Ẹfesọs 6:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Eviẹn, we mu ọghọ kẹ ihwo re dẹ ovwan vwẹ akpọ na, vẹ ophariẹ vẹ oshọ, kugbe evun ọvo, kirobo ru we ru kẹ Kristi;

Ẹfesọs 6:5 ပူးပေါင်းရင်းမြစ်များ

Jẹnẹsis 16:9

Amakashe rẹ Ọrovwohwo na da ta kẹ, Rhivwi bru onini wẹn, ru wọ vwẹ oma kpotọ kẹ.

1 Ikun rẹ Ivie 29:17

Me riẹnre Ọghẹnẹ mẹ, nẹ wẹwẹ re davwẹ udu nẹ, Wo vwo omavwerhe kpahe ọsoso; vwẹ ọsoso rẹ udu mẹ mi vwo siobọ nẹ ekuakua nana ejobi kẹ wẹ, vwẹ asakiephana me mrẹ ihwo wẹn, re gba vwẹ etine na, ri siobọ nu vẹ aghọghọ kẹ wẹ.

Une rẹ Ejiro 123:2

Nighe, kirobo rẹ ẹro rẹ idibo nẹ obọ rẹ onini rayen, kirobo rẹ ẹro rẹ ọmọtukoli nẹ obọ rẹ inene rọye, Ọtiọye ẹro rẹ avwanre nẹ Ọrovwohwo Ọghẹnẹ rẹ avwanre, bẹsiẹ ro vwo ni aruẹdọ rẹ avwanre.

Une rẹ Ejiro 86:11

yono uvwe idjerhe wẹn, E Ọrovwohwo, rere me yan phihọ uyota wẹn; ku udu mẹ gbe rọ vwo djẹ oshọ wẹn.

Malakae 1:6

Ọmọ mu ọghọ kẹ ọse rọye, odibo mi rhe mu ọghọ kẹ onini rọye. Me da dia ọsẹ, kẹ ọghọ mẹ rhọ? Me da rha dia onini, kẹ oshọẹdjẹ mẹ rhọ? eriyin Ọrovwohwo rẹ ọgba rẹ ofovwi na ta kẹ wẹ, E irherẹn, re jẹ odẹ mẹ fia na? Wọ rọ ta nẹ, idjerhe vọ ma vwọ jẹ odẹ wẹn fia?

Matiu 6:22

Urhukpe rẹ oma na ọye ẹro; ẹro wẹn da dia ọkpokpọ, oma wẹn ejobi ko vọn vẹ orẹmrẹ.

Matiu 6:24

Ohwo sa ga inini ivẹ-ẹ, ọ da dia ọtiọye kọ dia avwebọ kẹ ọvo, ọ me rha dia avwiorọvwe kẹ ọrivẹ; eyẹ ko si kẹre ọvo ko sheri kẹ ọrivẹ; Wọ sa ga Ọghẹnẹ vẹ ẹdjọ kugbe-e.

Matiu 8:9

Kidie mẹvwẹ onotu rode, mi ki ji vwo ihwo buebu re me ghwẹ kpo ofovwi; me da ta kẹ ọna nẹ, yanran, ọ me ghene yanran, mọ, ọ me yanrhe: ta kẹ ọviẹ mẹ, ru ọna, o mi ghine ruo.

Iruo rẹ Iyinkọn na 2:46

Kẹdẹ kẹdẹ kọye ayen vwo koko vwẹ uwevwi rẹ ega kugbe ọre kugbe vwẹ iwevwi rayen, re ayen vwọ ria emu vẹ aghọghọ vẹ udu esiri.

Ọbe ri Pọl si rhe Ihwo ri Rom 9:3

Kidie me tobo guọnọ nẹ a harhe ovwẹ ekan re a hẹriẹ ovwẹ nẹ oma ri Kristi fiki rẹ imoni mẹ, ihwo mẹ Izrẹl.

1 Kọrẹnt 2:3

Me vẹ ovwan da dia vwẹ ovwiẹrẹ kugbe oshọ rode kugbe ẹphariẹ.

1 Kọrẹnt 7:22

Kidie ohwo re seri vwẹ odẹ rẹ Ọrovwohwo vwẹ ọke rẹ ọ vwọ hẹ ọviẹn yẹ ọmuvwiẹ rẹ Ọrovwohwo ọ epha. Ọtiọye na ohwo rọ hẹ ọmuvwiẹ jovwo vwẹ ọke re vwo se yẹ ọviẹn ri Kristi ọ epha.

2 Kọrẹnt 1:12

Kidie eyan rẹ avwanre kẹ ọna, iseri rẹ udu rẹ avwanre nẹ evun rẹ avwanre pha fuanfon vwẹ akpọ na, ọtiọye avwanie je fon evun kpahe ovwan, vẹ ẹfuọn kugbe uruemu esiri, ọ dianẹ kẹ aghwanre rẹ akpọ na-a ẹkẹvuọvo vwẹ ẹserọphẹ rẹ Ọghẹnẹ.

2 Kọrẹnt 7:15

Iroro rọye ejobi kẹ ovwan ọ epha, rọ da karohọ ọghọ rẹ ovwan ejobi vwori, kugbe ọshọ vẹ ophariẹ ovwan vwo dede.

Ẹfesọs 5:22

Eya na, wa vwẹ oma kpotọ kẹ eshare rẹ ovwan, kirobo ra vwẹ oma kpotọ kẹ Ọrovwohwo.

Ẹfesọs 6:24

Ẹserọphẹ dia kẹ ayen ejobi re guọnọ Ọrovwavwanre Jesu Kristi vẹ ẹguọnọ ro je ghwo.

Filipae 2:12

Vwẹ ọtiọye na, imoni mẹ, kirobo rẹ ovwan mu ọghọ jovwo na, ọtiọye asakiephana, ọ dia irharo mẹ ọvo-o ẹkẹvuọvo ji te obuko mẹ rhe, ovwan gba vwẹ oshọ vẹ ophariẹ vwọ wian owian rẹ esivwo rẹ ovwan phia;

Filimọn 1:16

ọ gbe dia ọviẹn ọfa-a, ẹkẹvuọvo kọ rho nọ ọviẹn, oniọvo rọ ghare kẹ vwẹ, rọ je ghare kẹ wẹ gangan kerẹ ugbeyan vẹ oniọvo vwi Kristi.

Joshua 24:14

Asakiephana wa gba djẹ oshọ rẹ Ọrovwohwo, wa vwẹ evun esiri kugbe uyota vwọ ga, siobọ nẹ edjọ rẹ esẹ rẹ ovwan gọre vwẹ obo ovrẹn rẹ Urhie na, kugbe Ijipt, re wa ga Ọrovwohwo na.

1 Pita 3:2

siẹ rẹ ayen da mrẹ eyere esiri rẹ ovwan kugbe ọfanrhiẹ rẹ ovwan sioma nu.