Emọs 2:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ayen mi sherhẹ kẹrẹ kaghada kaghada iwun re vwo viẹnwa keye ayen kuẹ phihọ vwerhe; evun rẹ uwevwi rẹ Ọghẹnẹ rayen kọye ayen da da idi, idi rẹ ihwo vwọ je oko

Emọs 2:8 ပူးပေါင်းရင်းမြစ်များ

Ẹyano 22:25

Wo de momo igho kẹ ohwo ọvo vwẹ ihwo mẹ na rọ dia ogbere, wọ gbe dia kerẹ omomigho kẹ-ẹ, wo ji suẹn kẹ-ẹ.

Aizaya 57:7

Vwẹ enu rẹ ugbenu ro kpenu gogorogo oboyi wo mu ehwa phihọ, kẹ oboyi wa ra de re ze izobo.

Izikiẹl 18:12

o mi shenyẹ ọrivẹ rọye rẹ akpọ bẹn, ọ gborho ihwo, o siobọ nẹ emu re vwo vien ewu-an, ọ kparẹ ẹrọ rọye kpenu vwọ nẹ ema, o gbe ẹgua,

Izikiẹl 18:7

o shenyẹ ohwo ọvuovo-o, o da hwa osa rọ rere vwẹ ọke ro bruru, o cho uji-i, ọ vwẹ emu kẹ ohwo rẹ owẹvwe hwe, ọ me vwẹ ewun kẹ ohwo rọ ban phihọ,

Izikiẹl 23:41

Wo de tidia agbara ra nabọ rhuẹrẹ fia, vẹ imẹjẹ ra nabọ rhuẹrẹ vwẹ obaro rọye ru wo phi ugboduma mẹ kugbe evwri mẹ phihọ.

Hosia 4:8

Vwẹ enu rẹ imwemwu rẹ ihwo mẹ koye ayen da ghẹrẹ oma rẹ ayen; Ayen hirhe phihọ ọvwurhuru fiki rẹ orukuruku rẹ ayen.

Hosia 7:14

Ukpere rẹ ayen nẹ ubiudu bru vwẹ rhe-e, ẹkẹvuọvo ayen di beroma vwẹ enu rẹ ehwa rayen, fiki rẹ eka vẹ idi kọye ayen vwo mu eta ta, ayen mu kpahe ovwẹ.

Emọs 3:14

Vwẹ ẹdẹ mi de che hwẹ Izrẹl fiki rẹ ogbeku rọye, Me je cha guọghọ egbada ri Bẹtẹl, ka cha nyavwe ighoro rẹ agbada na kufia ki che she teye otọ.

Emọs 4:1

Nyo ota nana, ovwan irhuẹn ri Bashan, re he enu rẹ ugbenu ri shenyẹ ivwiegbere re guọghọ ihwo rẹ akpọ bẹn, re ta kẹ eshare rayen nẹ, Vwọ rhe re ma da!

Emọs 6:4

Eka kẹ ihwo ri sherhẹ ehwa rẹ akeni, re riẹn paparapa phihọ enu rẹ ukpe rayen, re ria upene rẹ ogegede vwẹ ohri rẹ igegede na, re ria upene rẹ erhuẹn vwẹ evun rẹ urhuẹn rayen;

Emọs 6:6

re vwẹ okpa da udi, re vwẹ omamọ rẹ ori ọghaghare ghworo oma rayen, ẹkẹvuọvo eyere ri Josẹf ra guọghọre na da aye-en.

1 Kọrẹnt 10:21

Ovwan sa da uko re Ọrovwohwo vẹ uko rẹ idẹbono kugbe-e. Wọ sa re vwẹ imẹjẹ rẹ Ọrovwohwo kugbe imẹjẹ rẹ idẹbono-o.

1 Kọrẹnt 10:7

Ovwan rha dia egedjọ kirobo rẹ evo rẹ ayen ruru-u; kirobo re siro, Ihwo na tidia te otọ re ria re da ayen de vrẹn ki gbe eha.

1 Kọrẹnt 8:10

Kidie ọ da dianẹ ohwo ọvo mrẹ wẹ, ohwo ro vwo erianriẹn, rọ ria emu rẹ iye vwẹ uwevwi rẹ ẹdjọ, ọ da dianẹ udu rọye lọhọre, ọ rha nẹrhẹ, ọ re emu ra vwọ gọ iye?

Iguẹdjọ 9:27

Ayen da yanran kpo aghwa, ayen da ra kọrọ grep vwẹ ogba ri vain rayen koko, ayen de chiyi ayen, ayen da re orẹ, ayen da yanran kpo uwevwi rẹ ẹdjọ rayen, ayen da re, ayen da da idi, ayen de duvwu iyori kẹ Abimẹlẹk.