Emọs 1:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ E nẹ Ọrovwohwo na tare. Fiki rẹ ogbeku erha ri Taya, kugbe ẹne Me gba sa rhan unu rẹ ehwe na-a; fikiridie ayen siobọ nẹ ihwo na ejobi kẹ Idọm, ayen gbe karophihọ ọphọ rẹ imoni-i.

Emọs 1:9 ပူးပေါင်းရင်းမြစ်များ

2 Samuẹl 5:11

Etiyin Hiram rẹ ovie ri Taya de ji ikọn bru Devid ọ da vwẹ igẹdu, kugbe ewena vẹ ihwo re bọn uwevwi vwo rhe.

Une rẹ Ejiro 83:7

Gẹbal vẹ Amọn kugbe Amalẹk, Filistia kugbe ihwo ri Taya;

Jerimaya 25:22

Ivie ri Taya ejobi, ivie ri Saidọn ejobi, kugbe ivie rẹ erhuru re wan abadi vrẹn na;

Jerimaya 47:4

fiki rẹ ẹdẹ rọ cha guọghọ ihwo rẹ Filistia ejobi, rọ che bru kufia ni Taya vi Saidọn kọchuko kọchuko ro che chekọ. Kidie Ọrovwohwo herọ ghwọrọ ihwo ri Filistia, umuku ri chekọ vwẹ erhuru ri Kaftọ.

Izikiẹl 27:1

Ota rẹ Ọrovwohwo de bru vwe rhe:

Izikiẹl 27:27

Efe wẹn, ekuakua wẹn, oghwaeki wẹn, eguokọ wẹn imueghuvwu wẹn, idiudio wẹn, ineki re ekuakua wẹn, kugbe ihwo rẹ ofovwi wẹn re hẹ evun wẹn ejobi, kugbe otu wẹn ejobi re hẹ uherevie wẹn, de divwi vwẹ uherevie rẹ abadi vwẹ ẹdẹ rẹ oghwọrọ wẹn na.

Izikiẹl 28:1

Ota rẹ Ọrovwohwo de bru vwe rhe.

Izikiẹl 28:18

Vwẹ oma rẹ orukuruku obuebu wẹn vwẹ eki rẹ ọghware ru wọ chua wọ de vwo gbe ẹshẹ wẹn ku, kọye mi de duvwu erhanre phihọ uherevie wẹn ọ da tọrhẹ owẹ, mi de hirhe uwe phihọ iwurhie vwẹ enu rẹ otọ na vwẹ obaro rẹ ihwo ejobi re mrẹ wẹ.

Emọs 1:11

E nẹ Ọrovwohwo na tare: Fiki rẹ ogbeku erha rẹ Idọm, ji kugbe ẹne, mẹ gbe sa rhan unu rẹ ehwe na-a, fikiridie ọ vwẹ oda tua omoni rọye, ọ rha re ehrọre-e, ophu rọye rhe vwo ure-e, o de mu ophu rọye na rhiri bẹdẹ.

Emọs 1:6

E nẹ Ọrovwohwo na tare. Fiki rẹ ogbeku erha ri Gaza, ji kugbe ẹne, Me gbe sa rhan unu rẹ ehwe na-a fikiridie ayen mu ihwo na ejobi kpo imu a da vwẹ ayen kpo Idọm.

Ọbe rẹ Ọmraro Ọbadaya Obadaya 1:11

Vwẹ ẹdẹ ru wo vwo mudia tephe, rẹ erhorha vwọ ghwẹ efe rọye kpo, re ihwo rẹ isiorho vwọ vwẹriẹ anurhoro rọye re ayen vwo duvwu itẹ fiki ri Jerusalẹm, wọ da họhọ ọvo vwẹ usun rẹ ayen.

Zekaraya 9:1

Ota rẹ Ọrovwohwo ta kpahe otọ ri Hadrak ro she kpahe Damaskọs. Kidie Ọrovwohwo ri vwo irere rẹ Aram, kugbe uvwiẹ re Izrẹl ejobi;

Matiu 11:21

Iraghwo korazini Iraghwo Betsaida kidie e ru iruo ride nana vwi Taya vi Sidọn, re ruru vwẹ evun rẹ ovwan na, mane ayen kurhẹriẹ rhabae, rẹ ayen de bru oma vwọ iwurhie.

Matiu 11:22

Ẹkẹvuọvo me ta kẹ ovwan nẹ, o yovwi kẹ Taya vẹ Sidọn vwẹ ẹdẹ rẹ edjọeguo vwọ nọ wẹ.

Iyẹnrẹ Esiri ri Luk 10:13

Ekan kẹ wẹ, Korazin! ekan kẹ wẹ, Bẹtsaidai Ọ dianẹ iruo ride nana re ru vwẹ evun wẹ na ke ru ayen vwi Taya vi Saidọn, manẹ ayen kurhẹriẹ rhabae, rẹ ayen de rhuo esiso bru oma phihọ iwurhie.

Iyẹnrẹ Esiri ri Luk 10:14

Ẹkẹvuọvo o yovwi vwẹ ẹdẹ rẹ ẹdjọeguo kẹ Taya kugbe Saidọn vwo nọ wẹ.