Ẹsta 4:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Vwi kubrakpọ kubrakpọ, re de ghwoghwo urhi rẹ ovie na ejobi, omemuohọ rode kọ herọ kẹ ihwo ri Ju, vẹ owẹvwe echiro vẹ oviẹ vẹ omavwerhe, ayen buebu de shevwerhe esisio vẹ iwurhie.

Ẹsta 4:3 ပူးပေါင်းရင်းမြစ်များ

Ẹsta 1:1

Vwẹ ọke rẹ Ahasuerus ro sunru nẹ India re te Etiopia vwẹ enu rẹ ibrotọ ujosan gbẹ ighwrẹn soso,

Ẹsta 3:12

Etiyin e de se isiẹbe rẹ ovie koko vwẹ ẹdẹ ihwerha rẹ emeranvwe rẹsosuọ na, etiyin e de si urhi na kirobo ri Haman tare, e de sio vwo rhe ekakuro rẹ ovie vẹ isun rẹ ubrakpọ na ejobi kugbe emọ rẹ ivie rẹ ihwo na ejobi, kuẹ ubrakpọ ọvuọvo kuẹ isiesi rọye, kuẹ ihwo kuẹ ẹphẹrẹ rayen, e de sio vwẹ odẹ rẹ Ovie Ahasuerus ọ da rha vwẹ isa rẹ ovie tamuo.

Ẹsta 4:16

Yanran, re koko ihwo ri Ju ejobi ra mrẹ vwi Susa, re we chiri owẹvwe kẹ vwẹ, wa ria-a, wa je da-a vwẹ ẹdẹ erha te ason te uvo. Mẹvwẹ vẹ emetẹ mẹ ji chiri owẹvwe kirobo ri wo ruru na. Ọke yena ki mi bru ovie na, jẹ ọna vẹ urhi she phihọ-ọ, ọ da dianẹ me ghwọrọ, me ghwọrọ.

Ẹsta 4:2

O de kpo unu rẹ egodo rẹ ovie na, kidie ohwo ọvuọvo yivwẹ rua anurhoro rẹ egodo rẹ ovie na-a ọ da dianẹ ọ vwẹ esisio rhuo.

Ẹsta 4:4

Ọke rẹ emetẹ rẹ Ẹsta vẹ eghwara rọye rhe vwọ ta kẹ, oma da ghwọrọ aye rẹ ovie na gangan; ọ da reyọ iwun vwo rhe Modekai nẹ o ku phihọ, rere o si emwa rẹ isisio rọye na nu, ẹkẹvuọvo ọ reyo aye-en.

Ẹsta 9:31

nẹ ayen yọnrọn ẹdẹ rẹ Utẹ na vwẹ ọke rayen, kirobo ri Modekai rẹ ohwo ri Ju vẹ Ẹsta aye rẹ ovie ji kẹ ihwo ri Ju na, kirobo rẹ ayen ji phihọ otọ vwọ kẹ oma rayen vẹ emọ rayen vwọ kpahe ewẹvwe echiro vẹ omaevwerhe rayen.

ỌBE RẸ JOB 2:8

Ọ reyọ igbephẹnre kọye ọ vwọ kare omobọ rọye, o de broma phihọ iwurhie.

Aizaya 22:12

Vwẹ ẹdẹ yena Ọrovwohwo Ọghẹnẹ rẹ otuofovwi ko che se ihwo rhe viẹ rhi muomahọ, rhe wanre uyovwi korie rhe, vwẹ esiso rhuo,

Aizaya 22:4

Fiki rẹ ọtiọye na me da ta. Wo gbi ni vwe-e, ju vwe viẹ oviẹ rọ yara; wọ lagha oma bru vwe uche-e fiki rẹ ẹghwọrọ rẹ emetẹ rẹ ihwo mẹ.

Aizaya 58:5

Oghẹre rẹ owẹvwe ọtiọna Me guọnọre, re ohwo vwọ vwẹ oma rọye kpotọ? Rere o vwo gbe uyovwi hẹ otọ kerẹ eyareya, rere ọ vwọ vwẹ esiso kugbe iwurhie hwa otọ? wo se ọnana owẹvwe echiro, kugbe ẹdẹ rẹ Ọrovwohwo jẹreyọ?

Izikiẹl 27:30

ayen da teye ugoroviẹ kẹ wẹ, ayen da viẹ oviẹ ro muenu. Ayen da ghwẹ iwurhie ku iyovwi rayen ayen de bruoma phihọ iwurhie.

Daniẹl 9:3

Etiyin mi de hirhe opharo mẹ ku Ọrovwohwo Ọghẹnẹ, vwọ guonọ vwẹ ẹrhovwo vẹ orẹ vẹ owẹvwe echiro vẹ amwa rẹ uvweri vẹ iwurhie.

Jona 3:6

Etiyin ikun de re duvwu ovie ri Ninivẹ, o de vrẹn nẹ ekete rọye ọ da ghwiẹ adagba rọye nu, ọ da vwẹ isiso rhuo, o de bru oma phihọ iwurhie.

Matiu 13:42

Ka ghwẹ ayen phihọ erhanre ri bẹdẹ; kẹ etiyin ayen da reako kugbe oviẹ.

Matiu 22:13

Ovie na da ta kẹ idibo rọye nẹ, A gba abo vẹ awọ re we muo phihọ uwodi; kẹ etiyin ọ da viẹ reako.

Matiu 25:30

We mu odibo ọbrahra na phihọ uwodi; kẹ etiyin o de beroma ọ da reako.

Joshua 7:6

Etiyin Joshua da bẹrẹ emwa rọye, o de she bọvwọ opharo rhuotọ vwẹ obaro rẹ ekpeti rẹ Ọrovwohwo na rhiri re te ovwọnvwọn, te ọye te ekpako rẹ Izrẹl ejobi; ayen da ghwẹ ekpẹn ku uyovwi rayen.

1 Samuẹl 11:4

Ọke rẹ ovuẹ na vwo te Gibeah ri Sọl, ayen da nẹ iyẹnrẹ kẹ ihwo na ejobi nyo; ihwo na ejobi da viẹ phia.