Emọs 7:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Etiọna Ọrovwohwo Ọghẹnẹ vwọ nẹ vwẹ: nighere, o de se igurube koko vwẹ etuọphihọ rẹ ẹdjẹcha rẹ ẹgon; nighe, ọye ẹdjẹcha rọ kerẹ ovie vwo fro nu.

Emọs 7:1 ပူးပေါင်းရင်းမြစ်များ

Aizaya 33:4

a ghwe emu rẹ ofovwi kere ọke rẹ ekpihọri e si oruru kerẹsiẹ re ahaka epho, re ihwo de pho muo.

Jerimaya 24:1

Ri Nẹbukadreza ovie ri Babilọn vwo mu Jekonaya ọmọ re Jehọiakim, ovie ri Juda, kugbe isun ri Juda, te ewena, te idjogun, nẹ Jerusalẹm rhe, ro vwo mu ayen imu vwo kpo Babilọn, Ọrovwohwo da vwẹ emramrẹ nana vwọ nẹ vwẹ. Nighe, ibere ri fig ivẹ da hẹ obaro rẹ uwevwi rẹ Ọrovwohwo na.

Izikiẹl 11:25

Me da ta kẹ ihwo re hẹ imu na emu ejobi rẹ Ọrovwohwo vwọ nẹ vwẹ.

Joẹl 1:4

Obo rẹ igurube na re chekọ, ọye igurube re rhan rere. Obo rẹ igurube rha re chekọ, ọye ebaka ri phọ rere, obo re ebaka ri pho re chekọ ọye ebaka re ghwọrọ rere

Joẹl 2:25

Ke Me cha rhan ikpe na rhivwi ikpe re igurube na vwọ ghwọrọ na, ebaka na, eghwọghọ na, emegbọ na unuofovwi mẹ rode na, ri mi ji rhe ohri rẹ ovwan na.

Emọs 4:9

Me da vwẹ ophan vẹ akprẹn rhe idju rẹ ovwan, re idju vẹ egbo rẹ ovwan da dia ofefẹ; te irhe ri fig rẹ ovwan te irhe re oliv rẹ ovwan ebaka ghwọrọ ayen re; ji we ji rhivwi bru vwe rhe-e Ọrovwohwo na tarọ

Emọs 7:4

Kenẹ Ọrovwohwo Ọghẹnẹ vwọ nẹ vwẹ. Nighere, Ọrovwohwo Ọghẹnẹ cha vwẹ erhanre brorhiẹ, ọ da torhẹ iyara rode na kugbe otọ na.

Emọs 7:7

Ọ da vwọ nẹ vwẹ nighe, Ọrovwohwo de mudia vwẹ oma rẹ igbẹhẹ na rọ nabọ vwanvwe, ovwavwọn na.

Emọs 8:1

Enẹ Ọrovwohwo Ọghẹnẹ vwọ nẹ vwẹ; nighere, obere rẹ emamọ rẹ ọkeuvo.

Zekaraya 1:20

Ọye Ọrovwohwo de dje idjogu ẹne kẹ vwẹ.

Malakae 3:11

Ke me cha ghwọ ku ife vẹ eghwọghwọ re ghwọrọ emu ejobi fiki wẹ re ayen vwo je unu edje te obo rẹ ovwan kọnre ejobi, udju ri vain wẹn kọ mọ ọ gbe fa-a, eriyin Ọrovwohwo rẹ otuofovwi na tare.