Ẹfesọs 5:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Jẹ ọna mu ovwan ẹro, nẹ ọvwọfanrhiẹ eyẹ ohwo ro jẹfuọn, eyẹ ovwurhuru (kọye hẹ, ọgedjọ) vwo uku ọvuọvo vwẹ uvie ri Kristi kugbe Ọghẹnẹ na-a.

Ẹfesọs 5:5 ပူးပေါင်းရင်းမြစ်များ

Ẹyano 20:17

Wo jẹ uwevwi rẹ ọrivẹ wẹn da wẹ ẹro-o; wo jẹ aye rẹ ọrivẹ wẹn da wẹ ẹro-o, yẹrẹ odibo rọye rẹ ọshare, yẹrẹ odibo rọye rẹ aye, erhuẹn rọye eyẹ ekẹtẹkẹtẹ rọye kemu kemu ro rhe ọrivẹ wẹn.

Iruo rẹ Iyinkọn na 20:32

Asakiephana mi mu ovwan phihọ obọ rẹ Ọghẹnẹ kugbe ota rẹ ẹsẹrọphẹ rọye, rọ sa kpọ ovwan vi rọ ke rha ghare uku kẹ ovwan vwẹ ohri rẹ ihwo re rufon nure na.

Iruo rẹ Iyinkọn na 8:21

Wo vwo obọ eyẹ ẹkẹn vwẹ ota nana-a, kidie udu wẹn vẹ Ọghẹnẹ shephihọ-ọ.

Galesha 5:19

Asakiephana iruo rẹ ugboma na e pha phephẹ; igberadja, ọfanrhiẹ rẹ ehware, jẹ ẹme-enyo,

Galesha 5:21

omaẹriọ, ozighẹ, idi ẹda, udu ọ gangan, kugbe uruemu efa etieye na. Ri mi bunu rẹ ayen kẹ ovwan jovwo na nẹ ohwo kohwo ro ro imu nana sa reuku rẹ uvie rẹ Ọghẹnẹ-ẹ.

Ẹfesọs 5:3

Ẹkẹvuọvo ọfaurhie kugbe oka koka rẹ ijẹfuọn ejobi eyẹ urhuru evwo e jẹn e se odẹ rọye vwẹ ohri rẹ ovwa-an, kirobo ro fori vwẹ ohri rẹ ihwo efuanfon.

Kolose 1:13

Ohwo ro si avwanre nẹ obọ rẹ ogangan rẹ ebri, o de wene avwanre vwo kpo akpọ rẹ uvie rẹ ẹguọnọ rẹ Ọmọ rọye.

Kolose 3:5

Gbe hwe urhuru sivwe ofefe rẹ akpọ na re o ghwu; igberadja, inuhu, avwerhe rẹ ugboma, ẹguọnọ ọbrabra, urhuru evwo ro hirhe oma phihọ ẹdjọ.

1 Timoti 6:10

Kidie uhinpho rẹ igho ọye ghwa okpetu na ejobi cha; urhuru sivwe nana ọye sorọ rẹ ihwo buebu vwo ghwru nẹ esegbuyota na re da vwẹ edada vẹ obi vwọ sa udu rayen.

1 Timoti 6:17

Nabo yono ayen otu ri feri vwẹ akpọ na nẹ, ayen bru ọrho-o, eyẹ ayen vwẹ ẹro so efe rọ muẹro-o ẹkẹvnọvo ayen vwẹ ẹro so Ọghẹnẹ rọ kẹ avwanre efe ro muẹ avwanre geie na.

Hibru 13:4

E jẹn emu ọghọ kẹ orọvwe vwẹ ohri rẹ ovwan ejobi, e jẹn e gbe ehwa rẹ orọvwe na ẹgua-a; kidie Ọghẹnẹ cha vwẹ ọvwọfanrhiẹ kugbe otu ri gbe igberadja guẹdjọ.

Joshua 7:21

ọke me vwọ mrẹ adagba ri Shinar oyoyovwi vwẹ ohri rẹ ekuakua na, kugbe shekẹl ujori ivẹ rẹ idọnọ, kugbe ubrogba rẹ oro rọ họhọ te shekẹl ujuvẹ gbẹ ihwe, etiyin urhuru rẹ ayen de si vwe, me da reyọ ayen; nighere, a tọn ayen phihọ otọ vwẹ evun rẹ utughẹ mẹ, vẹ idọnọ na ra vwọ ka obotọ.

Ẹvwọphia 21:8

Ẹkẹvuọvo vwọ kẹ ọvwoshọ, ọ ro jẹ esegbuyota evwo, ọ ro gbe ẹgua, vwọ kẹ ozighẹ, ovwofanrhiẹ, ọmraro, ọgọedjọ, kugbe ọvwọrọn ofian, ughwẹ rayen kẹ ẹtẹrhe rẹ erhanre da tua vẹ ibiosio rẹ erhanre na, kọye hẹ ughwu rivẹ.

Ẹvwọphia 22:15

Otu rẹ eranko na, emraro rẹ ofian, evwofanrhiẹ, izighẹ, egọedjọ, kugbe otu re vwọrọn ofian, ki che mudia otafe.