Emọs 8:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ọ ke ta, Emọs, die wọ mrẹre? Me da ta, obere re emamọ rẹ ọkeuvo. Etiyin Ọrovwohwo da ta kẹ vwẹ, Oba na teri kẹ ihwo mẹ Izrẹl nure, Me gbe rha cha wanvrẹn aye-en.

Emọs 8:2 ပူးပေါင်းရင်းမြစ်များ

Jẹnẹsis 6:13

Ọghẹnẹ da ta ki Noa, Me guọnọre ne Me guọghọ emu ejobi nẹ akpọ na, kidie akpọ na vọnre vẹ ozighi fiki rẹ ayen, nighe, Me guọghọ ayen vẹ akpọ na.

Aizaya 28:4

kugbe ododo ro vwioro rẹ urinrin rẹ erhuvwu rọye, rọ he enu rẹ uyovwi rẹ iyara oyoyovwi, kọ họhọ fig rọ ka vware rẹ uvo ki te, rẹ ohwo da mrẹ, ọ me ghwa riọ re siẹ obọ rọye de te.

Jerimaya 40:10

Vwọ kẹ vwẹ, Mizpa me cha dia, re mi mudia kẹ ovwan vwẹ obaro rẹ ihwo ri Kaldia na ri che bru avwanre rhe; ẹkẹvuọvo vwọ kẹ ovwan, we koko wain vẹ emamọ rẹ ọkeuvo kugbe evwri, wa sẹro rayen vwẹ evun rẹ ekuakua rẹ ovwan, re wa dia irere rẹ ovwan re wa reyọre nure na.

Jerimaya 5:31

emraro na mraro rẹ efian irherẹn na ki nene idjedje rayen ihwo mẹ ghwa reyọ wan ọtiọye, komavọ ovwan ru vwẹ ọke rẹ oba de te?

Uvwerhe 4:18

Ihwo kẹ tọn ẹro vi ichiyi rẹ avwanre o gbi jẹ avwanre sa yan vwẹ evun rẹ irhuvwu rẹ avwanre-e. Oba rẹ avwanre sikẹre re e kere ẹdẹ rẹ avwanre mu nure, kidie oba rẹ avwanre tere.

Izikiẹl 12:23

Vwẹ ọtiọye na gba ta kẹ ayen, Enẹ Ọrovwohwo Ọghẹnẹ tare: Mi che phi oba phihọ itẹ nana, ayen gbi che kpe itẹ nana vwẹ Izrẹl ọfa-a. Ẹkẹvuọvo ta kẹ ayen, Ẹdẹ na kẹre otọ re, emramrẹ na ejobi ki che ruẹ gba.

Izikiẹl 29:8

fiki rẹ ọtiọye na enẹ Ọrovwohwo Ọghẹne tare: Nighe, Me cha vwẹ ọlọkọ bru we rhe, kọ cha nyavwe ohwo vẹ eranvwe nẹ uwe,

Izikiẹl 3:10

Ọ da rhoma ta kẹ vwẹ, Ọmọ rẹ ohwo, eta mẹ ejobi re me cha ta kẹ wẹ reyọ ayen phihọ udu wẹn, rere wọ vwẹ erhon wẹn nyo ẹme.

Izikiẹl 3:7

Ẹkẹvuọvo uwevwi rẹ Izrẹl cha sa kerhọn wẹ-ẹ; kidie ayen rhọvwe kerhọn mẹ-ẹ; fikiridie uwevwi rẹ Izrẹl ejobi epha vẹ arhare gangan vẹ udu kokoroko kpoi.

Izikiẹl 7:6

Oba rhire, oba na rhire, o vrẹn vwọ kpahe owẹ. Nighe, ọ cha.

Izikiẹl 8:12

Etiyin ọ da ta kẹ vwẹ, Ọmọ rẹ ohwo, wọ mrẹ obo rẹ ekpako rẹ uwevivi rẹ Izrẹl ruẹ vwẹ evun rẹ ebri, ohwo ọvuọvo vwẹ evun rẹ uvun ri foto rọye? Kidie ayen ta, Ọrovwohwo mrẹ avwanre-e, Ọrovwohwo siẹn otọ na

Izikiẹl 8:17

Etiyin ọ da ta kẹ vwẹ, Wọ mrẹ ọnana re, E ọmọ rẹ ohwo? Wo roro nẹ emu ọphapharhe vwọ kẹ uwevwi ri Juda re ayen vwo gbe ẹgua nana re ayen gbe ozighi vwọ vọn otọ na, rere ayen rhoma vwo kpare ophu mẹ? Nighe, ayen phi oghọn phihọ uwen rayen.

Izikiẹl 8:6

Ọ da ta kẹ vwẹ, Ọmọ rẹ ohwo, wọ mrẹ obo rẹ ayen ruẹ na? Ẹgua rode rẹ uwevwi rẹ Izrẹl gbe vwe etinẹ, rẹ ayen vwọ djẹ vwẹ sheri nẹ ẹshẹ na? Ẹkẹvuọvo wọ cha mrẹ ẹgua rọ cha rho nọ ọtiọna.

Hosia 9:7

Ẹdẹ rẹ ojẹriọ na rhire, ẹdẹ rẹ osa ẹ hwa tere Izrẹl cha riẹn. Ọmraro na vwonẹ ẹkpa, ohwo rẹ erhi rheri yọ mwa orhuẹ, fiki rẹ orukuruku rode wẹn kugbe omaetuo rode.

Emọs 7:8

Ọrovwohwo na da ta kẹ vwẹ, Emọs, die wọ mrẹre? Me da ta, Ovwavwọn. Etiyin Ọrovwohwo na da ta, Nighere, mi phi ovwavwọn phihọ ohri rẹ ihwo rẹ Izrẹl; Me gbe cha wan oma rayen vrẹ-ẹn,

Emọs 8:1

Enẹ Ọrovwohwo Ọghẹnẹ vwọ nẹ vwẹ; nighere, obere rẹ emamọ rẹ ọkeuvo.

Maika 7:1

Ekan kẹ vwẹ! Kidie me rhe họhọ ọke ra da kọrọ emamọ rẹ ọkeuvo nu, kerẹ ọke ra da kọrọ ibi ri vain ejobi nu: rẹ erheghe ọvuọvo gbe herọ ra ria-a, o gbi vwo ubi ri fig rẹ ẹsosuọ rọ vware rẹ erhi mẹ guọnọre-e

Zekaraya 5:2

Ọ da ta kẹ vwẹ Die wọ mrẹre? Me da kpahe, Me mrẹ ekpirhi rẹ ọbe rọ rhan; ugrogro rọye kubit uje, ohẹhẹre rọye kubit ihwe.