Emọs 7:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Kenẹ Ọrovwohwo Ọghẹnẹ vwọ nẹ vwẹ. Nighere, Ọrovwohwo Ọghẹnẹ cha vwẹ erhanre brorhiẹ, ọ da torhẹ iyara rode na kugbe otọ na.

Emọs 7:4 ပူးပေါင်းရင်းမြစ်များ

Aizaya 27:4

Mi vwo ophu-u Mane ki mi vwo irhe vẹ inwen vwo kpo ofovwi, Ke me a vwọ so ayen, Ke me a torhẹ ayen ejobi kugbe.

Jerimaya 21:12

E uwevwi ri Devid! Enẹ Ọrovwohwo tare Brorhiẹ esiri vwẹ urhiọke, Sivwi ohwo re Shenyẹ na nẹ abọ rẹ Ohwo ro shenyẹ na, eyẹ ophu mẹ da rhe kerẹ erhanre, rọ la rẹ ohwo je se fuo, fiki rẹ iruo ogbegho rẹ ovwan.

Jerimaya 4:4

Yanvwẹ oma rẹ ovwan kẹ Ọrovwohwo na, we si ohọrọ rẹ obenu na nẹ udu rẹ ovwan, E eshare ri Juda vẹ ihwo re dia Jerusalẹm; ophu mẹ da rhe torhẹ kerẹ erhanre, ọ da la a sa mrẹ ohwo ro fue-e, fiki rẹ uruemu umwemwu rẹ ovwan na.

Izikiẹl 21:3

re wọ ta kẹ otọ rẹ Izrẹl, Enẹ Ọrovwohwo tare: Nighe, mi mu kpahe owẹ, ki mi yoro ọlọkọ mẹ nẹ ako rọye rhe, ke me nyavwe ovwan kufia te ọvwata te oruimwemwu.

Joẹl 1:19

Wẹ, E Ọrovwohwo, Me viẹ se. Kidie erhanre rhe torhẹ egbri rọ hẹ evun rẹ aghwa, erhanre mu la ro irhe re hẹ evun rẹ aghwa ejobi.

Joẹl 2:30

Ke Me cha vwẹ eka phia vwẹ obo odjuvwu vẹ otọ rẹ akpọ na, ọbara vẹ erhanre kugbe ukori rẹ ivwirhi.

Livitikọs 10:2

Kọye erhanre de nẹ obaro rẹ Ọrovwohwo na rhe ọ da torhẹ ayen, ayen de ghwu vwẹ obaro rẹ Ọrovwohwo.

Emọs 1:4

Vwe ọtiọye na mi che phi erhanre phihọ uwevwi ri Haziẹl. kọ cha torhẹ ogba ọgangan ri Bẹnhadad.

Emọs 1:7

Vwẹ ọtiọye na ke Me vwẹ erhanre torhẹ igbẹhẹ ri Gaza, kọ torhẹ ogba ọgangan rọye.

Emọs 2:5

Fiki rẹ ọtiọye na ki mi phi erhanre phihọ Juda, kọ torhẹ ogba ọgangan ri Jerusalẹm.

Emọs 4:11

Me guọghọ ovwan ẹvo, kerẹ ẹsie re Ọghẹnẹ vwọ guọghọ Sodọm vi Gomorah, wa da họhọ imwerhanre re kpare she nẹ erhanre, yu we ji rhivwi bru vwẹ rhe-e, Ọrovwohwo na tarọ.

Emọs 5:6

Guọnọ Ọrovwohwo re wọ rhọ, o de rhi mu la kerẹ erhanre vwẹ uwevwi ri Josẹf, kọ guọghọ, o rhe vwo ohwo ọvuọvo ro se furhie Bẹtẹ-ẹl,

Emọs 7:1

Etiọna Ọrovwohwo Ọghẹnẹ vwọ nẹ vwẹ: nighere, o de se igurube koko vwẹ etuọphihọ rẹ ẹdjẹcha rẹ ẹgon; nighe, ọye ẹdjẹcha rọ kerẹ ovie vwo fro nu.

Emọs 7:7

Ọ da vwọ nẹ vwẹ nighe, Ọrovwohwo de mudia vwẹ oma rẹ igbẹhẹ na rọ nabọ vwanvwe, ovwavwọn na.

Maika 1:4

Igbenu na ke cha wran vwẹ obotọ rọye iyara na ki vwo egbogho, kerẹ erhan vwẹ oma rẹ erhanre, kerẹ ame re ku phihọ ọghwrọrọ.

Nahum 1:6

Ono ri se mudia hẹrhẹ ophu rọye? Ono se chirako rẹ ọrhorho rẹ ivuemiovwo rọye? Ọ kpare ophu rọye ku kerẹ erhanre, o de hwe eragha na ibribro.

Ukeri 16:35

Etiyin erhanre de nẹ obọ rẹ Ọrovwohwo rhe, ọ da rhe torhẹ ihwo ujori ivẹ gbẹ ujuvẹ gbẹ ihwe re torhẹ ugboduma na.

Urhi Rivẹ 32:22

Kidie ophu mẹ koko erhanre phihọ nure, ọ cha torhẹ ọ rọ hẹ evun re obo Erivwi. ọ cha ghwọrọ akpọ vẹ ebuo rọye ejobi, ko phi erhanre phihọ uchivwo rẹ igbenu ejobi.

Hibru 1:7

Vwọ kpahe emakashe na ọ da ta, O de ru emakashe rọye phihọ odju, idibo rọye kẹ ẹkuerhanre rode.

Ẹvwọphia 4:1

Rẹ Ọnana vwọ nu, mi vwo ni, nighe me da mrẹ ẹchẹ rẹ odjuvwu ro rhie phihọ! Urhuru rẹsosuọ ri mi ke nyo rọ ta ota kẹ vwẹ da họhọ owanre, ro se vwe nẹ, Yanrhe obonẹ, re me vwẹ obo re cha phia nanana vwọ nẹ wẹ.