Emọs 3:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Wẹ ọvo Me riẹnre vwẹ usun rẹ erua rẹ akpọ na ejobi, fiki rẹ ọtiọye na ki mi hwe we fiki rẹ orukuruku wẹn ejobi.

Emọs 3:2 ပူးပေါင်းရင်းမြစ်များ

Jẹnẹsis 10:32

Enana eye ekru rẹ emọ ri Noa, kirobo rẹ orua rayen wanre, vwẹ ẹgborho rayen; vwẹ oma rẹ enana kọye ẹgborho rẹ akpọ na ejobi hra nurhe rẹ oghwe na vwọ kponu.

Jẹnẹsis 18:19

Ẹjo, kidie Me jẹrẹ reyọ nure, nẹ oyono emọ rọye vẹ evwruwevwi rọye ejobi re ayen sẹro rẹ idjerhe rẹ Ọrovwohwo re ayen ru uruemu rẹ ọvwata vẹ ọsoso; rere ive rẹ Ọrovwohwo vẹ kẹ Ebraham na o vwo se ruo gba kẹ.

Une rẹ Ejiro 147:19

O dje ota rọye kẹ Jekọp, ẹgha vẹ irhi rọye kẹ Izrẹl.

Ẹyano 32:34

Ẹkẹvuọvo asakiephana, gba yanran re sun ihwo na kpo asan re me ta kẹ owẹ na, nighe, amakashe mẹ cha ka obaro kẹ wẹ. Dede ẹdẹ re me cha rhe, ke me re ihri rẹ umwemwu rayen.

Aizaya 63:19

Avwanre da rhe họhọ ihwo ri wo ji sun dẹvo-o, kerẹ ihwo ra vwẹ odẹ wẹn se-e.

Jerimaya 1:15

Kidie, nighe, Mi hiro se uvwie rẹ ivie rẹ obọhwẹre ọnre, Ọrovwohwo tare, ayen cha rhe ayen dohwo dekete rẹ uvie rọye cha bọn phihọ ughere ri Jerusalẹm, ayen cha bọn kpahe igbẹhẹ rọye ejobi riariẹ, je kpahe irere ri Juda ejobi.

Jerimaya 10:25

Ku ophu wẹn ku ẹgborho ri ju we ẹriẹn kugbe ihwo ri se ode wẹ-en, kidie ayen mu Jekọp rọn, ayen murọ rọn ayen guọgherọ te otọ ayen ru ẹdia rọye phihọ ofefe.

Jerimaya 11:22

ọtiọye na enẹ Ọrovwohwo rẹ otuofovwi na tare, Mi che hwe ayen; imighene na che ghwu ughwu rẹ ọlọkọ; owẹvwe che hwe emeshare vẹ emete rayen ghwu;

Jerimaya 13:21

Kidie wo ta, siẹ ra da vwẹ ayen mu vwẹ enu wẹn ihwo ru wo rori nẹ igbeyan wẹn? wọ gbe rhovwo ako fia kerẹ aye rọ chuẹ uvwiẹ?

Jerimaya 14:10

E nẹ Ọrovwohwo ta kpahe ihwo nana: Ayen guọnọ suosuo ọtiọna, ayen sa da awọ rayen ji-i, ọtiọye na Ọrovwohwo gbe reyọ aye-en asakiephana kọ karohọ imwemwu rayen kọ vwẹ oja re ayen fikirẹ imwemwu rayen.

Jerimaya 9:25

Nighe, ẹdẹ cha vwobọ eriyin Ọrovwohwo na tare, ri mi che vwo hwe otu re yanvwere dede na ayen je hẹ upheruphe.

Izikiẹl 5:9

Fiki rẹ ẹgua wẹn na ejobi ki mi che nene uwe ru obọ mi ji ru dẹvo-o, oghẹre rẹ emu ọtiọye na mi gbi ji se ruo ọfa bẹdẹ-ẹ.

Izikiẹl 9:6

hwe emare na ejobi ghwu, emeshare vẹ emetẹ, imitete vẹ eya, ẹkẹvuọvo wọ vwẹ obọ te ohwo ra ka oka phihọ na-a. Gba dia asan ẹshẹ na de muophihọ. Ọtiọye ayen da vwẹ ekpakọ re uwevwi na muophihọ.

Daniẹl 9:12

O ru eta rọye na gba, rọ ta kpahe avwanre vẹ isun ri suẹn avwanre, rọ vwọ reyọ ukpokpogho rode vwo rhe avwanre, kidie vwẹ otọ rẹ ọnre na ejobi obọ re ru ke Jerusalẹm na e ji ruo dẹvo-o.

Hosia 2:13

Ki mi vwẹ oja riọ fiki rẹ ẹdorẹ ri Baal ọke rọ vwọ torhẹ insens kẹ ayen rọ vwọ vwẹ Isa vẹ ejọnrọn vwọ rhuẹro oma rọye, ro de nenesi rẹ esen rọye, Me da chọrọ ẹro, ọtiọye Ọrovwohwo tare,

Hosia 5:3

Me riẹn Ifrem, Izrẹl sioma nu kẹ vwẹ-ẹ, kidie asakiephana, E Ifrem, wo gbe igberadja, Izrẹl gbe oma ẹgua.

Hosia 8:13

Ayen guọnọ izobo; eranvwe rẹ ayen vwo ze izobo ayen rerọ; ẹkẹvuọvo Ọrovwohwo vwẹ omavwerhovwẹ vwẹ aye-en. Asakiephana kọ karohọ orukuruku rayen, kọ guọghọ imwemwu rayen, ayen che rhivwi kpo Ijipt.

Hosia 9:9

Ayen gbe oma rayen ku putu putu kerẹ ọke ri Gibeah; kọ karohọ orukuruku rayen, kọ guọghọ imwemwu rayen.

Emọs 2:4

E nẹ Ọrovwohwo na tare. Fiki rẹ ogbeku erha ri Juda, ji kugbe ẹne, Me gbe sa rhan unu rẹ ehwe na-a, fikiridie ayen sen urhi rẹ Ọrovwohwo na, ayen gbe yọnre iji rọye-e ẹkẹvuọvo efian rayen sun ayen ghwru, kirobo rẹ esẹ rayen yanre.

Emọs 3:3

Ihwo ivẹ sa yan kugbe-e, jokpa nẹ ayen ta phihọ

Emọs 6:1

Eka kẹ otu rẹ oma furu vwi Zayọn, kugbe ayen ihwo re hẹ egbemọphẹ vwẹ enu rẹ ugbenu ri Sameria, ihwo ride re dia ihwo rẹ ẹsosuọ vwẹ egborho na, ihwo rẹ uwevwi rẹ Izrẹl bru rhe!

Maika 2:3

Eriyin na, enẹ Ọrovwohwo na tare: nighe Me herọ jẹ iroro umwemwu vwọ kpahe orua nana, we se si ọhọre rẹ ovwan no-o; ovwan sa yan phuoma-a fikiridie ọke yena cha dia ọke ọbrabra .

Nahum 3:4

Ena ejobi kẹ fiki rẹ ọfanrhie rẹ igberadja na, vẹ erhuvwu kugbe inehweri ọbrabra, rọ vwẹ ọfanrhie rọye shẹ ẹgborho, ọ me rha vwẹ inehweri rọye se ihwo.

Iruo rẹ Iyinkọn na 17:26

Ọ da ma ihwo phihọ ẹgborho ọvuọvo nẹ e dia enu rẹ akpọ na, ọ da kẹ ayen uchọke rẹ ayen dia akpọ na te kugbe ughwru ro gbere kẹ ẹdia rayen,

Ọbe ri Pọl si rhe Ihwo ri Rom 2:9

Ukpokpogho vẹ enuebro kọ dia kẹ ohwo kohwo ro ru umwemwu, ẹsosuọ kẹ ihwo ri Ju kugbe ihwo ri Grik rhe,

1 Kọrẹnt 8:3

Ẹkẹvuọvo ohwo da guọnọ Ọghẹnẹ, ko riẹn ohwo yena.

Urhi Rivẹ 10:15

Ọrovwohwo ọvo vwo ivuavwerhe kpahe esẹ rẹ ovwan je guọnọ ayen, ọ da jẹn emọ rayen re cha vwẹ uko reyọ, kọye ovwan vwọ enu rẹ ihwo na ejobi, kirobo rọ epha nonẹ na.

Urhi Rivẹ 26:18

Ọrovwohwo ji ghwoghwo phia kpahe owẹ nonẹ na nẹ wọwẹ kẹ ihwo rẹ obọ rọye, kirobo ro ve phihọ otọ kẹ wẹ, rere wọ yọnrọn irhi rọye ejobi,

Urhi Rivẹ 32:9

Kidie ẹkẹn rẹ Ọrovwohwo ọye ihwo rọye, Jekọp ọye ẹkẹn uku rọye.

Urhi Rivẹ 4:32

Kidie gba nekpẹn rẹ ẹdẹ rẹ awanre na, e re hẹ obaro wẹn na, rha wẹ ọke rẹ Ọghẹnẹ vwọ ma ohwo phihọ enu rẹ akpọ na, nẹ abọvo rẹ odjuvwu re te abọ rivẹ, se oghẹre rẹ emu rode ọtiọnana ru vwọ dẹvure, gbenẹ e ji nyo ọ rọ họherọ re?

Urhi Rivẹ 7:6

Kidie ovwan ihwo efuanfon kẹ Ọrovwohwo rẹ Ọghẹnẹ rẹ ovwan na; Ọrovwohwo Ọghẹnẹ wẹn re sanọ owẹ re wọ dia oghẹre rẹ ohwo kẹ omobọ rọye, nọ ihwo rẹ herọ vwẹ evun rẹ akpọ na ejobi.

1 Pita 4:17

Kidie ọke na tere rẹ ẹdjọeguo na che vwo muhọ vwẹ evwruwevwi rẹ Ọghẹnẹ re; ọ da dia avwanre o vwo muhọ, komavọ oba rẹ ayen otu ri mu ọghọ kẹ iyẹnrẹ esiri rẹ Ọghẹnẹ na-a cha dia?