Emọs 5:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ohwo rọ ma Emetasa vẹ Oniọhọvikẹ rọ rhẹriẹ ebri hwi phihọ urhiọke, ọ Me rha rhẹriẹ uvo kpo ason, ro se ame rẹ abadi ejobi kpọ o mi rhe won ayen phihọ enu rẹ akpọ na, Ọrovwohwo na ọye odẹ rọye.

Emọs 5:8 ပူးပေါင်းရင်းမြစ်များ

ỌBE RẸ JOB 12:22

O rhiẹ emu ikokodo djigbri phihọ, o mi rhe hirhe ebri kpoi phihọ urhukpe.

ỌBE RẸ JOB 37:13

Owenẹ fiki rẹ ẹrhuẹrẹ phihọ, eyẹ fiki rẹ otọ rọye na, eyẹ fiki rẹ ẹguọnọ, o vwo ruo nẹ ọphia.

ỌBE RẸ JOB 38:34

Wọ sa van re de nyo urhuru wẹn vwẹ irharheghe, rere ọghwe re ame rhi rhurhu uwe?

ỌBE RẸ JOB 9:9

Ọ rọ ma Emetasa vẹ Oniọhọvemọ na, vẹ ekru rẹ isio re ghwẹ koko vwẹ obọrhe rẹ ọnre.

Une rẹ Ejiro 104:20

Wọwẹ ri ru ebri, ọ me dia ason, ọke rẹ eranvwe rẹ egbo na da rara phia

Une rẹ Ejiro 105:28

O de ji ebri, ọ da nẹrhẹ otọ na mu egho, ayen de mu kpahe eta rọye.

Aizaya 42:16

Ki mi sun irhuẹro wan idjerhe rẹ ayen je riẹn dẹvo-o, vwe ada rẹ ayen jẹ rie-ẹn ki Mi sun ayen. Me rhẹriẹ ebri rọ hẹ obaro rayen phihọ urhukpẹ, asan chochohri ki mi ruo riẹriẹriẹ Enana keye imu ri mi che ru, Me gba cha sen aye-en.

Aizaya 59:10

Avwanre vwẹ abọ gbe igbẹhẹ kerẹ orhuẹro, avwanre vwẹ abọ gbe kerẹ ohwo ro vwo ẹro-o, avwanre ghorie she vwẹ oghẹruvo kerẹ ason, vwe uherevie rẹ ihwo gbrọgbrọ avwanre ke họhọ ihwo ri ghwuru.

Jerimaya 16:21

Ọtiọye na, gbe nighe, mi che jẹ ayen riẹn, obọ ọvo nana mi che dje ọrho vẹ ẹgha mẹ kẹ ayen, ayen ke riẹn nẹ odẹ mẹ hẹ Ọrovwohwo.

Jerimaya 33:2

Enẹ Ọrovwohwo rọ ma akpọ na tare, Ọrovwohwo ro farọ ro vwiro mu–Ọrovwohwo hẹ odẹ rọye,

Emọs 4:13

Gbe nighere, ohwo rọ ma igbenu na, rọ da rha ma odju, ro dje iroro rẹ ohwo rẹ akpọ kẹ, Rọ nẹrhẹ ebri muẹ vwẹ irhiọke, ro chiyi asan ro kpenu vwẹ akpọ na Ọrovwohwo na, Ọghẹnẹ rẹ ofovwi na, ọye odẹ rọye.

Emọs 8:9

Vwẹ ẹdẹ yena eriyin Ọrovwohwo Ọghẹnẹ na tare, ki mi che ru ọnre ko che she vwẹ oghẹruvo, egho ko che mu vwẹ uvo koko na.

Emọs 9:6

Ohwo rọ bọn uvun rọye kpenu vwẹ obi irharheghe, rọ nẹrhẹ ẹmwa dia obotọ rẹ akpọ na; rọ se ame rẹ abadi na reyọ, o mi kuo phihọ enu rẹ akpọ na–-Ọrovwohwo na ọye odẹ rọye.

Matiu 4:16

Ihwo ri tidia vwẹ evun rẹ ebri ayen mrẹ urhukpẹ rode, kugbe ihwo re hẹ uhoho rẹ ughwu, Arhọ ọkpokpọ de bru ayen rhe.

Iyẹnrẹ Esiri ri Luk 1:79

ro lo mu ihwo re hẹ ebri kugbe uhoho rẹ ughwu, ro sun avwanre vwẹ idjerhe rẹ ufuoma.