Emọs 8:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ine rẹ uwevwi rẹ Ọghẹnẹ na, ko che hirhe phihọ oviẹ vwẹ ẹdẹ yena, eriyin Ọrovwohwo Ọghẹnẹ na tare, irivwi na ke cha dia buebu, vwi kasan kasan ke che mu aycn kufia runrun.

Emọs 8:3 ပူးပေါင်းရင်းမြစ်များ

Une rẹ Ejiro 39:9

Mi diunu, mi gbi se rhie unu mẹ-ẹ; kidie wọwẹ ri ruro.

Aizaya 37:36

Etiyin amakashe re Ọrovwohwo da yan phia, ọ da ghwiẹ ihwo odu gbe ujọne gbe iyori vwẹ evun rẹ erhọn rẹ Asiria na, rẹ ihwo vwọ rhọvwọ rhe vwẹ irhiọke re, asan ejobi vọnre vẹ irivwi.

Jerimaya 22:18

Ọtiọye na enẹ Ọrovwohwo ta kpahe Johaikim ọmọ ri Josaya, ovie ri Juda: Ayen gbe viẹ kẹ-ẹ, tanẹ E oniọvo me! eyẹ E oniọvo mẹ rẹ ọmọte! Ayen gbe viẹ kẹ-ẹ, tanẹ, E ọrovwohwo eyẹ E ọrho rọye!

Uvwerhe 2:10

Ekpako rẹ ọmọtẹ ri Zayọn tidia tẹ otọ fọ gbiei. Ayen tuẹ iwurhie ku iyovwi rayẹn, ayen da vwẹ isisio rhuo; Emetẹ ri Jerusalẹm gbe iyovwi rayen phihọ otọ.

Joẹl 1:11

Jo gbe we unu, E otu ri voro otọ, Beroma, E otu re rhuẹrẹ vain, fiki rẹ ọka vẹ irosun, fikiridie orhọ rẹ udju na ejobi ghwọrọ kufia.

Joẹl 1:13

Vwẹ esiso rhuo re wọ viẹ, E irherẹn na berọma, E otu ri gbe odibo vwẹ enu rẹ agbada na Ro uwevwi, vwẹ esiso rhuo shevwerhẹ. E otu ri gbe odibo kẹ Ọghẹnẹ mẹ! Fikiridie izobo rẹ ọka vẹ izobo rẹ udi e si ayen nẹ uwevwi rẹ Ọghẹnẹ wẹn re.

Joẹl 1:5

Vrẹn, ovwan igbaudu, re wa viẹ; we beroma, ovwan ihwo ejobi re da udi, fiki rẹ udi rọ miẹmiẹ, kidie e kuro kufia nẹ unu wẹn.

Livitikọs 10:3

Etiyin Mosis da ta kẹ Erọn nẹ, Ọnana obo rẹ Ọrovwohwo tare, Mi dje oma mẹ phia fuanfon vwẹ ohri rẹ ihwo ri si kẹrẹ ovwẹ, kugbe obaro rẹ ihwo ejobi a da vwẹ urinrin kẹ vwẹ. Erọn de fotovwi gbiẹi.

Emọs 4:10

Mi ji ọtiekọ rhe ohri rẹ ovwan kerẹ obo ri mi ru Ijipt Me da vwẹ ọlọkọ hwe imighene rẹ ovwan; Mi de mu iyesi rẹ ovwan reyọ, mi de ru ọnrhe rẹ erhọn rẹ ovwan gbo hwe ovwan; yẹ ovwan ji hirhe bru vwẹ rhe-e, Ọrovwohwo na tarọ.

Emọs 5:16

Fiki re otiọye e nẹ Ọrovwohwo tare, Ọghẹnẹ rẹ otuofovwi na; Ọrovwohwo na, omaebere kọ cha dia vwẹ evun rẹ osuere na, ejobi, ke ayen che kperi vwẹ irhuvwu na ejobi nẹ, eghwo! eghwọo! Ayen ki che se eghwẹrẹ na kpo omaemuophihọ otu re riẹn omaebere ke se ayen kpo oma evwerhe,

Emọs 5:23

Bi edo re ine re ovwan te oboyi; Me cha kerhọ re ẹmiẹmiẹ rẹ akpata rẹ ovwa-an.

Emọs 6:4

Eka kẹ ihwo ri sherhẹ ehwa rẹ akeni, re riẹn paparapa phihọ enu rẹ ukpe rayen, re ria upene rẹ ogegede vwẹ ohri rẹ igegede na, re ria upene rẹ erhuẹn vwẹ evun rẹ urhuẹn rayen;

Emọs 6:5

ri suine rẹ ufeti nene akpata na, kerẹ Devid ro siẹ ekpata re vwo hworo une kẹ oma rayen,

Emọs 6:8

Ọrovwohwo Ọghẹnẹ vwẹ oma rọye duvwu iyori (eriyin Ọrovwohwo na, Ọghẹnẹ rẹ otuofovwi na tare) Me gba omephuo ri Jekọp, oma re ogba ọgangan rọye tu vwẹ, ki mi phi orere na vẹ obo re herọ phihọ obọ rẹ ivwighre.

Emọs 8:10

Ki mi che hirhe orẹ wẹn phihọ omaemuohọ, ine ẹsuọ wẹn ejobi phihọ omaevwerhe ke Me vwẹ emwa rẹ uvweri rhuo ayen ejobi, uyovwi rẹ ohwo kohwo ko gbe akpan; kọ họhọ ohwo ro muomaphihọ fiki ọmọ ọvuọvo ro vwiẹri oba rọye kẹ ẹdẹ rọ yara korokoro.

Nahum 3:3

Otu re dia enu rẹ iyesi da nyavwẹ oda, oda re djuẹ vẹ ibiri ri lo wrowro, otu re hweri vẹ otọ gbidi, irivwi rẹ ihwo re do koko, irivwi rẹ ihwo ri vwo oba-a, ayen mia yẹghrẹ she teyọ irivwi na!

Zẹfanaya 1:7

Rhurhu unu vwẹ obaro rẹ Ọrovwohwo Ọghẹnẹ! Kidie ẹdẹ rẹ Ọrovwohwo na te otọ re; Ọrovwohwo rhuẹrẹ izobo kpahe Ọ nabọ ru erhorha rọye fuanfon.