Emọs 7:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ a cha kua asan ro kpenu rẹ Aizik fiotọ riẹriẹ, ẹshẹ re Izrẹl ejobi ke cha dia ofefe, ki mi che mu kpahe uwevwi ri Jeroboam vẹ ọlọkọ

Emọs 7:9 ပူးပေါင်းရင်းမြစ်များ

Jẹnẹsis 46:1

Etiyin Izrẹl de mu oyan te ọye te emu ro vwori ejobi, o de rhi te Bẹẹrsheba, o de ze izobo kẹ Ọghẹnẹ rẹ ọsẹ rọye Aizik.

Ivie rẹ Ivẹ 14:24

Ọ de ru obo ri miovwiri vwẹ obaro rẹ Ọrovwohwo; ọ yan jẹ umwemwu ri Jeroboam rẹ ọmọ ri Nebat vwo-o, rọ nẹrhẹ Izrẹl ru umwemwu.

Aizaya 63:18

Ihwo efuanfon wẹn vwo ẹshẹ wẹn na ọmọke, ivwighrẹ rẹ avwanre de chiyo wan.

Jerimaya 51:51

A vwẹ avwanre jehwe, kidie me nyo ehweje, omaẹphọphọ rhurhu avwanre opharo, kidie erhorha rhe evun rẹ asan ọfuanfon rẹ uwevwi rẹ Ọrovwohwo na.

Izikiẹl 6:3

re wọ ta, Wẹ igbenu rẹ Izrẹl, nyo ota rẹ Ọrovwohwo Ọghẹnẹ! Enẹ Ọrovwohwo Ọghẹnẹ ta kẹ igbenu ride vẹ itete na, kẹ eghwrọrọ vẹ iyara: Nighe, ekpuyovwi mẹ, cha reyọ ọlọkọ vwọ so wẹ, ke me cha guọghọ asan ri kpenu wẹn ejobi.

Hosia 10:8

Asan ro kpenu vwi Avẹn, umwemwu rẹ Izrẹl, ka guọgho. Inwe vẹ idjigbẹ ke djẹ vwẹ enu rẹ egbada rayen; kẹ ayen ta kẹ igbenu na, Rhurhu avwanre; kẹ imigbenu na she nyẹ avwanre.

Emọs 3:14

Vwẹ ẹdẹ mi de che hwẹ Izrẹl fiki rẹ ogbeku rọye, Me je cha guọghọ egbada ri Bẹtẹl, ka cha nyavwe ighoro rẹ agbada na kufia ki che she teye otọ.

Emọs 5:5

ẹkẹvuọvo wọ guọnọ Bẹtẹ-ẹl, wọ vwẹriẹ Gilga-al yere wọ samue kpo Bieshibaa; uyota e che mu Gilgal kpo imu, Bẹtẹl che hirhe phihọ odiodi.

Emọs 7:11

Kidie e nẹ Emọs tare, A cha vwọ ọlọkọ hwe Jeroboam, ke che mu Izrẹl kpo imu vwẹ otọ oshesheri.

Emọs 7:13

ẹkẹvuọvo wọ gbe mraro vwẹ Bẹtẹl ọfa-a, kidie etiyin ẹshẹ rẹ ovie epha, etiyin je ọguan rẹ uvie na.

Emọs 8:14

Ihwo re vwẹ Ashima ri Sameria duvwu iyori, tanẹ, Kirobo rẹ ẹdjọ wẹn herọ na, E Dan, ji kugbe obo rẹ idjerhe ri Bẹẹrsheba herọ na, ayen che she, ayen gbi vrẹn ọfa-a.

Emọs 9:1

Me da mrẹ Ọrovwohwo ro mudia vwẹ oma rẹ agbada na; Ọ da ta. Kporo ichivwo na bẹsiẹ rẹ ichiotọ na vwo yeghe, ro vwo rhurie she teyẹ iyovwi rẹ ihwo na ejobi, iri ghwu chekọ ke Me vwọ ọlọkọ hwe ayen; ọvuọvo rẹ ayen cha sa djẹ vabọ-ọ, ọvuọvo rẹ ayen sa djẹ yanra-an.

Maika 1:5

Enana ejobi ki fiki rẹ ogbeku ri Jekọp kugbe fiki rẹ umwemwu rẹ uwevwi rẹ Izrẹl. Die tobọ hẹ ogbeku ri Jekọp vwọ? Ọ dia Sameria-a? Die tobọ rha hẹ imwemwu rẹ uwevwi ri Juda? Ọ dia Jerusalẹm vworẹ?