Ẹfesọs 5:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ gba davwe wo yono obo ri je Ọrovwohwo.

Ẹfesọs 5:10 ပူးပေါင်းရင်းမြစ်များ

Une rẹ Ejiro 19:14

Gbe je eta rẹ unu mẹ kugbe umẹ rẹ udu mẹ i fo ẹreyọ vwẹ obaro wẹn E Ọrovwohwo, oragha mẹ kugbe ọ rọ tan vwẹ hirhe.

Isẹ 21:3

Re vwo ru emuesiri vẹ ọsoso o je Ọrovwohwo nọ izobo re zeri.

Aizaya 58:5

Oghẹre rẹ owẹvwe ọtiọna Me guọnọre, re ohwo vwọ vwẹ oma rọye kpotọ? Rere o vwo gbe uyovwi hẹ otọ kerẹ eyareya, rere ọ vwọ vwẹ esiso kugbe iwurhie hwa otọ? wo se ọnana owẹvwe echiro, kugbe ẹdẹ rẹ Ọrovwohwo jẹreyọ?

Jerimaya 6:20

Adjija ri nẹ Sheba bru vwe cha na die ifiri, eyẹ uhwerhe ọ miẹmiẹmiẹ rọ nẹ ogboko cha na? Izobo rẹ ẹtorhẹ wẹn na a reyọ aye-en eye izobo wẹn na je vwe-e.

Ọbe ri Pọl si rhe Ihwo ri Rom 14:18

Kidie ohwo rọ nabọ vwẹ oma kpotọ ga Kristi uruemu rọye ko jẹ Ọghẹnẹ ihwo rẹ akpọ ki ji jiro.

Filipae 1:10

rere ovwan vwo vugbe obo ri yovwiri, rere ovwan fon vwo jẹ abe ẹriọ vwẹ ẹdẹ ri Kristi da rhe,

Filipae 4:18

A hwa osa gba kẹ vwẹ, a tobọ hwa kpahe; evun vọn vwẹ, ọko re wa phare kẹ Epafroditọs vwo rhe vwe te vwe obọ, ọko ro gbo ọnrhe ororo, iye ro miere ro je Ọghẹnẹ.

Kolose 1:10

Rere eyere rẹ ovwan vwo se fo kẹ Ọrovwohwo, re uruemu rẹ ovwan ejobi vwo se je rere ovwan vwo ru iruo esiri phia kugbe rere erianriẹn rẹ Ọghẹnẹ rẹ ovwan vwo bu.

1 Tẹsalonaika 5:21

Davwe emu kemu ejobi ni; churu obọ mu obo ri yovwiri,

1 Timoti 2:3

Ọnana hẹ obo ri yovwiri, ro fo ẹreyọ vwẹ obaro rẹ Ọghẹnẹ Ọsivwi rẹ avwanre,

1 Timoti 5:4

Ọ da dianẹ ayeuku de vwiẹ emọ eyẹ ivwrọmọ, e jẹn ayen ke yono iruo rẹ egagọ na tavwe re ayen ga esẹ vẹ ini rayen re ayen bwa osa rẹ ẹghẹrẹ rayen kẹ ayen; kidie ona ri fo ẹreyọ vwẹ obaro rẹ Ọghẹnẹ.

Hibru 12:28

Vwẹ ọtiọye na e gbe jẹn avwanre kpẹvwẹ rẹ avwanre vwo vwo uvie ro je kpogho, kẹ avwanre ga omamọ rẹ egagọ ro fo ẹreyọ kẹ Ọghẹnẹ, vẹ etete kugbe udidi; kidie Ọghẹnẹ rẹ avwanre na hẹ erhanre rọ ghwọrọ.

1 Pita 2:20

Die ri te ohwo vwọ, vwẹ ọke rẹ ovwan de ruchọ re de hwe ovwan vwi fiki rọye rẹ ovwan de chiro? Ẹkẹvuọvo ọ da dianẹ ovwan ru obo ri yovwiri rẹ ovwan da reoja fiki rọye re de chirọ, ọye hẹ obo rẹ Ọghẹnẹ guọnọre.

1 Pita 2:5

Ekpuyovwi rẹ ovwan ke họhọ eragha ri jeghwo ra vwọ họn uwevwi rẹ erhi, uvwie rẹ irherẹn fuanfon, re gọ iye rẹ erhi rẹ Ọghẹnẹ miere vwẹ oma ri Jesu Kristi.

1 Samuẹl 17:39

Devid da vwẹ ọlọkọ rọye yan oma rọye, ọ tanẹ yan ki gbigbirigbi, kidie o ji ku ayen phihọ dẹvo-o. Etiyin Devid da ta kẹ Sọl, Me sa vwe enana ya-an kidie me je ghwa ayen dẹvo-o, Devid de ku ayen nu.