Emọs 1:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Eta rẹ Emọs, rọ hẹ ohri rẹ isuigodẹ ri Tẹkoa, rọ mrẹre kpahe Izrẹl vwẹ ọke rẹ Uzaya ovie ri Juda vẹ ọke ri Jerobọam ọmọ ri Joash, ovie rẹ Izrẹl, ikpe ivẹ tavwe rẹ otọ ki kpogho.

Emọs 1:1 ပူးပေါင်းရင်းမြစ်များ

2 Samuẹl 14:2

Joab de ji ohwo kpo Tekoa ra guọnọ aye ọvo ro vwo ẹghwanre nẹ oboyi rhe, ọ da ta kẹ, Ru kerẹ ohwo ro vwerẹ uvweri, wo ku ewun rẹ uvweri phihọ, wọ vwẹ evwri ghworo oma wẹ-ẹn, ru kerẹ aye ro vwerẹ ohwo ro ghwu krire;

1 Ivie 19:19

Ọtiọye o de vrẹn nẹ etiyin, ọ da mrẹ Ilaesha rẹ ọmọ ri Shafat, rọ vwẹ ekru rẹ irhuẹn ihwivẹ voro ivoro, ọ vẹ ekru rẹ ọ rihwivẹ na ri gbe mudia kẹrẹ oma. Ilaija da wanvrẹn o de phi okpan rọye na yan.

Ivie rẹ Ivẹ 14:21

Ihwo ri Juda ejobi da reyọ Azaraya, rọ hẹ ẹgbukpe ihwe gbẹ esan vwo mu ovie vwẹ ẹdia rẹ Amazaya ọsẹ rọye.

Ivie rẹ Ivẹ 14:23

Vwẹ ukpe ihwe gbẹ iyori rẹ Amazaya ọmọ ri Joash, ovie ri Juda, Jeroboam ọmọ ri Joash, ovie rẹ Izrẹl de mu phihọ ẹriọ vwi Sameria, ọ da re ikpe ujuvẹ.

2 Ikun rẹ Ivie 11:6

Ọ da bọn Bẹtlẹhẹm, Etam, Tekoa,

2 Ikun rẹ Ivie 20:20

Ayen de vrẹn vwẹ irhiọke ride ayen da yanran kpo aton ri Tekoa; rẹ ayen vwọ yanran re, Jehoshafat de mudia ọ da ta, Nyo vwe, Juda kugbe ihwo ri Jerusalẹm! Se Ọrovwohwo Ọghẹnẹ wẹn gbuyota, kọ vwẹ owọ wẹn muotọ; se emraro rọye gbuyota, ku wọ kparobọ.

Ẹyano 3:1

Asakiephana Mosis kọ sẹro rẹ uchuru rẹ Jẹtro ọgọ rọyen, orherẹn rẹ Midian; o de sun uchuru na kpo eghara rẹ aton na, o de rhi te Horẹb, ugbenu rẹ Ọghẹnẹ,

Aizaya 1:1

Aroẹmre rẹ Aizaya ọmọ ri Amọz, rọ mrẹre kpahe Juda vi Jerusalẹm vwe ọke re Uzaya, Jotam, Ehaz kugbe Hẹzikaya, ivie ri Juda.

Jerimaya 1:1

Eta ri Jerimaya, ọmọ ri Hilkaya, ọ rẹ irherẹn rẹ Anatot vwẹ otọ ri Bẹnjamin,

Jerimaya 28:8

Emraro re karo kẹ wẹ vẹ ovwẹ nẹ ọke awanre rhe mraro buebu rẹ ofovwi, vẹ owẹvwe kugbe ọtiekọ kpahe irhọ buebu je vwọ kpahe ivie ride na.

Jerimaya 6:1

Djẹ kẹ arhọ wẹn, E ovwan ihwo ri Bẹnjamin, nẹ uherevie ri Jerusalẹm! Hworo ọgban vwi Tekoa, dje oka phia vwi Betakcherem; kidie umiovwo re ghwie nẹ obohwẹre ọnre cha, kugbe eghwọrọ rode.

Jerimaya 7:27

Eriyin na gba ta eta nana kẹ ayen, yẹ ayen cha kerhọn wẹ-ẹ. Wo che se ayen, ye ayen cha kpahe kẹ wẹ-ẹ.

Hosia 1:1

Ota rẹ Ọrovwohwo de bru Hosia rẹ ọmọ ri Beri rhe, vwẹ ọke rẹ Uzzia, Jotam, Ehaz kugbe Hẹzikaya, ivie ri Juda, kugbe ọke ri Jeroboam rẹ ọmọ ri Joash, ovie rẹ Izrẹl.

Emọs 7:14

Etiyin Emọs da kpahe kẹ Amazaya, Me dia ọmraro-o, yẹrẹ ọmọ rẹ ọmraro-o, ẹkẹvuọvo uchuru mi churẹ vẹ ohwo rọ vwẹ ẹro te irhe ri sikamọ,

Maika 1:1

Ota rẹ Ọrovwohwo na ro bru Maika rhe ohwo ri Moreshet vwẹ ọke ri Jotam, Ahaz, kugbe Hẹzikaya, ivie ri Juda, rọ mrẹre kpahe Sameria kugbe Jerusalẹm.

Zekaraya 14:5

Iyara rẹ igbenu Mẹ ki gbe, kidie iyara rẹ igbenu ki te akakọ rọye, wa cha djẹ kirobo rẹ ovwan djẹre vwẹ ọke re otọ vwo kpogho vwẹ ọke rẹ Uzzaya vwọ he ovie ri Juda. Etiyin Ọrovwohwo Ọghẹnẹ kọ cha rhe, otu efuanfon na ejobi ki tue nene rhe.

Matiu 4:18

Rọ vwọ yan vwẹ orhoma rẹ abadi ri Galili, ọ da mrẹ iniovo ivẹ, Saimọn re se Pita, kugbe Andru rẹ oniọvo rọye ri phiẹ obriki vwẹ evun rẹ abadi, kidie ayen ihwiyeri.

1 Kọrẹnt 1:27

ẹkẹvuọvo Ọghẹnẹ jẹ otu rẹ akpọ se ọvwugheghẹ na reyọ rere ọ vwọ phọphọ ọvwẹghwanre, Ọghẹnẹ jẹ obo rẹ akpọ se ọvwiẹre reyọ rere ọ vwọ phọphọ otu re ganre.