Emọs 1:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ki mi bru ihwo re dia Ashdọd kufia, kugbe ohwo rọ rẹ uvie vwẹ Ashkẹlọn, ki mi gbekpae Ekrọn; umuku rọ chekọ vwi Filistia ko ghwu kufia, Ọrovwohwo Ọghẹnẹ na tarọ.

Emọs 1:8 ပူးပေါင်းရင်းမြစ်များ

2 Ikun rẹ Ivie 26:6

Ọ da yanran ra họnre ihwo ri Filistia, o de kporọ igbẹhẹ ri Gat she kugbe igbẹhẹ ri Jabneh kugbe igbẹhẹ rẹ Ashdọd; ọ da bọn irere phihọ ubrakpọ rẹ Ashdọd kugbe asan efa vwẹ otọ ri Filistia na.

Une rẹ Ejiro 81:14

Nanana ki mi phi ivwighrẹ rayen kua, re mi hirhe abọ mẹ ku ivwighrẹ rayen.

Aizaya 1:25

Mi che hirhe obọ mẹ ku we Me wran esiso re igho wẹn kerẹ siẹ ra mrẹ odja re mi si isọnrẹ na no.

Aizaya 20:1

Vwẹ ukpe yena rẹ onotu rẹ ofovwi rode, ri Sargọn ovie rẹ Asiria jiri, da rhe Ashdọd rhe họnrọ, ọ da reyọ,

Jerimaya 47:1

Ota rẹ Ọrovwohwo ro bru Jerimaya rẹ ọmraro na rhe kpahe ihwo ri Filistia, tavwe ri Fero ki hwe Gaza.

Izikiẹl 25:16

fiki rẹ ọtiọye na e nẹ Ọrovwohwo Ọghẹnẹ tare, Nighe, ke me riẹn obọ mẹ vwọ kpahe ihwo ri Filistia, ke me fian ihwo ri Kẹrẹt kufia, ka guọghọ erhuru rayen ri chekọ.

Joẹl 3:4

Die ovwan epha kẹ vwẹ, E Taya vi Sidọn, kugbe ubrakpọ ri Filistia ejobi? Wọ rhoma hwa osa kẹ vwẹ fiki rẹ emuọvo? Ọ da dianẹ wọ rhoma hwa osa kẹ vwẹ, ye Me cha nọ ekpẹn rẹ uruemu wẹn vwẹ uyovwi wẹn kpata kpata.

Emọs 1:7

Vwẹ ọtiọye na ke Me vwẹ erhanre torhẹ igbẹhẹ ri Gaza, kọ torhẹ ogba ọgangan rọye.

Emọs 3:9

Ghwoghwo kẹ ogba ọgangan vwẹ Asiria; ji kugbe ogba ọgangan vwẹ otọ re Ijipt, re wọ ta, ovwan ghwẹ oma rẹ koko vwẹ enu rẹ igbenu ri Sameria, re wa mrẹ edo rode rọ hẹ evun rọye, vẹ oshenyẹ rọ hẹ uherevie rọye.

Ọbe rẹ Ọmraro Ọbadaya Obadaya 1:18

Uwevwi ri Jekọp kọ dia kerẹ erhanre, uwevwi ri Jọsef kẹ ọgidi erhanre, uwevwi ri Isọ kẹ ehẹbe, ke ayen torhẹ ayen ka ghwọrọ ayen, ọ gbi che vwo ohwo ovuọvo ro ghwu chekọ vwẹ uwevwi rẹ Isọ-ọ. Kidie Ọrovwohwo na ye tarọ.

Zekaraya 13:7

Vrẹn, E ọlọkọ, vwọ kpahe osuigegede Mẹ, vwọ kpahe ohwo ro mudia kere ovwẹ na, Ọrovwohwo rẹ otuofovwi tare . Nyavwe osuigegede na, rere vwọ mrasan hra, Me cha rhẹriẹ obọ mẹ kpahe emọ rẹ igegede na.

Zekaraya 9:5

Ashekelọn cha mrẹ udu ko bro, te Gaza, kọ gbune vwe evun rẹ oja; te Ekrọn fikiridie iphiẹrohọ rọye kpoghori. Ovie che ghwu nẹ Gaza, ihwo gbe cha dia Ashekelọni-i.

Zekaraya 9:6

Ihwo ọguọgua cha dia Ashdọd, ki mi che fue eheri rẹ Filistia.

1 Samuẹl 6:17

Enana eye irubẹ rẹ oro, rẹ ihwo ri Filistia na vwo nene izobo rẹ abe kẹ Ọrovwohwo na: ọvo ọ rẹ Ashdod, ọvo ọ ri Gaza, ọvo ọ rẹ Ashkẹlọn, ọvo ọ ri Gat, ọvo ọ rẹ Ekron;