Emọs 4:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Me vwẹ ako efuanfon tuetue kẹ ovwan vwẹ irere rẹ ovwan ejobi kugbe ọkarovwẹ re emuọre vwẹ ẹdia rẹ ovwan ejobi, yu we ji se rhivwi bru vwẹ rhe-e, Ọrovwohwo na tarọ.

Emọs 4:6 ပူးပေါင်းရင်းမြစ်များ

1 Ivie 17:1

Asakiephana Ilaija ohwo ri Tish, vwi Gilead, da ta kẹ Ehab, kirobo rẹ Ọrovwohwo Ọghẹnẹ rẹ Izrẹl herọ na, ri mi mudia vwẹ obaro rọye na, asan mrẹ irho eyẹ osio vwẹ ikpe nana-a, jokpa nẹ ota mẹ.

1 Ivie 18:2

Ọtiọye Ilaija da ra vwẹ oma nẹ Ehab. Asakiephana yẹ owẹvwe re fiẹ gangan vwi Sameria.

Ivie rẹ Ivẹ 4:38

Ilaesha de rhivwi rhe Gilgai ọke rẹ owẹvwe vwo fiẹ vwẹ otọ na. Ọke rẹ Emọ rẹ emraro na ejobi vwo tidia vwẹ obaro rọye, ọ da ta kẹ odibo rọye, Mu itaso rode na chere rere wo chere ukodo kẹ emọ rẹ emraro na.

Ivie rẹ Ivẹ 8:1

Asakiephana Ilaesha da ta kẹ aye na rẹ ọ rhọvwọ ọmọ rọye nẹ ughwu na, Vrẹn, wọ vẹ evwruwevwi wẹn yan nẹ etinẹ kpo asan kasan rẹ ovwan sa dia, fikiridie Ọrovwohwo se owẹvwe nẹ o rhi hwe vwẹ ubrotọ na ẹgbukpe ighwrẹ.

2 Ikun rẹ Ivie 28:22

Vwẹ ọke rẹ ukpokpogho rọye re o rhe vwo esegbuyota kpahe Ọrovwohwo na-a–Ehaz Ovie nana ọvuọvo na.

Aizaya 26:11

E Ọrovwohwo, a kpare obọ wẹn kpenu, ẹkẹvuọvo ayen sa mrẹ-ẹ. Gbe jẹn ayen mrẹ ọdavwẹ wo vwo kẹ ihwo wẹn, rere oma vo ayen. gbe jẹn erhanre rẹ ivwighrẹ wẹn torhẹ ayen

Aizaya 3:1

Gbe nighe, Ọrovwohwo na, Ọrovwohwo rẹ ofovwi na, o cha reyọ echoma kugbe ọkpọ nẹ Jerusalẹm kugbe Juda rhe echoma rẹ ikara ejobi, echoma rẹ ame ejobi,

Aizaya 9:12

Otu ri Siria vwẹ obaro ọnre kugbe Filistia vwẹ obuko ọnre mi rhie unu vwo mu Izrẹl rọ. Kidie vwẹ enana ejobi na ophu rọye feuri-i yẹn obọ rọye je riẹn phia.

Aizaya 9:13

Ihwo na rhivwi bru ọ rọ ghwiẹ aye-en eyẹ vwọ guọnọ Ọrovwohwo rẹ otuofovwi na-a.

Jerimaya 14:18

Mi de kpo evun rẹ aghwa nighe, irivwi rẹ ihwo re hweri hẹ oboyi. Ọ da dianẹ me ro evun rẹ orere na nighe, emiavwe rẹ owẹvwe! Kidie te ọmraro vẹ orherẹn nenesi rẹ eki rayen wan otọ na duvwu, ayen gbi vwo iroro-o.

Jerimaya 5:3

E Ọrovwohwo ẹro wẹn gbe rha mrẹ uyota? wọ teyọ ayen she, ẹkẹvuọvo yọ miavwẹ aye-en. Wọ guọghọ ayen yẹ ayen kuobọ rhẹriẹ-ẹ, ayen ru opharo rayen gan nọ oragha ayen rhọvwe kurhẹriẹ-ẹ.

Izikiẹl 14:21

Kidie enẹ Ọrovwohwo Ọghẹnẹ tare: Komavọ ọ dia vwẹ ọke me da vwẹ oghẹre rẹ ẹdjeguo ẹne mẹ vwọ rhe Jerusalẹm, ọlọkọ, owevwe, eranvwe ebrabra vẹ emiavwe, rere o bru ohwo kugbe eranvwe no!

Izikiẹl 16:27

Nighe, fiki rẹ ọtiọye na, ke me riẹn obọ mẹ kpahe owẹ, ki mi ru ẹkẹn ute wẹn hanvwe, ki mi siobọ nẹ uwe kẹ urhuru sivwe rẹ ivwighrẹ wẹn, emetẹ rẹ ihwo ri Filistia, rẹ oma voro fiki rẹ ẹban wẹn.

Hosia 11:5

Ayen che rhivwi kpo otọ rẹ Ijipt, Asiria kọ cha dia ovie rayen, fikiridie ayen rhọvwe rhivwi bru vwẹ rhe-e.

Hosia 5:15

Mi che rhivwi kpo ẹdia mẹ, bẹsiẹ rẹ ayen vwọ rhọvwe abe rayen ayen me rhe guọnọ opharo mẹ vwẹ evun rẹ ọdjorho rayen ke ayen cha guọnọ ovwẹ tane,

Joẹl 1:16

Ọ dianẹ a ghwọrọ emuọre na kuẹfia vwẹ irharo rẹ ovwan na, te aghọghọ te omavwerhe nẹ uwevwi rẹ Ọghẹnẹ wẹn?

Livitikọs 26:23

Enana da phia kẹ ovwan nu rẹ ovwan gbi rhe rhivwi bru vwe rhe-e, wa da rha cho irhi mẹ,

Livitikọs 26:26

Mi de vwirhi ọkpọ rẹ ikara rẹ ovwan nu, eya ihwe ke cha dia enyerhanre ọvo kaka ikara, kẹ ovwan cha vwanvwe emu re; ovwan da re nu evun rha vọn ovwa-an.

Hegae 2:17

Me vwẹ uvo ọgangan ve imicho vwọ ghwọrọ owẹ vẹ ekankọn ri nẹ otọ wẹn cha ejobi kugbe owian rẹ abọ wẹn, dede na wo rhivwi bru vwe rhe-e, eriyin Ọrovwohwo na tare.

Urhi Rivẹ 28:38

Wọ cha vwẹ ekankọn ibuebu voro udju wẹn, emerha wọ cha mrẹ vun; kidie ebaka cha ghwọro.

Ẹvwọphia 2:21

Me vwẹ ọke kẹ nẹ o vwo kurhẹriẹ, ẹkẹvuọvo ọ senre o jẹ ọfanrhiẹ na vwo-o.

Rutu 1:1

Vwẹ ọke rẹ iguẹdjọ vwo suẹn, owẹvwe de fi vwo otọ na, Ọshare ọvo ri Bẹtlẹhẹm vwi Juda de kpo otọ ri Moab ra dia, ọ vẹ aye rọye kugbe emọ rọye ivẹ.