Emọs 4:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ọrovwohwo Ọghẹnẹ na vwẹ ẹfuọn rọye duvwu iyori nẹ, nighere, ẹdẹ rẹ ovwan cha, ra da vwẹ eghọre sa ovwan kpono yanran, vwevwe rẹ ohwo rọ ka uko na eghọre e vwo sio.

Emọs 4:2 ပူးပေါင်းရင်းမြစ်များ

Une rẹ Ejiro 89:35

Obo ọvo rhiri bẹdẹ me vwẹ ọfuanfon mẹ duvwu iyori; Me sa vwọrọ efian ki Devidi-i.

Une rẹ Ejiro 89:36

Uvwiẹ rọye kọ dia bẹdẹ, ekete rọye kirobo rẹ ọnre na dia krite vwẹ obaro mẹ

Aizaya 37:29

Fikiridie wọ rọ họnrọ ovwẹ ri mi de nyo usi rẹ eyan ru wọ yan, ke me vwẹ oghọre mẹ sa unwe rọye ke me vwẹ uwe mẹ vwo we unu wẹn, ke me cha rhan wẹn rhivwi vwẹ idjerhe ru wọ wan rhe.

Jerimaya 16:16

Nighe, mi ji ikọn re se ihwiyeri buebu, eriyin Ọrovwohwo tare, ihwiyeri na ki che mu ayen, ukuko rọye ki mi ji re se irhuẹ rhe, kẹ ayen cha bẹrẹ ibefi nẹ ugbenu ọvo re te ugbenu rivẹ, ji te ẹgbogho rẹ eragha na.

Izikiẹl 29:4

Me vwẹ oghọre sa ohwa wẹn, ki mi ru iyeri rẹ ivwori wẹn re jephihọ esẹn wẹn; ki mi kpono uwe nẹ uherevie rẹ ivwori wẹn na, vẹ iyeri rẹ ivwori wẹn na ejobi re jephihọ esẹn wẹn.

Izikiẹl 34:16

Ke me guọnọ i ri ghwruru, i ri suosuo ghwru ke me vwẹ ayen rhivwi rhe, e rẹ awọ rayen vwirhiri ke me gba ayen, e rẹ oma rhọ ke me kẹ ayen ogangan, e re pha tubie tubie kugbe e re oma rayen ganre ke me rhẹrẹ ayen; ke me ghẹrẹ ayen vwẹ uyoyovwi.

Izikiẹl 38:4

mi ku we rhẹriẹ, ke me vwẹ eghọre sa ọhwa wẹn, ki mi kpono uwe phia, vẹ usun rẹ ofovwi wẹn, iyesi vẹ ihwo re gua ayen, ayen ejobi nabọ ghwa ekpọfia họ, usun rẹ ihwo buebu, ayen ejobi vẹ oshuẹ vẹ agada kugbe elọkọ re go,

Emọs 6:8

Ọrovwohwo Ọghẹnẹ vwẹ oma rọye duvwu iyori (eriyin Ọrovwohwo na, Ọghẹnẹ rẹ otuofovwi na tare) Me gba omephuo ri Jekọp, oma re ogba ọgangan rọye tu vwẹ, ki mi phi orere na vẹ obo re herọ phihọ obọ rẹ ivwighre.

Emọs 8:7

Ọrovwohwo na vwẹ omephuo ri Jekọp vwo duvwu iyori nure; uyota uruemu rayen sa cha chọrọ ovwẹ ẹro-o.