Emọs 1:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Me cha guọghọ ogba ri Damaskọs, ki mi bru ihwo re dia Iyara rẹ Aven no kugbe ohwo rọ re uvie vwi Bẹnẹden; ihwo ri Siria ki kpo imu vwi kir, Ọrovwohwo na tarọ.

Emọs 1:5 ပူးပေါင်းရင်းမြစ်များ

Ivie rẹ Ivẹ 16:9

Ovie rẹ Asiria de nyo ọrọye; ovie rẹ Asiria da yanran kpo Damaskọs, ọ da kua, ọ da kua ihwo rọye kpo Kai, o de hwe Rezin.

Emọs 9:7

Ọ dianẹ wọ họhọ ihwo rẹ Etiopia kẹ vwẹ? E ihwo rẹ Izrẹl? eriyin Ọrovwohwo na tare, Ọ dia omẹvwẹ ri si Izrẹl nẹ otọ rẹ Ijipt rhe, vẹ ihwo ri Filistia nẹ Kaftọ rhe vẹ Siria nẹ Kir rhe?

Jerimaya 51:30

Egba rẹ ofovwi ri Babilọn fue ohọnre re, ayen da oma ji vwẹ ogba ọgangan rayen, ogangan rayen reri, ayen rhi hirhe phihọ eya, ẹdia rọye herọ tọrhẹ, a guọghọ itehru rọye nure.

Uvwerhe 2:9

Inurhoro rọye kporo ro otọ; Ọ ghwọre o vwirhi egba rọye ovie vẹ isun rọye hẹ ohri rẹ ẹgborho na, urhi gbe herọ-ọ. Emraro rọye gbe mrẹ emramrẹ nẹ obọ rẹ Ọrovwohwo cha-a.

Nahum 3:13

Gbe nighe otuofovwi wẹn ke họhọ eya vwẹ uherevie wẹn. Echẹ rẹ otọ wẹn na rhie phihọ ghwroro kẹ ivwighrẹ wẹn; erhanre tọrhẹ ibregba wẹn re.

Jerimaya 50:36

Ọlọkọ vwẹ enu rẹ ihwo re bọ epha, rere ayen vwọ mrasan hirhe phihọ ẹkpa! Ọlọkọ vwẹ enu rẹ egba ofovwi rọye, rere ayen vwọ mrasan ghwọrọ!

Aizaya 43:14

Enẹ Ọrovwohwo tare, Ọtan wẹn, Ọfuanfon Ọvuọvo rẹ Izrẹl na. Fiki wẹn Mi vwo ji ikọn kpo Babilọn ve vwirhi egbẹ rẹ itehru rayen, unuebo rẹ ihwo ri Kaldia cha rhoma hirhe phiyọ ovie.

Aizaya 22:6

Elam ghwa ekpọ rẹ ibigẹn vẹ ekpẹrẹ kugbe ihwo re gua iyesi, Kir da guọnọ ekpọfia na phia.

Izikiẹl 27:23

Haran, Kannẹh, Idẹn, Asshọr, kugbe Shilmad vẹ owẹ chueki.

Ivie rẹ Ivẹ 14:28

Asakiephana iruo ri chekọ ri Jeroboam vẹ obo ro ruru ejobi, vẹ ẹgba rọye, vẹ obo rẹ ọ họnre te, vẹ obo rọ mie Juda Damasikọs vẹ Hamat vwọ kẹ Izrẹl, e rhe si ayen phihọ Ọbe rẹ Ikun rẹ Ivie rẹ Izrẹl?

Aizaya 8:4

kidie tavwe re ọmọ na kẹ riẹn obo re se Ọsẹ mẹ eyẹ Oni mẹ, efe ri Damaskọs vẹ eyere ri Sameria ejobi ka cha kua ayen yanran vwọ rhe ovie rẹ Asiria.

Izikiẹl 30:17

Ighele re On vẹ Pibẹsẹt ka vwẹ ọlọkọ nyavwe ayen hwe, ke mu eya na ighuvwu.

Hosia 10:8

Asan ro kpenu vwi Avẹn, umwemwu rẹ Izrẹl, ka guọgho. Inwe vẹ idjigbẹ ke djẹ vwẹ enu rẹ egbada rayen; kẹ ayen ta kẹ igbenu na, Rhurhu avwanre; kẹ imigbenu na she nyẹ avwanre.

Emọs 5:5

ẹkẹvuọvo wọ guọnọ Bẹtẹ-ẹl, wọ vwẹriẹ Gilga-al yere wọ samue kpo Bieshibaa; uyota e che mu Gilgal kpo imu, Bẹtẹl che hirhe phihọ odiodi.