Ẹsta 7:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Fikiridie a shẹ avwanre, Mẹvwẹ vẹ ihwo mẹ, re a ghwọrọ, re e hwe ayen, re e phoro ayen nu. O dianẹ kẹ eviẹn ọvo a shẹ avwanre ra, te eshare te eya, mane me fọre, fikiridie ukpokpogho rẹ avwanre e se vwo dje obo re cha ghwọrọ nẹ ovie obọ-ọ.

Ẹsta 7:4 ပူးပေါင်းရင်းမြစ်များ

Ẹsta 3:9

O de je ovie e gbẹ jo ji urhi re a ghwọrọ ayen nu, Me hwa talẹnt rẹ idọnọ efuanfọn uriori ihwe kẹ ihwo rẹ ovie vwẹ iruo na kẹ rere ayen phi igho na phihọ ekpu rẹ ovie.

Urhi Rivẹ 28:68

Ọrovwohwo cha rhoma vwẹ ekọ ghwẹ ovwan kpo Ijipt, oyan ri mi veri nẹ ovwan gbe yan ọfa-a; ovwan ke dia Etiyin shẹ oma rẹ ovwan eviẹn rẹ eshare vẹ e rẹ eya kẹ ivwighrẹ rẹ ovwan, yẹ a mrẹ ohwo rọ dẹ ovwa-an.

Ẹsta 3:13

A de vwẹ ẹbe na kẹ ikọn na ghwa kpo ubrakpọ rẹ ovie na suẹn ejobi, re a ghwọrọ re ehwe, re si ihwo ri Ju ejobi notọ, tọmọ tọkpako, teya temọ, vwẹ ẹdẹ ọvuọvo, ẹdẹ ihwerha rẹ emeranvwe ihwivẹ rọ dia emeranvwe re se Ada, e mi rhe gborho ekuakua rayen reyọ.

Ẹsta 8:11

Vwẹ ọnana ovie na da vwẹ uphẹ kẹ ihwo ri Ju re hẹ orere ọvuọvo rere i koko rere ayen vwo sivwi arhọ rayen vwo nẹ ẹ guọghọ, vwọ hwe, vwo phorho nẹ otọ kunuofovwi eyẹ kohwo kihwo yẹrẹ ubrakpọ kubrakpọ re kpare ohọnre vwọ so ayen, te emọ rayen vẹ eya rayen, we mi rhe gborho ekuakua rayen.

Emọs 2:6

E nẹ Ọrovwohwo na tare: Fiki rẹ ogbeku erha rẹ Izrẹl, ji kugbe ẹne, Me gbe san rhan unu rẹ ehwe na-a; fikiridie ayen shẹ evwata fiki rẹ idọnọ, ihwo rẹ akpọ bẹn fiki rẹ awọ re isabato ivẹ…

Joẹl 3:6

Wọ shẹ ihwo ri Juda vi Jerusalẹm kẹ ihwo ri Grik, wo de mu ayen yanran shesheri nẹ ughwru rayen.

Ẹsta 7:6

Etiyin Ẹsta da ta, Ọvweghrẹn vẹ ukọ na! Ona Heman ovwọko na, Etiyin oshọ de rhi mu Heman vwẹ obaro rẹ ovie vẹ aye rẹ ovie.

Nehemaya 5:5

Asakiephana ugboma rẹ avwanre vẹ ugboma rẹ iniọvo rẹ avwanre, omaọvo emọ re avwanre vẹ erayen je vwẹ omaọvo, yẹ avwanre ra gba emeshare vẹ emetẹ rẹ avwanre vwo ruẹ eviẹn, ọ guakẹ nẹ a vwẹ ẹvo vwe usun re emetẹ rẹ avwanre na vwo ru eviẹn nure, ẹkẹvuọvo avwanre gbi se vwo ẹgba ra vwọ tan aye-en, kidie avwanre vwẹ idju re avwanre ve ogba ri vain rẹ avwanre viẹnwan nure.

1 Samuẹl 22:23

Nene uvwe dia, wọ djẹ oshọ-ọ, kidie ohwo rọ guọnọ ovwẹ hwe yọ guọnọ owẹ hwe rhe; obọ mẹ ọye wọ da rhọ.

Joshua 9:23

Asakiephana ekan dia kẹ ovwan, evo vwẹ usun rẹ ovwan ke dia eviẹn bẹdẹ, iduirhe kugbe ivoame rẹ uwevwi rẹ Ọghẹnẹ mẹ.

Iyẹnrẹ Esiri ri Luk 12:45

Ẹkẹvuọvo odibo yena da ta kẹ oma rọye nẹ, Onini mẹ cha fobọ rhee, ko hwe idibo rẹ emeshare vẹ emetẹ ri chekọ, ọ mia ria ọ mia da idi mie muo,

Ẹsta 7:5

Etiyin Ovie Ahasuerus da ta kẹ Ẹsta re aye rẹ ovie, Ono ohwo na, tivọ ọ epha rọ guọnọ emu nana ruẹ?

Ẹsta 8:6

Komavọ mi se vwo odiri vwọ mrẹ ukpokpogho ro bru ihwo me cha na.

Ẹsta 9:25

ẹkẹvuọvo ọke rẹ Ẹsta vwo bru ovie rhe, o de ji urhi re si phihọ otọ nẹ iroro umwemwu rọ jẹ kpahe ihwo ri Ju na da rhoma she nyẹ uyovwi rọye, rere tẹ ọye vẹ emeshare rọye vwo she ẹtan rẹ obọ rọye.

Daniẹl 6:2

ọ da vwẹ itidiaga erha vwọ mu phihọ enu rayen, Daniẹl kẹ ọvo vwẹ ohri rayen, kẹ ayen isun na nẹ iyẹnrẹn kẹ, rere emu ọvuọvo vwo jẹ ẹghwọrọ nẹ obọ rẹ ovie na.