Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Emọs 2:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

4 E nẹ Ọrovwohwo na tare. Fiki rẹ ogbeku erha ri Juda, ji kugbe ẹne, Me gbe sa rhan unu rẹ ehwe na-a, fikiridie ayen sen urhi rẹ Ọrovwohwo na, ayen gbe yọnre iji rọye-e ẹkẹvuọvo efian rayen sun ayen ghwru, kirobo rẹ esẹ rayen yanre.

အခန်းကိုကြည့်ပါ။ ကော်ပီ




Emọs 2:4
53 ပူးပေါင်းရင်းမြစ်များ  

Juda je yọnre irhi rẹ Ọrovwohwo Ọghẹnẹ rayen na-a, ẹkẹvuọvo ọ je ghwẹ obo phihọ iruemu rẹ Izrẹl ghwa rhe na.


Rẹ Amazaya vwo nẹ ihwehwe rẹ ihwo rẹ Idọm rhe nu, ọ da reyọ ẹdjọ rẹ ihwo ri Seir rhe, ọ da vwẹ ayen vi kẹ ẹdjọ rọye, ọ da ga ayen, o de ze izobo kẹ ayen.


Ovwan rha họhọ esẹ rẹ ovwan vẹ imoni rẹ ovwan, ri vwo esegbuyota kpahe Ọrovwohwo Ọghẹnẹ rẹ esẹ raye-en, rọ vwọ nẹrhẹ a kua ayen fiotọ, kirobo rẹ ovwan mrẹ na.


Avwanre ru emu ogbegbo kpahe owẹ, avwanre sa yọnre irhi wẹ-ẹn, iji wẹn, kugbe aghwoghwo wẹn ru wo ji urhi kẹ odibo wẹn Mosis.


Dede na ye ayen ji vwo udu ayen de mukpahe owẹ ayen de mu urhi wẹn phihọ obuko ayen de hwe emraro wẹn, ri bru ayen uche nẹ i rhivwi bru uwe rhe, ayen de gbe ẹgua rode.


Fikiridie wọ tare, nẹ, Avwanre vẹ ughwu re ọphọ, avwanre vẹ ushi churobọ, ọke rẹ ọtiekọ na da cha wan vrẹn na, o gbi che bru avwanre rhe-e, kidie avwanre vwẹ efian ru odjahọ rẹ avwanre, vwẹ otọ rẹ efian kẹ etiyin avwanre de si oma nu,


Ọ ria iwurhie; udu ra phienre sunro ghwru nure, o gbi se sivwi oma rọye-e tanẹ. O gbi rhe vwo efian vwẹ obọrhe mẹ na-a?


Etiyin wọ ke vuẹ ayen nẹ: Fikiridie esẹ rẹ ovwan sen vwẹ, eriyin Ọrovwohwo tare, ayen de nene edjọ efa ayen da ga ayen, ayen da vwẹ uyovwi kpotọ kẹ ayen, ayen da sen vwẹ, ayen gbe yọnrọn urhi mẹ-ẹ,


fikiridie we ru miovwi vrẹn esẹ rẹ ovwan, gbe nighe, ovwan dohwo dudu ọgangan rọye je yan nene, wa rhọvwe kerhọn mẹ-ẹ;


Ẹkẹvuọvo wa kerhọn mẹ-ẹ, vwọ yọnrọn ẹdidjala na fuanfon vwo jẹ oghwa ẹghwa ruẹ anurhoro ri Jerusalẹm vwẹ ẹdidjala-a, ki mi koko erhanre phihọ, anurhoro rọye, kọ ghwọrọ ekete ri Jerusalẹm e gbi se fuo-o.


Nyo, E akpọ, nighe, me herọ ghwa umiovwo rhe ihwo nana re, ekankọn rẹ ayen kọnre kidie ayen kerhọn rẹ eta mẹ-ẹ; ayen sẹro rẹ urhi mẹ-ẹ.


ka hra ayen phihọ kẹ ọnre vẹ emeranvwe kugbe otu re hẹ obenu ejobi, e rẹ ayen guọnọre rẹ ayen je ga na, rẹ ayen yan nene na, rẹ ayen nenesi rọye, rẹ ayen vwẹ uyovwi kpotọ kẹ; a gbe sa ghwẹ ayen koko-o, e ji se shi ayẹ-ẹn ayen ke họhọ isọn vwẹ otọ na.


Oma cha vo evwaghwanre na vwẹ obọ; oma cha ghwọrọ ayen re de mu ayen; nighe, ayen siẹn ota rẹ Ọrovwohwo, didi aghwanre re hẹ evun rayen?


ẹkẹvuọvo yẹ ayen ji nene udu ọgangan rayen, ayen da yan nene Baal, kirobo esẹ rayen yono ayen.


Fikiridie wọ nẹrhẹ udu bru evwata na ekueku, ye me vwẹ udu bro kẹ, wo de phi udu phihọ ohwo umwemwu awọ, rere o je rhivwi nẹ idjerhe umwemwu rọye ro sivwi arhọ rọye,


Ẹkẹvuọvo uwevwi rẹ Izrẹl de mu kpahe ovwẹ vwẹ evun rẹ aghwa, ayen gbe yan phihọ evun rẹ iji mẹ-ẹ ẹkẹvuọvo ayen da sen irhi mẹ, rẹ ohwo rọ sẹro rayen ko rhọ, ẹdidjala mẹ ayen de gbe ẹgua tughu tughu. Etiyin mi de roro nẹ mi ku ophu mẹ ku ayen vwẹ evun rẹ aghwa na, rere mi ghwe furhie ayen re kakare.


fikiridie ayen siẹn irhi mẹ ayen gbi rhe nene iji mẹ-ẹ, ayen de gbe ẹdidjala mẹ ẹgua, kidie udu ayen ghwru nene ẹdjọ rayen.


Me da ta kẹ emọ rayen vwẹ evun rẹ aghwa na, We nene esi rẹ iji rẹ esẹ rẹ ovwa-an eyẹ wa yọnrọn irhi raye-en, eyẹ wa vwẹ edjọ rayen gbe oma rẹ ovwan ẹgua-a.


Fikiridie ayen vwẹ irhi mẹ ru iruo-o ẹkẹvuọvo ayen da siẹn iji mẹ ayen de gbe ẹdidjala mẹ ẹgua, ayen da tọn ẹru vi edjọ rẹ esẹ rayen.


Ọtiọye na gba ta kẹ uwevwi rẹ Izrẹl, Enẹ Ọrovwohwo Ọghẹnẹ tare; We ji miovwi oma rẹ ovwan kirobo rẹ esẹ rẹ ovwan ruru ri ghwru nene obo ri tu ayen oma na?


Emraro rọye da vwẹ ophiẹvwe vwo ghwọrọ ayen, re mrẹ emramrẹ rẹ efian re bọ epha rẹ efian kẹ ayen, tanẹ, E nẹ Ọrovwohwo Ọghẹnẹ tare, jẹ Ọrovwohwo na tare-e.


Wọ jẹ emu ọfuanfon mẹ fia, wo de gbe ẹdidjala mẹ ẹgua.


Ọrovwohwo vwẹ urhi mu Juda, ko hwe Jekọp kirobo rẹ idjerhe rọye epha, vwọ reihri kirobo rẹ uruemu rọye teri.


Vwẹ obo evun ọ da yọnre uchukrowọ rẹ oniọvo rọye, ro vwo te omiragua ọ vẹ Ọghẹnẹ de muabọ.


Fiki wẹ rhe, E Juda, e bru ẹdẹ rẹ orhọ wo nure. Oke me vwọ vwẹ ughwẹ rẹ ihwo mẹ rhivwi rhe.


Enẹ Ọrovwohwo na tare. Fiki rẹ ogbeku erha ri Damaskọs, ji kugbe ẹne, Me cha rha unu rẹ ehwe na-a, fikiridie ayen vwẹ akpẹrẹ rẹ utehru vwọ guọghọ Gilead.


Wẹ ọvo Me riẹnre vwẹ usun rẹ erua rẹ akpọ na ejobi, fiki rẹ ọtiọye na ki mi hwe we fiki rẹ orukuruku wẹn ejobi.


Edafe rẹ ovwan vọnre vẹ ozighi; ihwo rẹ dia evun rẹ orere na vwọrọ efian, ẹrenvwe rẹ unu rayen vọnre vẹ ophiẹvwe.


Didi erere ọye oma vwori ọke rẹ ọwena na da kparọ, oma rẹ utehru, oyono rẹ efian? Kidie ọwena na vwẹ ẹro so obo rẹ ọye ọvo kare ọke rọ da kare oma ro diunu!


Kidie ayen wene uyota rẹ Ọghẹnẹ kpẹ ofian, ayen da vwẹ ẹga vẹ ejiro vwọ kẹ uhoho ra mare nọ ekpuyovwi rẹ Ọmẹma na, ohwo re jiri bẹdẹ! Isẹ.


Vwẹ ọtiọye na ohwo ro se uyono nana gbe emu-u, ọ dia ohwo rẹ akpọ ọ jefia-a ẹkẹvuọvo Ọghẹnẹ, rọ vwẹ Erhi Ọfuanfon rọye na kẹ ovwan.


Ovwan riẹnre nẹ a tan ovwan nẹ idjerhe ofefe rẹ ovwan reuku rọye mie esẹ rẹ ovwan na, ọ dia obo re ghwọrọ kerẹ idọnọ efuanfon eyẹ oro-o,


Ihwo rẹ Izrẹl da rhoma ru emu omiomiovwi vwẹ obaro rẹ Ọrovwohwo na, ayen da gọ Baal kugbe Ashera, te edjọ ri Syria, edjọ ri Sidọn, edjọ ri Mọab, edjọ rẹ ihwo rẹ Ammọn, kugbe edjọ ri Philitia na; ayen da sen Ọrovwohwo na, ayen gbe ga-a.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ