Emọs 7:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ọ da vwọ nẹ vwẹ nighe, Ọrovwohwo de mudia vwẹ oma rẹ igbẹhẹ na rọ nabọ vwanvwe, ovwavwọn na.

Emọs 7:7 ပူးပေါင်းရင်းမြစ်များ

Jẹnẹsis 28:13

O vwo ni, Ọrovwohwo de mudia obenu rọye ọ da ta, Mẹvwẹ Ọrovwohwo na, Ọghẹnẹ rẹ Ebraham na rẹ ọsẹ wẹn kugbe Ọghẹnẹ rẹ Aizik, otọ ru wo shevwerhẹ phihọ na Me vwọ kẹ wẹ kugbe uvwiẹ wẹn ejobi,

2 Samuẹl 8:2

Ọ de phi Moab kua, ọ da vwẹ ufi vwanvwan ayen, ọ da vwẹ ayen sherhe otọ, o de hwe urhiẹ ivẹ o de jẹn ọvo vwo. Ihwo ri Moab de rhi hirhe phihọ idibo ri Devid, kẹ ayen ghwẹ ẹga rhe.

Ivie rẹ Ivẹ 21:13

Ke me cha riẹn nene Jerusalẹm ovwanvwọn re me vwọ vwanvwe Sameria kugbe ubiurhe re me vwọ ma uwevwi rẹ Ehab; ki mi ririe Jerusalẹm kirobo re ririe ọsete, mi ririe me me bọvwọ ruotọ.

Aizaya 28:17

Ki mi ru usi na dia ọsoso ọvwata ke rha he ovwanvwọn na, ogiribo ko che hwerhe odjahọ rẹ efian na kufia, ame ko che phoro urhurho na.

Aizaya 34:11

Ẹkẹvuọvo ọvo ve osorhue keye re cha dia, okpurhukpurhu ve okpemu keye cha dia. Ko che si usi re ozighi phihọ duvwu, kọ savwe iphọrọ re ozighi rhurhu ikpihwo rọye.

Uvwerhe 2:8

Ọrovwohwo jẹ iroro ro vwo hirhe igbẹhẹ rẹ ọmọtẹ ri Zayọn phihọ erhurhu, O de si usi vwo gbere ughwru phihọ, Ọ da obọ rẹ ẹghwọrọ rọye ji-i; ọ da nẹrhẹ udio vẹ igbẹhẹ viẹ, ayen re koko vwere oma.

Izikiẹl 40:3

Ọke rọ vwọ vwẹ ovwẹ te etiyin, nighe, ohwo ọvo hẹ etiyin, rẹ ekroma rọye họhọ ẹrovwo, ọ vẹ ọkpọ rẹ oruru kugbe ubiurhe rẹ ovwanvwọn vwẹ obọ rọye, ọ de mudia vwẹ anurhoro.

Emọs 7:6

Ophu rẹ Ọrovwohwo na de fue vwẹ ọnana: Ọnana cha sa phia-a, eriyin Ọrovwohwo Ọghẹnẹ na tare.

Emọs 7:8

Ọrovwohwo na da ta kẹ vwẹ, Emọs, die wọ mrẹre? Me da ta, Ovwavwọn. Etiyin Ọrovwohwo na da ta, Nighere, mi phi ovwavwọn phihọ ohri rẹ ihwo rẹ Izrẹl; Me gbe cha wan oma rayen vrẹ-ẹn,

Zekaraya 4:10

Kidie ohwo rọ jẹ ẹdẹ re emu itete Mẹ fia cha ghọghọ, ọ cha mrẹ ovwanvwọn rẹ okokodo vwẹ obọ ri Zerubabẹl. Enana ighwrẹ na he ibiẹro rẹ Ọrovwohwo, ro vwo nẹ akpọ na ejobi duvwẹ.

Ẹvwọphia 11:1

Etiyin a da vwẹ ubiurhe rẹ ovwavwọn rọ họhọ ọkpọ vwọ kẹ vwẹ, a da ta kẹ vwẹ. Vrẹn re wọ vwavwe uwevwi rẹ ẹga rẹ Ọghẹnẹ na kugbe ayen otu re gọ vwẹ etiyin na,

Ẹvwọphia 21:15

Ọ rọ vẹ ovwẹ gba ta ota na da yọnre ubiurhe rẹ oro vwẹ obọ rọ vwọ vwavwa orere na igbẹhẹ rọye kugbe inurhoro na.