Emọs 4:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Me da vwẹ ophan vẹ akprẹn rhe idju rẹ ovwan, re idju vẹ egbo rẹ ovwan da dia ofefẹ; te irhe ri fig rẹ ovwan te irhe re oliv rẹ ovwan ebaka ghwọrọ ayen re; ji we ji rhivwi bru vwe rhe-e Ọrovwohwo na tarọ

Emọs 4:9 ပူးပေါင်းရင်းမြစ်များ

1 Ivie 8:37

Ọ da dianẹ owẹvwe firi vwẹ otọ na, ọ da dianẹ ọtiekọ eyẹ emu ghwọphe eyẹ akprẹn eyẹ ebaka eyẹ ihori; ọda dianẹ ivwighrẹ rayen kpare ofovwi rhe ọvo vwẹ usun rẹ orere rayen na; kọtiekọ kọtiekọ kemiavwe kemiavwe rọ herọ;

2 Ikun rẹ Ivie 6:28

Ọ da dianẹ owẹvwe fiẹ vwẹ otọ na, ọ da dianẹ ọtiekọ eyẹ ophan eyẹ igbidigbi eyẹ ebaka eyẹ ihori; ọ da dianẹ ivwighrẹ rayen kpo imu vwẹ ọvo vwẹ usun rẹ orere rayen; kemiavwe, kemiavwe, koga koga ro herọ;

Aizaya 1:5

Die re je ghwiẹ wẹ, ri wo ji vwo kpokpo? Uyovwi na ejobi rọ mwọga, udu na ejobi oma rọ rhọ.

Aizaya 50:11

Nighere, ovwan ejobi ri koko erhanre, ri phopho imwerhanre la! Gba vwẹ urhukpẹ re erhanre wẹn vwọ yan, kugbe imwerhanre ri wo koko phihọ! Ọnana kọye wọ cha mrẹ reyọ vwẹ obọ Mẹ ku wo che ghunie vwẹ ọdjarhe.

Aizaya 9:12

Otu ri Siria vwẹ obaro ọnre kugbe Filistia vwẹ obuko ọnre mi rhie unu vwo mu Izrẹl rọ. Kidie vwẹ enana ejobi na ophu rọye feuri-i yẹn obọ rọye je riẹn phia.

Jerimaya 3:10

Yi Juda rẹ oniọvo rẹ ofian rọye na se rhivwi bru vwe rhe vẹ udu rọye ejobi-i, omeru ọ epha, eriyin Ọrovwohwo tare.

Jerimaya 5:3

E Ọrovwohwo ẹro wẹn gbe rha mrẹ uyota? wọ teyọ ayen she, ẹkẹvuọvo yọ miavwẹ aye-en. Wọ guọghọ ayen yẹ ayen kuobọ rhẹriẹ-ẹ, ayen ru opharo rayen gan nọ oragha ayen rhọvwe kurhẹriẹ-ẹ.

Hosia 11:5

Ayen che rhivwi kpo otọ rẹ Ijipt, Asiria kọ cha dia ovie rayen, fikiridie ayen rhọvwe rhivwi bru vwẹ rhe-e.

Joẹl 1:4

Obo rẹ igurube na re chekọ, ọye igurube re rhan rere. Obo rẹ igurube rha re chekọ, ọye ebaka ri phọ rere, obo re ebaka ri pho re chekọ ọye ebaka re ghwọrọ rere

Joẹl 1:7

Ọ da guọghọ vain mẹ ejobi, ọ da dia irhe ri fig mẹ; ọ da kpẹn ehọrọ rayen kuotọ e de ru eghọn rayen fon.

Joẹl 2:25

Ke Me cha rhan ikpe na rhivwi ikpe re igurube na vwọ ghwọrọ na, ebaka na, eghwọghọ na, emegbọ na unuofovwi mẹ rode na, ri mi ji rhe ohri rẹ ovwan na.

Emọs 4:6

Me vwẹ ako efuanfon tuetue kẹ ovwan vwẹ irere rẹ ovwan ejobi kugbe ọkarovwẹ re emuọre vwẹ ẹdia rẹ ovwan ejobi, yu we ji se rhivwi bru vwẹ rhe-e, Ọrovwohwo na tarọ.

Emọs 4:8

Etiyin Irere ive yẹrẹ erha mi suo-suo kpo orere ọvo ra da ame, jo mu ayen unu-u; dede na yi we rhivwi bru vwẹ rhe-e, Ọrovwohwo na tarọ.

Habakọk 3:17

Owenẹ urhe ri fig rha kpa ipho dede-e, eyẹ ibi gbe hẹ enu ri vai-in, rẹ urhe rẹ oliv gbe mọ-ọ re idju na gbi yovwi emu-u ro gbi vwo ekru rẹ eranvwe vwẹ erhu-u,

Hegae 2:17

Me vwẹ uvo ọgangan ve imicho vwọ ghwọrọ owẹ vẹ ekankọn ri nẹ otọ wẹn cha ejobi kugbe owian rẹ abọ wẹn, dede na wo rhivwi bru vwe rhe-e, eriyin Ọrovwohwo na tare.

Malakae 3:11

Ke me cha ghwọ ku ife vẹ eghwọghwọ re ghwọrọ emu ejobi fiki wẹ re ayen vwo je unu edje te obo rẹ ovwan kọnre ejobi, udju ri vain wẹn kọ mọ ọ gbe fa-a, eriyin Ọrovwohwo rẹ otuofovwi na tare.

Urhi Rivẹ 28:22

Ọrovwohwo kọ vwẹ ofe vẹ ekpahe rode, irhue rọ vwọre, omaerhorhọn, kugbe oheri rẹ erhanre, kugbe ekpakpọ kugbe uvo hare hare kugbe itutu; kẹ ayen vwọ tua wẹ bẹsiẹ wọ vwọ ghwọrọ.

Urhi Rivẹ 28:42

Ebaka cha re irhe re ovwan vẹ emamọ rẹ otọ rẹ ovwan ejobi.