Ẹsta 6:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Etiyin ovie da ta, Ono re hẹ ọguan na? Vwẹ ọke yena Heman ghwa rua ọguan rẹ uphephẹ rẹ ighẹn rẹ ovie na rọ cha vwọ ta kẹ ovie na nẹ e rhi churu Modekai si etan rọ rhuẹrẹ phihọ kẹ na.

Ẹsta 6:4 ပူးပေါင်းရင်းမြစ်များ

Ẹsta 4:11

Idibo rẹ ovie vẹ ihwo ejobi re hẹ ubrakpọ rẹ otọ rẹ ovie riẹnre nẹ ọshare yere aye de bru ovie kpo ọguan rọ hẹ obo uvun na jẹ e sere-e, urhi ọvuọvo kọye herọ kẹ, ihwo ejobi o vwo ọvo ro nuro-o ke hwe ayen, jokpa rẹ ohwo rẹ ovie yọnre ọkpọ rẹ ọro na kẹ ọye ọvo re rhọ. Yẹ e ji se vwe nẹ me rhe mrẹ ovie ẹdẹ ọgban nana-a.

Ẹsta 5:1

Vwẹ ẹdẹ rerha Ẹsta de ku iwun rẹ uvie rọye phihọ, o de mudia ọguan rọ hẹ obo ẹtan rẹ uwevwi rẹ ovie na, ro hirhe aro ku uvun rẹ ovie na. Yẹ ovie na tidia ekete rẹ uvie rọye vwẹ evun rẹ uwevwi na ro hirhe aro ku anurhoro rẹ uwevwi na.

Ẹsta 5:14

Etiyin aye rọye Zẹrẹsh vẹ igbeyan rọye ejobi da ta kẹ, E ja kpahẹ etan ro kpenu te cubit ujuvẹ gbẹ ihwe, vwẹ irhiọke gba ta kẹ ovie nẹ o churu Modekai si enu rọye, rere wọ vẹ ovie ki kpo emuẹriọ na vẹ omavwerhovwẹ. Uchebro nana de je Heman, o de ru ẹtan na.

Ẹsta 6:3

Etiyin ovie na da ta, Didi ọghọ yẹrẹ ọrho a vwọ kẹ Modekai fiki rẹ ọnana? Idibo rẹ ovie re ga da ta, E ji ru emu ọvuọvo kẹ-ẹ.

Ẹsta 6:5

Etiyin idibo rẹ ovie na da ta kẹ, Heman etiyin, o mudia vwẹ evun rẹ oguan na. Ovie na da ta, Jọ ro uwevwi.

Ẹsta 7:9

Etiyin Habona, ọvo vwẹ oghwara na ro mudia kẹrẹ ovie na da ta, Ọ rọ marho Heman kpahe ẹtan phihọ otọ hẹrhẹ Modekai, ọ rẹ ota rọye sivwi ovie na, ọ kpaherọ phene-phene phihọ uwevwi ri Heman, cubit ujuvẹ gbẹ ihwe okpenu te.

ỌBE RẸ JOB 5:13

O mu evwaghware vwẹ ọphiẹvwẹ rayen, iroro rẹ ọphiẹ che te oba nana nana.

Une rẹ Ejiro 2:4

O rọ tidia vwe obọ odjuvwu na cha hwe, Ọrovwohwo cha vwe ayen jehwẹ.

Une rẹ Ejiro 33:19

rere o vwo sivwi erhi rayen nẹ ughwu, rere ọ rha ghẹrẹ ayen vwẹ ọke owẹvwe.

Aghwoghwo 9:10

Kemu kemu rẹ obọ wẹn se ru, vwẹ ogangan wẹn ruo; kidie ushi wọ cha ra na, o vwo iruo-o, eyẹ iroro-o eyẹ erianriẹ-ẹn eyẹ aghwanre-e.