Emọs 7:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ọke rẹ ayen vwọ re odi rẹ otọ na nu, Me da ta, E Ọrovwohwo Ọghẹnẹ, vwo ghovwo, Me rẹ wẹ! Mavọ Jekọp se vwo mudia? Ọ havwe nọ.

Emọs 7:2 ပူးပေါင်းရင်းမြစ်များ

Une rẹ Ejiro 12:1

Chuko, Ọrovwohwo; kidie o rhe vwo ohwo esiri ọfa-a; kidie ihwo rẹ uyota ejobi ravwiẹ re nẹ uherevie rẹ emọ rẹ ihwo.

Ẹyano 10:15

Kidie ayen rhurhu otọ na ejobi, ọtiọye otọ na de rhi biku hwi, ayen da re ekakọn na ejobi rẹ otọ na vẹ emamọ ri enu rẹ irhe e rẹ osio rẹ imicho na yan jovwo; ebe ọkpokpọ ọvuọvo rhe chekọ-ọ, tẹ urhe te okakọn rẹ aghwa, vwẹ otọ rẹ Ijipt na ejobi.

Ẹyano 34:9

Ọ da ra, Me da mrẹ aruesiri wẹ vwẹ etinẹ na, E Ọrovwohwo, gbe jẹ Ọrovwohwo, Me rẹ wẹ, yan ro uherevie rẹ avwanre, dede nẹ ayen ihwo vẹ udu ọgangan wọ vwẹ orukuruku rẹ avwanre vẹ umwemwu rẹ avwanre ghovwo avwanre, rere wọ vwẹ avwanre ru iriuku wẹn.

Aizaya 37:4

Okeọvo ọ me dianẹ Ọrovwohwo rẹ Ọghẹnẹ wẹn nyo eta ri Rabshekeh, re onini rọye ovie rẹ Asiria ji rhe rhe vwẹ Ọghẹnẹ ri bẹdẹ na jehwẹ, rọ da ghwọ fiki rẹ eta na rẹ Ọrovwohwo rẹ Ọghẹnẹ wẹn nyori na; fiki rẹ ọtiọye na gbe jẹn ẹrhovwo ovwan guvwie kpenu vwọ kẹ umuche ihwo ri chekọ.

Aizaya 51:19

lmu ivẹ nana ri she vwa wẹn– kono ri bru we uche?– evẹre kugbe ẹghwọrọ, owẹvwe kugbe ọlọkọ; kono ri se bru we uche?

Jerimaya 14:7

Owenẹ imwemwu re avwanre se oseri hwe avwanre dede, ru emu ọvo fiki rẹ odẹ wẹn E Ọrovwohwo; kidie esiohuko rẹ avwanre buru gangan, avwanre ru umwemwu kpahe owẹ.

Jerimaya 42:2

Ayen da ta kẹ Jerimaya rẹ ọmraro na, Jẹn omaevwerhe rẹ avwanre te obaro wẹn wọ rẹ Ọrovwohwo Ọghẹnẹ wẹn na kẹ avwanre, kidie umuku rẹ avwanre ro chekọ na rhe bu-u, kirobo rẹ ẹro wẹn je ghwa mrẹ na.

Izikiẹl 11:13

Rẹ ọke rhi vwo te, re me vwọ mraro na, ọye Pelatiah rẹ ọmọ rẹ Benayah de ghwu. Etiyin mi de she bọvwọn opharo rhuotọ, me da van kperi, Me da ta, E Ọrovwohwo Ọghẹnẹ! ku wo ghwe furhie umuku rẹ Izrẹl ri chekọ na te oba?

Izikiẹl 9:8

Ọke rẹ ayen vwọ guọghọ re, ye mẹvwẹ ọvo tidia sogono, mi de she bọvwọn opharo me rhuotọ, mi de kperi, E Ọrovwohwo Ọghẹnẹ! Ku wọ vwẹ ophu ọvuọvo na guọghọ umuku ro chekọ vwẹ Izrẹl na vẹ ighworighwo rẹ ophu wẹn rọ guọghọ Jerusalẹm?

Daniẹl 9:19

E Ọrovwohwo, nyo, E Ọrovwohwo vwo ghovwo, E Ọrovwohwo davwerhọn wo ru emuọvo; wo gbe eghẹrẹ-ẹ, fiki wẹn, E Ọghẹnẹ mẹ, fiki rẹ orere wẹn vẹ ihwo wẹn ra vwẹ odẹ wẹn vwo se.

Joẹl 2:17

Vwẹ uvwre rẹ umukpe na vẹ agbada na gbe jẹn irherẹn na, ri gbe odibo kẹ Ọrovwohwo na, viẹ re ta, Jẹn ihwo wẹn vwo, E Ọrovwohwo, wo jẹn a vwẹ ireuku wẹn jehwẹ-ẹ vwo bru ohare vwẹ ohri rẹ ẹgborho na-a. Die ayen cha vwọ ta vwẹ ohri rẹ ihwo na nẹ, Tivọ Ọghẹnẹ rayen epha?

Emọs 4:9

Me da vwẹ ophan vẹ akprẹn rhe idju rẹ ovwan, re idju vẹ egbo rẹ ovwan da dia ofefẹ; te irhe ri fig rẹ ovwan te irhe re oliv rẹ ovwan ebaka ghwọrọ ayen re; ji we ji rhivwi bru vwe rhe-e Ọrovwohwo na tarọ

Emọs 7:5

Etiyin me da ta, E Ọrovwohwo Ọghẹnẹ da obọ ji, me rẹ wẹ! Mavọ Jekọp se vwo mudia? Ọ havwe nọ.

Zekaraya 4:10

Kidie ohwo rọ jẹ ẹdẹ re emu itete Mẹ fia cha ghọghọ, ọ cha mrẹ ovwanvwọn rẹ okokodo vwẹ obọ ri Zerubabẹl. Enana ighwrẹ na he ibiẹro rẹ Ọrovwohwo, ro vwo nẹ akpọ na ejobi duvwẹ.

Ẹvwọphia 9:4

a da ta kẹ ayen nẹ ayen ria odi rẹ akpọ na-a eyẹ egẹ eyẹ irhe-e, jokpa rẹ ihwo ri jẹ oka rẹ Ọghẹnẹ na evwo vwẹ arhare rayen;