Emọs 8:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Vwẹ ẹdẹ yena eriyin Ọrovwohwo Ọghẹnẹ na tare, ki mi che ru ọnre ko che she vwẹ oghẹruvo, egho ko che mu vwẹ uvo koko na.

Emọs 8:9 ပူးပေါင်းရင်းမြစ်များ

ỌBE RẸ JOB 5:14

Ayen yan mrẹ ebri vwẹ oghẹruvo, ayen mi ghoro vwẹ uvo kerẹ ason.

Aizaya 13:10

Kidie isio rẹ obo odjuvwu veẹ ọghwẹgbe rayen gbe cha vwẹ orẹmrẹ rayẹn phia-a; ọnre rọ vacha na ko che bi, emeranvwe na gbi che lo-o.

Jerimaya 13:16

Vwẹ urinrin kẹ Ọrovwohwo Ọghẹnẹ wẹn tavwe rọ ke vwẹ ebri rhe, tavwe rẹ awọ wẹn ke yẹghrẹn vwẹ igbenu rẹ urhukpẹ rẹ ovwọvwọn. Ri we ji vwo rhẹro rẹ uvo ọ me rhẹriẹ phihọ ebri o mi hirhe phihọ ebri rode.

Jerimaya 15:9

Aye ro vwiẹ ighwrẹ oma rhọrọ, o de rhe shero; ọke ji kpo-o yẹ onrẹ rọye ruotọ nure, omavorọ a vwe rọ jehwẹ. Otu ri chekọ me cha ghwẹ ayen kẹ ọlọkọ vwẹ obọ rẹ ivwighrẹ rayen, eriyin Ọrovwohwo tare.

Izikiẹl 32:7

Ọke ri mi de phoro uwe nẹ otọ na nu, ki nu rhurhu idjuvwu na mi mi ru isio rayen bi, ke me vwẹ egho vwo rhurhu ọnre, emeranvwe gbi che lo-o.

Emọs 4:13

Gbe nighere, ohwo rọ ma igbenu na, rọ da rha ma odju, ro dje iroro rẹ ohwo rẹ akpọ kẹ, Rọ nẹrhẹ ebri muẹ vwẹ irhiọke, ro chiyi asan ro kpenu vwẹ akpọ na Ọrovwohwo na, Ọghẹnẹ rẹ ofovwi na, ọye odẹ rọye.

Emọs 5:8

Ohwo rọ ma Emetasa vẹ Oniọhọvikẹ rọ rhẹriẹ ebri hwi phihọ urhiọke, ọ Me rha rhẹriẹ uvo kpo ason, ro se ame rẹ abadi ejobi kpọ o mi rhe won ayen phihọ enu rẹ akpọ na, Ọrovwohwo na ọye odẹ rọye.

Maika 3:6

Fiki rẹ ọtiọye na kọ cha dia ason kẹ wẹ, o rhe vwo emramrẹ-ẹ, ke ebri kẹ wẹ, o rhe vwo epha ẹbọ-ọ. Ọnre na che she ghene emraro na, ọke na ko che bi vwẹ enu rẹ ayen;

Zekaraya 14:7

Ọke rha fobọ she-e, Ọrovwohwo riẹnre ọ dia uvo-o, ọ je dia aso-on kidie urhukpẹ cha dia vwẹ ọke rẹ ovwọnvwọn.

Matiu 24:29

Siẹvuọvo na, rẹ ukpokpogho nana ejobi de nẹ otọ nu, ọnre ko che muegho, emeranvwe gbi che lo-o, isio ki che she nẹ enu rhe, ogangan rẹ obo odjuvwu ejobi ki che kpogho;

Matiu 27:45

Kẹ unọke esan yanran egho de rhi mu vwẹ asan ejobi rhiri rhi te unọke irhiri.

Iyẹnrẹ Esiri ri Mak 15:33

Re unọke esan rhi vwo te, ebri de rhi mu vwẹ otọ na ejobi rhiri ri te unọke irhiri.

Iyẹnrẹ Esiri ri Luk 23:44

Asakiephana yọ jẹ oma te unọke esan re, ebri de rhi mu vwẹ otọ na ejobi rhiri rhi te unọke irhiri,

Ẹvwọphia 6:12

Ọke re vwo novie usiaphrẹ resan, mi vwo ni, nighe, otọ rode de rhi kpogho; ọnre de rhi bi kerẹ ubi, emeranvwe rọ vẹgbẹ da họhọ ọbara,

Ẹvwọphia 8:12

Amakashe rẹne de hworo oware rọye, a da ghwiẹ akarha rẹ ọnre, kugbe akarha rẹ emeranvwe, kugbe akarha rẹ isio, ọtiọye na akarha rẹ orẹmrẹ rayen de mu ebri; akarha rẹ ọnre gbi vwo orẹmrẹ-ẹ, ọtiọye ji te akarha rẹ emeranvwe.