Emọs 3:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Okpohrokpo de kperẹ vwẹ evun rẹ egbo, yọ mrẹ eranvwe ro mu-u? Ke ọmọ re okpohrokpo di kperẹ vwẹ evun re unu rọye, yo mu emuọvo-o?

Emọs 3:4 ပူးပေါင်းရင်းမြစ်များ

Une rẹ Ejiro 104:21

Upene rẹ okpohrokpo kperẹ kẹ emu rayen, re guọnọ emuọre rayen nẹ obọ rẹ Ọghẹnẹ cha.

Hosia 11:10

Ayen che nene Ọrovwohwo, ko che kperi kerẹ okpohrokpo, e, o che kperi, emọ rọye ki che nẹ obuko ọnre rhe vẹ ophariẹ;

Hosia 5:14

Kidie me cha họhọ okpohrokpo kẹ Ifrem, kerẹ ọmọ rẹ okpohrokpo kẹ uwevwi ri Juda. Mẹvwẹ, ekpuyovwi mẹ, me da bẹrẹ nu ke me yanran, Mi che muo yanran, yẹ o vwo ohwo ro se sivwo mie vwe-e.

Emọs 1:2

Ọ da ta: Ọrovwohwo na do ni Zayọn rhe, Ọ da ta ota ni Jerusalẹm rhe, egbri re isuigodẹ na muoma phihọ, enu ri ugbenu ri Kamẹl vwiori.

Emọs 3:3

Ihwo ivẹ sa yan kugbe-e, jokpa nẹ ayen ta phihọ

Emọs 3:5

Ufi di siẹ hwa ọphran vwẹ evun rẹ otọ ya kpahe ufi hẹrhẹ-ẹ? Ufi di muẹ phagha vwẹ otọ, yẹ emu ọvuọvo muro-o?

Emọs 3:8

Okpohrokpo na kperi; kono oshọ je muo? Ọrovwohwo Ọghẹnẹ na ta nure. kono ri jẹ aroẹmrẹ?