Ẹsta 7:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Etiyin Habona, ọvo vwẹ oghwara na ro mudia kẹrẹ ovie na da ta, Ọ rọ marho Heman kpahe ẹtan phihọ otọ hẹrhẹ Modekai, ọ rẹ ota rọye sivwi ovie na, ọ kpaherọ phene-phene phihọ uwevwi ri Heman, cubit ujuvẹ gbẹ ihwe okpenu te.

Ẹsta 7:9 ပူးပေါင်းရင်းမြစ်များ

Ivie rẹ Ivẹ 9:32

Ọ da kparo opharo rọye ni evakpo na, ọ da ta, Ono hẹ ẹbẹre mẹ? Ono? Idibo ivẹ eyẹ erha da gẹrẹ aro no.

Ẹsta 1:10

Vwẹ ẹdẹ righwrẹn, rẹ oma vwọ vwerhọ ovie na fiki rẹ idi rọ dare, ọ da ta kẹ Mehuman, Bizta, Habona, Bizta kugbe Abagta, Zethar, kugbe Kakas, eghwara ighwrẹn ri muẹ idi kẹ Ahasuerus rẹ ovie na,

Ẹsta 5:14

Etiyin aye rọye Zẹrẹsh vẹ igbeyan rọye ejobi da ta kẹ, E ja kpahẹ etan ro kpenu te cubit ujuvẹ gbẹ ihwe, vwẹ irhiọke gba ta kẹ ovie nẹ o churu Modekai si enu rọye, rere wọ vẹ ovie ki kpo emuẹriọ na vẹ omavwerhovwẹ. Uchebro nana de je Heman, o de ru ẹtan na.

Ẹsta 6:14

Rẹ ayen vwo nene ta ota na, eghwanre rẹ ovie na da rhe kpakpẹ Heman vwo kpo ẹriọ rẹ emu rẹ Ẹsta cheri na.

Ẹsta 6:2

A da mrẹ obo re siri, ri Modekai ta kpahe Bigtan kugbe Teresh, ivẹ vwẹ eghwara rẹ ovie na, re rhẹrẹ anurhoro na, e rẹ guọnọ ovie Ahasuerus hwe.

Ẹsta 8:7

Etiyin Ovie Ahasuerus da ta kẹ Ẹsta rẹ aye rẹ ovie vi Modekai rẹ ohwo ri Ju na, Nighe, me vwẹ uwevwi ri Hẹman vwọ kẹ Ẹsta, yẹ ayen ji churo si vwe etan na nure, kidie o che hwe ihwo ri Ju.

Ẹsta 9:14

Ovie na da tanẹ e ru ọnana e de ji urhi vwi Susa, emeshare ri Haman ihwe e de churu ayen si.

Ẹsta 9:25

ẹkẹvuọvo ọke rẹ Ẹsta vwo bru ovie rhe, o de ji urhi re si phihọ otọ nẹ iroro umwemwu rọ jẹ kpahe ihwo ri Ju na da rhoma she nyẹ uyovwi rọye, rere tẹ ọye vẹ emeshare rọye vwo she ẹtan rẹ obọ rọye.

Une rẹ Ejiro 141:10

Jẹn ohwo umwemwu koko she phihọ ariri robọ rayen ye okpuyovwi mẹ vabọ.

Une rẹ Ejiro 35:8

Jẹn oghwọrọ rhi shenyẹ ayen kpregede! Gbe jẹn ariri rẹ ayen vwọ tan na rhoma mu ayen; jẹn ayen sheruọ re ayen ghwu phihọ!

Une rẹ Ejiro 73:19

Mavọ a vwọ ghwọrọ ayen ẹsiẹvuọvo, re oshọ de hwerhe ayen yanran!

Daniẹl 6:24

Etiyin ovie na de ji urhi nẹ, a reyọ esharẹ na ri gbeje Daniẹl na rhe e de mu ayen phihọ ẹmwa rẹ ikpohrokpo na–-te ayen te emọ rayen, te eya rayen; tavwe re ayen ki rhi she te otọ re ẹmwa na ikpokrokpọ na de fru ayen i de vwirhi ibeku rayen ibribro.

Daniẹl 6:7

Itidiaga rẹ uvie na ejobi, inotu vẹ ehọnvwọre, ediaguare, kugbe isun ride na koko jẹ iroro nẹ ovie ji urhi rọ nabọ jẹ yọnrọn gan, tanẹ, kohwo kohwo rọ nẹ ẹrhovwo kẹ kọghẹnẹ kọghẹnẹ ejobi eyẹ ohwo, jokpa wẹ ọvo, E ovie, ke muo teye unu rẹ ikpohrokpo.

1 Samuẹl 17:51

Etiyin Devid da djẹ ra bẹrẹ agada sa ohwo ri Filistia na, ọ da yọnrọn ọlọkọ rọye o de yoro nẹ ako rọye rhe, o de hwe, ọ da vwọ nyavwe uyovwi roye no. Ọke rẹ ihwo ri Filistia vwọ mrẹ nẹ ọgba rayen ghwu nure, ayen da djẹ.