Ẹfesọs 5:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ (Kidie emamọ rẹ urhukpẹ vwenẹ a mrẹ vwẹ evun rẹ obo ri yoma ejobi kugbe obo re gbare kugbe uyota);

Ẹfesọs 5:9 ပူးပေါင်းရင်းမြစ်များ

Matiu 3:8

Ovwan vwẹ uruemu ọkpokpọ rẹ ekuorhẹriẹ phia,

Iyẹnrẹ Esiri ri Jọn 1:47

Jesu vwọ mrẹ Nataniẹl ro bro cha, ọ da ta kẹ, Nighe, ohwo rẹ Izrẹl rẹ uyota, ra mrẹ abe vwẹ obọ rọye-e!

Ọbe ri Pọl si rhe Ihwo ri Rom 15:14

Imoni mẹ, o mu vwe ẹro nẹ, ovwan vọnre vẹ uruemu esiri buebu, nẹ ovwan je vọn vẹ erianriẹn, rẹ ovwan vwo se yono ohwohwo.

Ọbe ri Pọl si rhe Ihwo ri Rom 2:4

Gbinẹ ovwan di roro arodọvwẹ rẹ Ọghẹnẹ vẹ akoechiro rọye kugbe odiri rọye phapharhe? Wa rha karohọ nẹ arodọvwẹ rọye herọ re ovwan vwo kurhẹriẹ.

Ẹfesọs 4:15

Kpe rọ yena, ta uyota na vwẹ ẹguọnọ, avwanre ke rho bro ra vwẹ idjerhe kidjerhe re te ohwo na rọ hẹ uyovwi na, re te Kristi.

Ẹfesọs 4:25

Fiki rẹ ọtiọye na, we de siobọ nẹ efian ẹvwọrọn nu, e gbe jẹn ohwo ọvuọvo ta uyota kẹ ọrivẹ rọye, kidie avwanre ejobi oma ọvo.

Ẹfesọs 6:14

Mudia koi, vwe uyota na chobiẹ ehun, vwẹ ọghan rẹ ovwata mu arhare,

Filipae 1:11

rere ovwan da rhe vọn vẹ emamọ rẹ ovwata rọ wan oma ri Jesu Kristi rhe, vwọ kẹ urinrin vẹ ejiro rẹ Ọghẹnẹ.

Kolose 3:18

Eya ri kpo orọvwe wa vwẹ oma kpotọ kẹ eshare rẹ ovwan, kirobo ro fori kẹ Ọrovwohwo.

1 Timoti 6:11

Ẹkẹvuọvo wẹ, E ohwo rẹ Ọghẹnẹ, sioma nẹ emu nana ejobi; nene ọvwata, uruemu esiri, esegbuyota, ẹguọnọ, erhiori, dẹndẹn.

Hibru 1:8

Ẹkẹvuọvo vwọ kpahe Ọmọ na ọ da ta, Ekete wẹn, E Ọghẹnẹ, ọ dia bẹdẹ bẹdẹ, ọkpọ rẹ ovwata na ọye hẹ ọkpọ rẹ uvie wẹn.

Hibru 11:33

ihwo re wan esegbuyota phi uvie kparobọ, ri brorhiẹ rẹ ọsoso, re ve ive na kẹ, re gba unu rẹ ikpohrokpo,

1 Jọn 2:29

Ọ da dianẹ ovwan riẹnre nẹ ọvwata o ruẹ, gbe jo mu ovwan ẹro nẹ kohwo kohwo rọ dia ọvwata ejobi kẹ ọmọ rọye o ruẹ.

3 Jọn 1:11

Ọ rọ ghare, wọ vwẹ ẹro kere ohwo umwemwu-u ẹkẹvuọvo vwẹ ẹro kere ohwo esiri. Ohwo ro ru emu esiri yẹ ọye ọ rẹ Ọghẹnẹ; ohwo ro ruẹ umwemwu yọ je mrẹ Ọghẹnẹ-ẹ.