Ẹfesọs 5:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Vwẹ ọtiọye na ovwan gba vwẹ ẹro kere Ọghẹnẹ, kerẹ emọ re ghare.

Ẹfesọs 5:1 ပူးပေါင်းရင်းမြစ်များ

Jerimaya 31:20

Ifrem ọmọ ọghaghare mẹ na? Ọmọ rọ je vwe o ruẹ? Kidie ọke kọke me da ta ota kpahọ ejobi ye me je karọ phihọ Eriyin na udu mẹ kọ viẹ kpahọ; omuẹro mi che ni aruẹdọ roye, eriyin Ọrovwohwo tare.

Hosia 1:10

Ihwo rẹ Izrẹl cha dia kerẹ ehavwo rẹ urhie ra sa vwavwe-e eyẹ e se keri-i, vwẹ asan rẹ a da ta kẹ ayen nẹ, Ovwan dia ihwo mẹ-ẹ, ka je ta kẹ ayen nẹ, Ovwan emọ rẹ Ọghẹnẹ ri bẹdẹ na.

Livitikọs 11:45

Kidie Mẹvwẹ Ọrovwohwo rọ reyọ ovwan nẹ otọ rẹ Ijipt rhe, rọ dia Ọghẹnẹ rẹ ovwan; vwẹ ọtiọye na ovwan ke dia fuanfon kidie Me pha fuanfon.

Matiu 5:45

ke se ovwan emọ rẹ ọsẹ rọ hẹ ọbo odjuvwu, kidie uvo rọye muẹ ọbo vẹ ogbori, osio rọye hwe ọvwata vẹ oruimwemwu.

Matiu 5:48

Ọtiọye na ovwan gba fon kirobo rẹ Ọsẹ rẹ ovwan rọ hẹ obo odjuvwu fonro na.

Iyẹnrẹ Esiri ri Jọn 1:12

Ẹkẹvuọvo vwọ kẹ ihwo re reyerọ ejobi, ri se odẹ rọye gbuyota, ọ kẹ ayen ogangan rere ayen rhe vwọ dia emọ rẹ Ọghẹnẹ.

Ẹfesọs 4:32

Ni arodọvwẹ kẹ ohwohwo, we siẹ ohwo aro-o, vwo ghovwo ohwohwo, kirobo rẹ Ọghẹnẹ wan oma ri Kristi vwo ghovwo ovwan.

Filipae 2:15

rere we vwo jẹ abe ẹriọ rere we vwo jẹ ẹgua evwo, emọ rẹ Ọghẹnẹ ri vwo eka-an vwẹ uherevie rẹ uvwiẹ ogugunu chọchọ na, ohri rẹ ayen ovwan da la kerẹ urhukpẹ vwẹ akpọ na,

Kolose 3:12

Ovwan gba vwẹ uruemu esiri rhuo oma riariẹ kerẹ ikru rẹ Ọghẹnẹ re fonro re nabọ ghare, vẹ udu ọlọlọhọ rọ vọnre vẹ aruẹdon, oma evwo kpotọ, ufuefu kugbe odiri.

1 Jọn 4:11

Imoni re ghare, ọ da dianẹ Ọghẹnẹ guọnọ avwanre te ọtiọye, avwanre ke je guọnọ ohwohwo rhe.