Emọs 1:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ọ da ta: Ọrovwohwo na do ni Zayọn rhe, Ọ da ta ota ni Jerusalẹm rhe, egbri re isuigodẹ na muoma phihọ, enu ri ugbenu ri Kamẹl vwiori.

Emọs 1:2 ပူးပေါင်းရင်းမြစ်များ

Une rẹ Ejiro 29:4

Urhuru re Ọrovwohwo ọ vẹ ogangan urhuru rẹ Ọrovwohwo ọ vọnre vẹ ọrho.

Une rẹ Ejiro 46:6

Ẹgborho na ra họnra, uvie na ghwẹre ọ ta ota, akpọ na ejobi da wran re.

Isẹ 20:2

Irhivwẹ rẹ ophu rẹ ovie deri ọ họhọ eguango rẹ okpohrokpo; ohwo rọ kpare ophu rọye ọ vwẹ arhọ rọye hwa osa.

Aizaya 33:9

Otọ na muomahọ ọ rọ brenu, Lẹbanọn a harherọ ọ fa che re, Sharọn ko họhọ atọn; Eashan kugbe Kamẹl io tue ẹbe fia

Aizaya 35:2

kọ cha ghwẹ ẹbe phihọ gbidigbidi, oma kọ vwerhọn vẹ aghọghọ kugbe ine ẹsuọ. Urinrin ri Lebanọn ka cha vwọ kẹ, orhuarho ri Kamẹl kugbe Sharọn. Kẹ ayen cha mrẹ urinrin rẹ Ọrovwohwo na, orhuarho rẹ Ọghẹnẹ rẹ avwanre na.

Aizaya 42:13

Ọrovwohwo yan phia kerẹ ọgba, kerẹ ohwo rẹ ofovwi rẹ ophu kpare, ọ viẹ phia, o kperi phia, ọ vwẹ ẹgba rọye phia gangan kẹ ivwighrẹ rọye.

Jerimaya 12:4

Mavo otọ na muoma phihọ krite, rẹ ẹbe rẹ aghwa na vwioro krite? fiki rẹ umwemwu rẹ otu re dia evun rọye, tẹ eranvwe vẹ emephran e hwerhe ayen kufia kidie ihwo tare nẹ, Ọ sa mrẹ oba rẹ avwanre-e.

Jerimaya 14:2

Juda muomahọ Anurhoro rọye re brenu, ihwo rọye ra viẹ vwẹ otọ na, oviẹ ri Jerusalẹm mu kpenu

Jerimaya 25:30

Vwẹ ọtiọye na, wọ me mraro rẹ eta nana kpahe ayen, wọ ta kẹ ayen nẹ: Ọrovwohwo cha van nẹ enu cha, O che do urhuru nẹ ẹdia ọfuanfon rọye rhe; Ọ cha van gangan kpahe igegede rọye kperi, kere ihwo ri chiyi edi, kpahe ihwo re dia akpọ na ejobi.

Jerimaya 28:8

Emraro re karo kẹ wẹ vẹ ovwẹ nẹ ọke awanre rhe mraro buebu rẹ ofovwi, vẹ owẹvwe kugbe ọtiekọ kpahe irhọ buebu je vwọ kpahe ivie ride na.

Jerimaya 50:19

Me cha reyọ Izrẹl rhivwi kpo egbri roye. Ọ cha re vwẹ enu ri Kamẹl vẹ evun ri Bashan, obo rọ guọnọre kọ cha vọn evun vwẹ enu rẹ igbenu itete rẹ Ifrem vi Giliad.

Hosia 11:10

Ayen che nene Ọrovwohwo, ko che kperi kerẹ okpohrokpo, e, o che kperi, emọ rọye ki che nẹ obuko ọnre rhe vẹ ophariẹ;

Hosia 13:8

Mi che pho mu ayen kerẹ edjanakpo re mie emọ, ke me chẹghẹ udu rayen rhie phihọ, kẹ etiyin me da re ayen nu kerẹ okpohrokpo, kirobo rẹ eranvwe rọ djọma chẹghẹ ayen.

Joẹl 1:19

Wẹ, E Ọrovwohwo, Me viẹ se. Kidie erhanre rhe torhẹ egbri rọ hẹ evun rẹ aghwa, erhanre mu la ro irhe re hẹ evun rẹ aghwa ejobi.

Joẹl 2:11

Ọrovwohwo na da kpare urhuru rọye kẹ unuofovwi na, kidie otu rọye pha buebu gbidi; ọ rọ ta ota na pha gangan. Kidie ẹdẹ rẹ Ọrovwohwo na pha rhuarho o mu oshọ gangan; kono ri se dede?

Joẹl 3:16

Ọrovwohwo de do nẹ Zayọn rhe, urhuru rọye da mra nẹ Jerusalẹm rhe, odjuvwu vẹ akpọ na de mu kpogho Ẹkẹvuọvo Ọrovwohwo hẹ odjahọ kẹ ihwo rọye, ogba ọgangan kẹ ihwo rẹ Izrẹl.

Emọs 9:3

Owenẹ ayen sioma nu vwẹ enu rẹ ugbenu ri Kaniẹh Me je guọnọ ayen phia, owenẹ ayen sioma nu vwẹ obọtọ rẹ abadi, ki mi ji jẹ ọrọdekọ ra rhovwo ayen.

Nahum 1:4

Ọ ghwọ ku abadi ọ da kpọ yamu, ọ da nẹrhẹ irhie na ejobi kpọ yamu; Beshan kugbe Karmẹl de vwioro, ẹbe djidji ri Lebanọn ejobi fare.

1 Samuẹl 25:2

Ọshare ọvo da herọ vwi Maon, ro vwo iruo vwi Kamẹl. Ọshare na feri gangan; o vwẹ igodẹ uriori erha kugbe ẹvwe uriori. ọ ro bru ẹto rẹ igodẹ vwi Kamẹl.