Ẹfesọs 5:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Kidie ebri ovwan epha jovwo, ẹkẹvuọvo vwẹ asakiephana ovwan kẹ urhukpẹ vwẹ evun rẹ Ọrovwohwo; wa gba yan kerẹ emọ rẹ Urhukpe.

Ẹfesọs 5:8 ပူးပေါင်းရင်းမြစ်များ

Une rẹ Ejiro 74:20

Mu ọghọ kẹ ọphọ wẹn na; kidie asan ibiebi rẹ otọ na e vọnre vẹ ẹdia rẹ ihwo ọgbarogba

Aizaya 2:5

E uwevwi ri Jekọp, yanrhe, je avwanre yan vwẹ urhukpẹ rẹ Ọrovwohwo.

Aizaya 42:16

Ki mi sun irhuẹro wan idjerhe rẹ ayen je riẹn dẹvo-o, vwe ada rẹ ayen jẹ rie-ẹn ki Mi sun ayen. Me rhẹriẹ ebri rọ hẹ obaro rayen phihọ urhukpẹ, asan chochohri ki mi ruo riẹriẹriẹ Enana keye imu ri mi che ru, Me gba cha sen aye-en.

Aizaya 49:6

ọ da ta, Emu ọphapharhe rere wọ vwọ dia odibo mẹ ra vwọ kpare uvwiẹ ri Jekọp vrẹn kugbe rere a vwọ sẹro rẹ uchekotọ rẹ Izrẹl; Me vwẹ owẹ ru urhukpẹ kẹ ẹgborho na, rere esivwo Mẹ rhi vwo te oba rẹ akpọ na.

Aizaya 49:9

rọ ta ke ihwo re he uwodi na nẹ, Yan phia, vwọ kẹ ihwo re hẹ ebri na, Vwẹ oma phia. Ayen cha re emu yan vwẹ oma re idjerhe na, vwe enu rẹ igbenu phrẹphrẹphrẹ na ejobi kẹ etiyin egbri cha dia,

Aizaya 50:10

Ono vwẹ usun rẹ ovwan na re dje oshọ rẹ Ọrovwohwo ro mu ọghọ kẹ urhuru rẹ idibo rọye, re yan vwẹ evun rẹ ebri ri vwo urhukpẹ-eẹ, dede na yẹ ayen vwẹ ẹro so odẹ rẹ Ọrovwohwo re vwẹ oma da Ọghẹnẹ rọye?

Aizaya 9:2

Ihwo re yan vwẹ evun rẹ ebri jovwo rhe mrẹ urhukpẹ rode, ihwo re dia otọ rẹ ebri hwi, ayen urhukpẹ la mu.

Jerimaya 13:16

Vwẹ urinrin kẹ Ọrovwohwo Ọghẹnẹ wẹn tavwe rọ ke vwẹ ebri rhe, tavwe rẹ awọ wẹn ke yẹghrẹn vwẹ igbenu rẹ urhukpẹ rẹ ovwọvwọn. Ri we ji vwo rhẹro rẹ uvo ọ me rhẹriẹ phihọ ebri o mi hirhe phihọ ebri rode.

Matiu 3:8

Ovwan vwẹ uruemu ọkpokpọ rẹ ekuorhẹriẹ phia,

Matiu 4:16

Ihwo ri tidia vwẹ evun rẹ ebri ayen mrẹ urhukpẹ rode, kugbe ihwo re hẹ uhoho rẹ ughwu, Arhọ ọkpokpọ de bru ayen rhe.

Iyẹnrẹ Esiri ri Luk 1:79

ro lo mu ihwo re hẹ ebri kugbe uhoho rẹ ughwu, ro sun avwanre vwẹ idjerhe rẹ ufuoma.

Iyẹnrẹ Esiri ri Luk 16:8

Onini na de jiri odibo umwemwu na fiki rẹ aghwanre rọye; kidie emọ rẹ akpọ nana vwẹ evun rẹ uvwiẹ rayen ghwanre nọ emọ rẹ urhukpẹ na.

Iyẹnrẹ Esiri ri Jọn 1:9

Urhukpẹ rẹ uyota rọ vwẹ elo kẹ ohwo kohwo rọ cha akpọ na.

Iyẹnrẹ Esiri ri Jọn 12:35

Jesu da ta kẹ ayen, Urhukpẹ na vẹ ovwan je dia kri emerha. Ovwan yan vwẹ ọke na rẹ urhukpẹ vwọ herọ na; ọ dia ọtiọye-e ebri na che muẹ ghene ovwan; ohwo rọ yan vwẹ evun rẹ ebri riẹn asan rọ ra-a.

Iyẹnrẹ Esiri ri Jọn 12:36

Ọke rẹ ovwan vwo vwo urhukpẹ na, se urhukpẹ na gbuyota, rere ovwan sa rhe vwọ dia emọ rẹ urhukpẹ. Ọke ri Jesu vwọ ta ọnana nu, ọ de vrẹn nẹ etiyin o de sioma nu kẹ ayen.

Iyẹnrẹ Esiri ri Jọn 12:46

Me rhere kerẹ urhukpẹ vwẹ evun rẹ akpọ na, rere ohwo kohwo ro se vwe gbuyota vwo jẹ ebri ẹdia.

Iyẹnrẹ Esiri ri Jọn 8:12

Jesu da rhoma ta kẹ ayen, tanẹ, Mẹvwẹ hẹ urhukpe rẹ akpọ na; ohwo ro nene uvwe ọ gbe sa yan vwẹ evun rẹ ebrii, ẹkẹvuọvo ko vwo urhukpe rẹ arhọ.

Iruo rẹ Iyinkọn na 17:30

Ọke rẹ ughẹghẹ Ọghẹnẹ vwo ku opharo fia, ẹkẹvuọvo asakiephana o de ji urhi kẹ ihwo ejobi vwi kasan kasan nẹ e kurhẹriẹ,

Iruo rẹ Iyinkọn na 26:18

Wo che rhie ẹro rayen, rere ayen kurhẹriẹ nẹ ebri kpo urhukpẹ vwo nẹ ogangan rẹ Idẹbọnọ vwo bru Ọghẹnẹ, rere ayen mrẹ evwoghovwo rẹ imwemwu kugbe ẹdia vwẹ ohri rẹ ihwo rẹ esegbuyota ru fon vwẹ evun mẹ.

Ọbe ri Pọl si rhe Ihwo ri Rom 1:21

dede nẹ ayen riẹn nẹ Ọghẹnẹ o ruẹ yẹ ayen rhe mu ọghọ kẹ kerẹ Ọghẹnẹ-ẹ eyẹ vwọ vwẹ ẹkpẹvwẹ kẹ-ẹ, ẹkẹvuọvo ayen da rhe dia ihwo aphro ghevweghe vwẹ iroro rayen, udu rẹ ẹkpa rayen na de rhi mu ebri.

Ọbe ri Pọl si rhe Ihwo ri Rom 13:12

ọke na kpo krire, ọke na che rhiere. E gbe jẹn avwanre siobọ nẹ iruo rẹ ebri na re avwanre ku ewun rẹ urhukpẹ na phihọ.

Ọbe ri Pọl si rhe Ihwo ri Rom 2:19

ro de mu uwe ẹro nẹ wẹ kẹ osun rẹ orhuẹro na, urhukpẹ kẹ otu re hẹ ebri,

1 Kọrẹnt 1:30

Ọye hẹ esiri rẹ arhọ wẹn vwẹ evun ri Kristi Jesu, ọye Ọghẹnẹ ru phihọ aghwanre rẹ avwanre, ọvwata, orufuọn kugbe ẹtanhirhe rẹ avwanre;

2 Kọrẹnt 3:18

Avwanre ejobi, re vwẹ oga rhurhu opharo-o na, ri nẹ urinrin rẹ Ọrovwohwo na, e re kuẹ avwanre rhẹriẹ kpo uhoho rọye nẹ edje rẹ urinrin ọvo ra ro ọfa; kidie ọnana nẹ obọ rẹ Ọrovwohwo na rhe rẹ ọye ọvo hẹ Erhi na.

2 Kọrẹnt 4:6

Kidie Ọghẹnẹ re tare nẹ, E jẹn urhukpẹ lo nẹ evun rẹ ebri rhe, ro lo mu udu rẹ avwanre ro vwo dje urhukpẹ rẹ erianriẹn rẹ urinrin rẹ Ọghẹnẹ vwẹ opharo ri Kristi.

2 Kọrẹnt 6:14

Ovwan vẹ ihwo ri Keferi gba-a. Didi okugbe ọvwata vẹ orukuruku vwori? Eyẹ didi okugbe urhukpẹ vẹ ebri vwori?

Galesha 5:25

Ọ da dianẹ avwanre de yeri vwẹ evun re Erhi na, gbe jẹn avwanre yan vwẹ oma rẹ Erhi na.

Ẹfesọs 2:2

rẹ ovwan ka yan phihọ, we de nene idjerhe rẹ akpọ nana, nene osun rẹ ogangan rẹ irharheghe, erhi ro ruẹ iruo vwẹ asakiephana vwẹ evun rẹ emọ ri jẹ ọghọ evwo na.

Ẹfesọs 4:18

Ayen vwo ẹruọ-ọ, ra phiẹ ghwru nẹ akpọ eyere rẹ Ọghẹnẹ fiki rẹ ugheghẹ rọ hẹ ayen oma, fiki rẹ udu ogangan rayen.

Ẹfesọs 5:2

Re wan yan vwẹ evun rẹ ẹguọnọ, kirobo ri Kristi guọnọ avwanre ro de siobọ nẹ oma rọye vwọ kẹ avwanre, vwo ze izobo ro gbo ọnrhe ororo kẹ Ọghẹnẹ.

Ẹfesọs 6:12

Ọ dianẹ ugboma vẹ ọbara a họnra na-a, ẹkẹvuọvo ikpihwo ride, ogangan ride, ihwo ride ri suẹn akpọ rẹ ebri nana, otuofovwi rẹ erhi umwemwu re hẹ obo obenu na.

Kolose 1:12

Wa mia vwẹ ekpẹvwẹ kẹ Ọsẹ na, ro ru avwanre fo ihwo re vẹ irherẹn rẹ Urhukpe na gbe koko reuku na.

Kolose 1:13

Ohwo ro si avwanre nẹ obọ rẹ ogangan rẹ ebri, o de wene avwanre vwo kpo akpọ rẹ uvie rẹ ẹguọnọ rẹ Ọmọ rọye.

Taitọs 3:3

Kidie avwanre je ka dia gheghẹ dẹvure, avwanre ji ke mu oma kpenu devure, a je phiẹn avwanre jovwo re, avwanre ji ke nenẹ avwerhe rẹ akpọ na jovwo, avwanre je ka reoma jovwo, avwanre ji ke vwo ọnko devure, avwanre ji ke tuoma rẹ ohwohwo jovwo.

1 Jọn 1:7

ẹkẹvuọvo avwanre da yan vwẹ evun rẹ urhukpẹ, kirobo rẹ ekpuyovwi rọye hẹ evun rẹ urhukpẹ na, avwanre ohwohwo ki vwo okugbe kẹ ohwohwo, ọbara ri Jesu Ọmọ rọye kọ hworhẹ avwanre nẹ umwemwu ejobi.