Ẹfesọs 5:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ We kuẹ ọke fia-a, fikiridie ọke na pha brabra.

Ẹfesọs 5:16 ပူးပေါင်းရင်းမြစ်များ

Jẹnẹsis 29:7

Ọ da ta, Nighe, ọke je herọ, o ji te ọke re vwo si eranvwe koko-o, jẹ igodẹ na da ame, rere wọ vwẹ ayen yanran ra re odi.

Une rẹ Ejiro 37:19

Oma sa vọ ayen vwe ọke re ukpokpogho-o, vwẹ ọke owẹvwe evun sa vọn ayen.

Aghwoghwo 11:2

Ghare ẹkẹn kẹ ihwo ighwrẹ, eyẹ ẹrenre, kidie wọ riẹn umiovwo rọ cha rhe akpọ na-a.

Aghwoghwo 12:1

Karohọ Omẹma wẹn vwẹ ọke re wọ vwọ eghene na, bẹsiẹ rẹ ẹdẹ umwemwu na che vwo te, rẹ ikpe na vwo te otọ, vwẹ ọke re wọ da cha tanẹ, Mi vwo omavwerhovwẹ vwẹ evun rẹ aye-en.

Aghwoghwo 9:10

Kemu kemu rẹ obọ wẹn se ru, vwẹ ogangan wẹn ruo; kidie ushi wọ cha ra na, o vwo iruo-o, eyẹ iroro-o eyẹ erianriẹ-ẹn eyẹ aghwanre-e.

Daniẹl 2:8

Etiyin ovie da kpahe ọ da ta, Me riẹnre nẹ ovwan di ruẹ ọke na gro, kidie wa mrẹre nẹ ota ro nẹ obọ mẹ rhe muẹro.

Emọs 5:13

Fiki rẹ ọtiọye na ohwo ro vwo ọhọ ko rhurhu unu vwẹ ọke yena; fikiridie ọye ọke umwemwu.

Matiu 25:17

Ọ rivẹ da je mrẹ erere rẹ ikpahọ ivẹ efa.

Iyẹnrẹ Esiri ri Jọn 12:35

Jesu da ta kẹ ayen, Urhukpẹ na vẹ ovwan je dia kri emerha. Ovwan yan vwẹ ọke na rẹ urhukpẹ vwọ herọ na; ọ dia ọtiọye-e ebri na che muẹ ghene ovwan; ohwo rọ yan vwẹ evun rẹ ebri riẹn asan rọ ra-a.

Ọbe ri Pọl si rhe Ihwo ri Rom 13:11

Ovwan riẹn nẹ o te ọke rẹ ovwan vwọ rhọvwọ nẹ ovwerhẹ rẹ. Kidie ọke nana esivwo rẹ ovwan vwọ kẹre nọ ọke rẹ ovwan vwo segbuyota vwẹ obọ;

1 Kọrẹnt 7:26

Mi rori nẹ fiki rẹ ukpokpogho rọ cha vwẹ obaro na o yovwiri rere ohwo vwọ dia kirobo rẹ ọ epha.

Galesha 1:4

ohwo rọ reyọ oma rọye vwo ru ẹse kẹ avwanre rere ovwo se sivwi avwanre nẹ umwemwu rẹ akpọ nana vwẹ ọtiobo ro de fo kẹ ẹserọphẹ rẹ Ọghẹnẹ rẹ ọsẹ rẹ avwanre.

Galesha 6:10

Vwẹ ọtiọye na rẹ avwanre mrẹ obọ na, e jẹn avwanre ru emu esiri kẹ ihwo ejobi, marho, kẹ ayen otu re hẹ evwruwevwi rẹ esegbuyota na.

Ẹfesọs 6:13

Vwẹ ọtiọye na gba ghwẹ ekuakua rẹ ofovwi rẹ Ọghẹnẹ phihọ, rere we vwo se mudia gan vwẹ ẹdẹ umwemwu na, we de ru enana ejobi nu, gbe mudia.

Ẹfesọs 6:15

vwẹ iyẹnrẹ esiri rẹ ufuoma na ru isabato kuhọ awọ wẹn.

Kolose 4:5

Vwẹ aghwanre nene ihwo rẹ obada yeri we kuẹ ọke fia-a.