Emọs 1:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Vwẹ ọtiọye na ke Me vwẹ erhanre torhẹ igbẹhẹ ri Gaza, kọ torhẹ ogba ọgangan rọye.

Emọs 1:7 ပူးပေါင်းရင်းမြစ်များ

Ivie rẹ Ivẹ 18:8

O de hwe otu ri Filiastia re te Gaza vẹ ubrotọ rọye, nẹ asan ohẹrhẹ ra ro orere ra gba ogba yariẹ.

2 Ikun rẹ Ivie 26:6

Ọ da yanran ra họnre ihwo ri Filistia, o de kporọ igbẹhẹ ri Gat she kugbe igbẹhẹ ri Jabneh kugbe igbẹhẹ rẹ Ashdọd; ọ da bọn irere phihọ ubrakpọ rẹ Ashdọd kugbe asan efa vwẹ otọ ri Filistia na.

Jerimaya 47:1

Ota rẹ Ọrovwohwo ro bru Jerimaya rẹ ọmraro na rhe kpahe ihwo ri Filistia, tavwe ri Fero ki hwe Gaza.

Jerimaya 47:5

Akpan bru Gaza rhire, Ashkẹlọn ghwọrọ nure. E umuku ri chekọ vwẹ ihwo rẹ Anak, Mavọ we bru omobọ rẹ ovwan krite?

Izikiẹl 30:8

Etiyin ayen ke riẹn nẹ mẹvwẹ Ọrovwohwo na, ọke ri mi de duvwu erhanre phihọ Ijipt, ichuko rọye ejobi ka guọghọ ayen.

Izikiẹl 39:6

Ki mi duvwu erhanre phihọ Magọg kugbe ayen otu rẹ oma furu vwẹ obo erhuru na; ke ayen cha riẹn nẹ mẹvwẹ hẹ Ọrovwohwo na.

Emọs 1:4

Vwe ọtiọye na mi che phi erhanre phihọ uwevwi ri Haziẹl. kọ cha torhẹ ogba ọgangan ri Bẹnhadad.

Emọs 1:6

E nẹ Ọrovwohwo na tare. Fiki rẹ ogbeku erha ri Gaza, ji kugbe ẹne, Me gbe sa rhan unu rẹ ehwe na-a fikiridie ayen mu ihwo na ejobi kpo imu a da vwẹ ayen kpo Idọm.

Emọs 1:8

Ki mi bru ihwo re dia Ashdọd kufia, kugbe ohwo rọ rẹ uvie vwẹ Ashkẹlọn, ki mi gbekpae Ekrọn; umuku rọ chekọ vwi Filistia ko ghwu kufia, Ọrovwohwo Ọghẹnẹ na tarọ.

Zẹfanaya 2:4

Kidie a cha kua nẹ Gaza, Ashkẹlọn ko che hirhe phihọ otọ ofefe Ka djẹ ihwo rẹ Ashdọd kufia vwẹ oghẹruvo ke che ghwie Ekrọn nẹ otọ.

Ọbe ri Pọl si rhe Ihwo ri Rom 12:19

Imoni mẹ, wa reihri-i, ẹkẹvuọvo jovwo kẹ ophu rẹ Ọghẹnẹ; kidie e siro nẹ, Ihriẹriọ ọ mẹ, mẹvwẹ re hwa osa, eriyin Ọrovwohwo tare.

Urhi Rivẹ 32:35

Ihri ẹriọ ọmẹ mẹvwẹ re hwa osa ọke rẹ owọ rayen da ghworiẹ kidie ẹdẹ rẹ okpetu rayen sikẹre re, ughwu rayen cha kpregede.