Ẹfesọs 4:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ (Ra vwọ ta nẹ, O yeri kpenu, kidie ọ rha epha rha nọ nẹ o ke wotọ kpo orho rẹ igbephẹre?

Ẹfesọs 4:9 ပူးပေါင်းရင်းမြစ်များ

Jẹnẹsis 11:5

Ọrovwohwo de wotọ rhe mrẹ orere na kugbe uwevwi rẹ enu na, rẹ emọ rẹ ihwo rẹ akpọ bọnre na.

Une rẹ Ejiro 139:15

esuanson mẹ ejobi si oma nu kẹ wẹ-ẹ, ọke ra vwọ ma vwẹ vwẹ odjahọ, ra ghẹnghẹn phihọ vwẹ obọ okokodo rẹ akpọ na.

Une rẹ Ejiro 63:9

Ẹkẹvuọvo ayen otu re guọnọ arhọ mẹ ghwọrọ cha yanran kpo obo ekpẹn rẹ akpọ na;

Une rẹ Ejiro 8:5

Dede na wọ marọ kpotọ emerha nọ Ọghẹnẹ, wọ da vwẹ erhu rẹ urinrm vẹ ọghọ vwo tughẹ.

Ẹyano 19:20

Ọrovwohwo de wotọ rhe enu rẹ Ugbenu ri Sinae, O de se Mosis kpenu rẹ ugbenu na, Mosis de yeri kpenu bro ra.

Isẹ 30:4

Ono ri yeri kpo obo odjuvwu ro de wotọ rhire? Ono ri mu ọdju phihọ obọ rhurhu? Ono re phare ame phihọ ewun rọye? Ono mu etan re akpọ na vi? Mavọ e se odẹ rọye, didi odẹ rẹ ọmọ rọye? Uyota wọ riẹnrẹ!

Aizaya 44:23

So ine, E idjuvwu, kidie Ọrovwohwo ruro nure; kperi, E ovwan ikokodo rẹ akpọ na, van so ine, E igbenu na, E egbo, kugbe urhe kurhe rọ herọ! Kidie Ọrovwohwo tan Jekọp nure, ka vwẹ urinrin kẹ vwẹ Izrẹl.

Izikiẹl 31:14

Enana ejobi ke dia ọtiọye rere urhe ọvuọvo rọ dia kẹrẹ asan ame vwo je gro kpenu phene phene eyẹ obenu rayen jẹ ikoro na eduvwo, rere urhe kurhe rọ da ame na vwo jẹ obenu phene phene e te, kidie a vwẹ ayen ejobi vwo ze kẹ ughwu, vwo kpo obo orho rẹ erivwi vwẹ ohri rẹ ihwo ighwe-ghwu, vwo kugbe ayen ihwo ri kpo obo Ukpotọ na.

Matiu 12:40

Kirobo ri Jona dia evun rẹ eri ẹdẹ erha na, ọtiọye Ọmọ rẹ ohwo cha dia ẹdẹ erha vwẹ evun rẹ otọ.

Iyẹnrẹ Esiri ri Jọn 20:17

Jesu da ta kẹ, Wọ yọnrọn ovwẹ-ẹ, kidiẹ mi ji yeri bru Ọsẹ na-a; ẹkẹvuọvo yanran bru imoni mẹ re wọ ta kẹ ayen, Mi yerẹ bru Ọsẹ mẹ kugbe Ọsẹ rẹ ovwan, Ọghẹnẹ mẹ kugbe Ọghẹnẹ rẹ ovwan.

Iyẹnrẹ Esiri ri Jọn 3:13

Ohwo ọvuọvo ji yeri kpo obo odjuvwu dẹvo-o ẹkẹvuọvo ọ ro wotọ nẹ obo odjuvwu rhe na, ọye hẹ Ọmọ rẹ ohwo na.

Iyẹnrẹ Esiri ri Jọn 6:33

Kidie ikara rẹ Ọghẹnẹ na hẹ ohwo rọ nẹ obo odjuvwu rhe, ọ da vwẹ arhọ kẹ akpọ na.

Iyẹnrẹ Esiri ri Jọn 6:38

Kidie mi nẹ obo odjuvwu rhe, rhi ru ọhọre mẹ-ẹ, ẹkẹvuọvo ọhọre rẹ ọ ro ji vwe rhe;

Iyẹnrẹ Esiri ri Jọn 6:41

Ihwo ri Ju na ki guo, fikiridie ọ tare, Mẹvwẹ hẹ ikara ro nẹ obo odjuvwu rhe.

Iyẹnrẹ Esiri ri Jọn 6:51

Mẹvwẹ hẹ Ikara ro je ghwo na ro nẹ obo odjuvwu rhe na; ohwo da re ikara nana nu, kọ rhọ bẹdẹ; ikara na re me cha kẹ fiki rẹ arhọ rẹ akpọ na ọye hẹ uvwo rẹ oma mẹ.

Iyẹnrẹ Esiri ri Jọn 6:58

Ọnana hẹ ikara ro nẹ obo odjuvwu rhe na, ọ dia oghẹre rẹ esẹ na rere ri de ghwu-u; ohwo rọ re ikara nana kọ rhọ bẹdẹ.

Iyẹnrẹ Esiri ri Jọn 6:62

Komavọ ọ dia rẹ ovwan da mrẹ Ọmọ rẹ ohwo ro yere kpenu vwẹ asan rọ epha jovwo?

Iyẹnrẹ Esiri ri Jọn 8:14

Jesu da kpahe, Ọ da tobọ dianẹ mi se oseri kẹ omaobọ mẹ, iseri mẹ o rẹ uyota, kidie mẹ riẹn asan ri mi nurhe me je riẹn asan re me ra, ẹkẹvuọvo ovwan riẹn asan ri mi nurhe-e eyẹ asan re me ra-a.

Hibru 2:7

Wọ marọ kpotọ emerha nọ emakashe na, wọ da vwẹ urinrin vẹ ọghọ vwo tughẹ,

Hibru 2:9

Ẹkẹvuọvo avwanre mrẹ Jesu, ra mare kpotọ emerha nọ emakashe na, ra vwẹ urinrin vẹ ọghọ tughẹ fiki rẹ oja rẹ ughwu, ọtiọye na vwẹ oma rẹ ẹserọphẹ rẹ Ọghẹnẹ ọ sa vwọ davwe ughwu kẹ ohwo kohwo.