ evwerhẹ vwẹ ẹsosuọ na, da rhan bru vwẹ rhe vwẹ ọke rẹ izobo rẹ ovwọnvwọn.

Daniẹl 9:23

Vwẹ ẹtuọphihọ rẹ orẹ wẹn ota ọvo de bru vwẹ rhe, ke me rhere rhe ta kẹ wẹ, fikiridie ivun wẹ vwerherọ gangan; fiki rẹ ọtiọye na roro ota na rere emramrẹ na ro owẹ.

Emọs 3:7

Uyota Ọrovwohwo Ọghẹnẹ na se ru emuọvo-o, ro de je odjahọ rọye ẹ vwọ phia kẹ ihwo rọye emraro na-a

Iyẹnrẹ Esiri ri Jọn 12:49

Kidie ọ dia ogangan robọ mẹ me vwọ ta ota na-a; Ọsẹ na ro ji vwe na vẹ ekpuyovwi rọye re kẹ vwẹ urhi rẹ obo re me ta vẹ obo re me ta wan.

Iyẹnrẹ Esiri ri Jọn 15:15

Mi gbi se ovwan idibo ọfa-a, kidie odibo riẹn obo rẹ onini rọye ruẹ-ẹ ẹkẹvuọvo mi se ovwan igbeyan, kidie obo ri mi nyo mie Ọsẹ mẹ ejobi me vwẹ ayen phia kẹ ovwan.

Iyẹnrẹ Esiri ri Jọn 17:8

kidie eta na re wọ vwọ kẹ vwẹ na me vwẹ ayen vwọ kẹ ayen, ayen da reyọ ayen da riẹn vwẹ ọ rẹ uyota nẹ obọ wẹn mi nurhe; ayen de segbuyota nẹ wọwẹ ri ji vwe rhe.

Iyẹnrẹ Esiri ri Jọn 3:32

Ọye ri se oseri rẹ obo rọ mrẹre kugbe ọ ro nyori, yẹ ohwo ọvuọvo reyọ iseri rọye-e;

Iyẹnrẹ Esiri ri Jọn 8:26

Mi vwo emu buebu re me ta kpahe ovwan kugbe emu buebu mi gu kpahe ovwan; ẹkẹvuọvo ọ ro ji vwe rhe na uyota, obo ri mi nyo mie kọye mi ghwoghwo kẹ akpọ na.

Ọbe ri Pọl si rhe Ihwo ri Rom 16:25

Asakiephana vwọ kẹ ohwo ro se ru ovwan gan kirobo re iyenrẹ esiri mẹ epha kugbe eghwoghwo ri Jesu Kristi, kirobo rẹ ẹvwọphia rẹ igbunu rọye teri re sinu rhabae rhe

Galesha 1:12

Kidie ọ dia obọ rẹ ohwo rẹ akpọ na me da reyọ-ọ, eyẹ kẹ obọ rẹ ohwo rẹ akpọ na mi de yono-o, ẹkẹvuọvo Jesu Kristi ọvo vwe rọ phia kẹ vwẹ.

Ẹfesọs 3:3

obo ra vwe rọ phia kẹ vwẹ rere me vwọ riẹn igbunu na, kirobo ri mi siro krẹn na.

Taitọs 1:1

Pọl, odibo rẹ Ọghẹnẹ kugbe ọyinkọn ri Jesu Kristi, ro ghwoghwo esegbuyota na kẹ ihwo rẹ Ọghẹnẹ sanọ reyọ, rere ayen vwọ riẹn uyota na vẹ uyoyovwi rọye,

Ẹvwọphia 1:19

Asakiephana gbe si obo re wọ mrẹre, obo re herọ vwẹ asakiephana kugbe obo ri che ru vwobọ.

Ẹvwọphia 1:9

Mẹvwẹ ri Jọn, oniọvo rẹ ovwan, rọ vọ ovwan gbe vwo ẹkẹn vwẹ ukpokpogho ri Jesu kugbe uvie rọye kugbe erhiori rẹ akoechiro rọye, da hẹ ubrotọ re se Patmọs vwi fiki rẹ ota rẹ Ọghẹnẹ kugbe oseri ri Jesu.

Ẹvwọphia 17:1

Amakashe ọvo vwẹ usun rẹ emakashe ighwrẹ na ri mu idjokpo ighwrẹ na da rhe ọ da ta kẹ vwẹ, Yanrhe, re me vwẹ orhiẹn re bruhwe igberadja ro tidia enu rẹ ame buebu na nẹ wẹ,

Ẹvwọphia 19:10

Etiyin mi de she diguẹ vwẹ asan awọ rọye me da gọ, ẹkẹvuọvo ọ da ta kẹ vwẹ, Wo ruẹ ọyena-a! Mẹvwẹ je hẹ odibo kugbe omoni kirobo wọ epha rọ yọnrọn iseri ri Jesu. Gọ Ọghẹnẹ. Kidie iseri ri Jesu vwenẹ ọye hẹ ohwo ro vwo erhi rẹ aroẹmrẹ.

Ẹvwọphia 19:9

Amakashe na da ta kẹ vwẹ, Si ọnana; Ebruba kẹ ayen otu re se kpo orẹ rẹ orọvwe rẹ Omogodẹ na. Ọ da ta kẹ vwẹ, Enana eta rẹ uyota rẹ Ọghẹnẹ.

Ẹvwọphia 21:2

Me da mrẹ orere ọfuanfon na, Jerusalẹm ọkpokpọ na, ro wotọ nẹ obọ rẹ Ọghẹnẹ cha vwẹ obo odjuvwu, rọ rhuẹrẹ oma kerẹ ọpha re che vwo kpo orọvwe;

Ẹvwọphia 21:9

Etiyin ọvo vwẹ usun rẹ emakashe ighwrẹ na, ro vwo idjokpo ighwrẹ rọ vọnre vẹ etiekọ ighwrẹ re ka uko na, da ta ota kẹ vwẹ, nẹ, Yanrhe, me vwẹ Ọpha na nẹ wẹ, aye rẹ Omogodẹ na.

Ẹvwọphia 22:1

Etiyin ọ da vwẹ urhie rẹ ame rẹ arhọ na vwọ nẹ vwẹ, ọ pha ghologholo, rọ djẹ nẹ ekete rẹ Ọghẹnẹ na kugbe ọ rẹ Omogodẹ na cha

Ẹvwọphia 22:16

Mẹvwẹ ri Jesu ri ji amakashe mẹ rhe we ro se iseri nana kẹ ishọshi na. Mẹvwẹ hẹ owọ kugbe upene ri Devid, isio rẹ irhiọke ro lo.

Ẹvwọphia 22:6

Ọ da ta kẹ vwẹ, Eta nana emamọ ota kugbe uyota. Ọrovwohwo na, Ọghẹnẹ rẹ irhi rẹ emraro na, ọye ri ji amakashe rọye rhi dje kẹ idibo rọye obo re cha phia nanana.

Ẹvwọphia 22:8

Mẹvwẹ ri Jọn hẹ ohwo ro nyori rọ je mrẹ imu nana. Ọke ri mi vwo nyo re me vwọ mrẹ ayen, mi de she diguẹ me da gọ vwẹ asan awọ rẹ amakashe rọ vwẹ ayen nẹ vwẹ na;

Ẹvwọphia 22:9

ẹkẹvuọvo ọ da ta kẹ vwẹ, Wo ruẹ ọyena-a! mẹvwẹ odibo kirobo wọ epha na kugbe imoni wẹn emraro na, kugbe ayen otu re yọnre eta rẹ ọbe nana. Gọ Ọghẹnẹ.

Ẹvwọphia 4:1

Rẹ Ọnana vwọ nu, mi vwo ni, nighe me da mrẹ ẹchẹ rẹ odjuvwu ro rhie phihọ! Urhuru rẹsosuọ ri mi ke nyo rọ ta ota kẹ vwẹ da họhọ owanre, ro se vwe nẹ, Yanrhe obonẹ, re me vwẹ obo re cha phia nanana vwọ nẹ wẹ.

Ẹvwọphia 5:7

ọ da yanran ra reyọ ọbe na nẹ obọrhe rẹ ohwo ro tidia vwẹ enu rẹ ekete na.