Ẹfesọs 4:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Rere avwanre vwo jẹ dia kerẹ imitete, re phieghe cha phieghe kpo rẹ odju rẹ uyono kuyono muẹ, aghware rẹ ihwo vẹ ona rayen vwẹ ophiẹvwe.

Ẹfesọs 4:14 ပူးပေါင်းရင်းမြစ်များ

Hibru 13:9

We jẹn odju rẹ uyono kuyono ọkpokpọ muẹ ovwan ghwrẹ-ẹ; kidie o fori re wa vwẹ ẹserọphẹ ghẹre oma, ọ dia emuọre, ro fi emuọvo kẹ otu re rerọ-ọ.

1 Kọrẹnt 14:20

Imoni, ovwan rhe se oma rẹ ovwan emọ vwẹ iroro rẹ ovwa-an; wa dia emọ vwẹ umwemwu, ẹkẹvuọvo vwẹ iroro wa dia omiragua.

1 Jọn 4:1

Imoni re ghare, ovwan se erhi kerhi gbuyota-a, ẹkẹvuọvo wa davwe ayen ni tavwe sẹ ghine erhi rẹ Ọghẹnẹ ayen ruẹ; kidie emraro rẹ ofian buebu ro evun rẹ akpọ na re.

2 Kọrẹnt 2:17

Kidie avwanre rha họhọ ihwo buebu, re shẹ ota rẹ Ọghẹnẹ-ẹ; ẹkẹvuọvo kerẹ ihwo rẹ uyota, rẹ Ọghẹnẹ ji uwevwi, vwẹ obaro rẹ Ọghẹnẹ evun ri Kristi avwanre da ta ota na.

Jems 1:6

Ẹkẹvuọvo e gbe jo vwo esegbuyota kpahe obo rọ nọre na, o rhe vwo evun ivẹ-ẹ, ohwo ro vwo evun ivẹ ọ họho abadi rọ họnra rẹ odju muẹ cha muẹ kpo.

Ẹfesọs 6:11

Ghwẹ ekuakua rẹ ofovwi rẹ Ọghẹnẹ vwọ hẹ oma, rere we se vwo mudia hirhe aro ku ophiẹvwe rẹ idẹbono.

Matiu 24:24

Kidie Kristi rẹ efian cha rhe, kugbe emraro rẹ efian, ayen cha vwẹ eka buebu phia, kugbe emu rẹ igbunu buebu; rere ayen vwọ phiẹn ihwo buebu ghwru; udu rẹ ayen da gba ihwo ra sanọ reyọ dede na, a jẹ phiẹn ayen.

2 Timoti 4:3

Kidie ọke cha rẹ ihwo de jẹ davwerhọ rẹ omamọ rẹ uyono, ẹkẹvuọvo ọke rẹ erhọn rẹ ayen da rhe dia gede gede re ke cha ghwẹ iyono huehn gidoma ri yọno ayen obo ri je ayen,

Ọbe ri Jud 1:12

Enana da rhe dia ekan vwẹ orẹ rẹ ẹguọnọ rẹ ovwan, vwẹ ọke rẹ ayen da vwẹ aroeyivwo gbe iknn rẹ ozighi kuẹgbe, rẹ ayen de nẹ oma rayen ọvo, enu ro biri yẹ osio rhọ re-e, rẹ odju muẹ yanran, irhe ri jẹ ẹmọ vwẹ ọke ororo, ri ghwuru asiava, re ghwie nẹ otọ;

Ẹvwọphia 19:20

E de mu eranvwe na, kugbe emraro rẹ efian na ri ruẹ emu rẹ igbunu kẹ mrẹ na re vwọ phiẹn ihwo ra ka oka rẹ eranvwe na phihọ na kugbe ihwo re gọ oma rọye. E de mu ayen ivẹ na ọkpokpọ teye ẹtẹrhe rẹ erhanre rọ torhẹ vẹ ibiosio rẹ erhanre.

Galesha 3:1

Ẹ ihwo ri Galesha ẹkpa na, ono re phiẹn ovwan, ovwan ra dia irharo rayen gbonozẹ da kanre Jesu Kristi mu agbagba kẹ akpọ ejobi mrẹ?

Matiu 24:11

Emraro rẹ efian buebu cha rhe, ayen mi rhi sun ihwo buebu ghwru.

1 Jọn 2:26

Mi si Ọnana rhe ovwan kpahe otu re cha phiẹn ovwan;

2 Timoti 3:13

yẹ ihwo umwemwu kugbe otu ri muẹ odẹ kẹ oma re miovwẹ phihọ, e phiẹn yẹ a je ghwa phiẹn ayen.

Aizaya 28:9

Kono o yono aghwanre, kono ọ faotọ re ovuẹ na kẹ? Ke emọ re bru evie nure gbine e re mu je evie vwo?

2 Kọrẹnt 4:2

Avwanre gba sen emu rẹ omaẹvuọ, rẹ idjerhe ri kini kini, avwanre gbi hworo aghwanre-e eyẹ vwẹ ota rẹ Ọghẹnẹ jọdẹ-ẹ, ẹkẹvuọvo vwẹ uyota na rẹ avwanre ta phia gbonozẹ na kọye avwanre vwọ vwẹ oma rẹ avwanre vwọ phia kẹ udu ri kohwo kohwo vwẹ obaro rẹ Ọghẹnẹ.

Matiu 11:7

Rọ ayen vwọ yanran re, Jesu ko gbe ikun kẹ ihwo re hẹ etiyin na vwọ kpahe Jọn, Die ovwan yanran kpo aghwa rẹ ni vwo? eyareya rẹ odju kpogho?

1 Kọrẹnt 12:2

Ovwan riẹnre nẹ ọke rẹ ovwan vwọ hẹ egọdjọ jovwo, a riẹriẹ ovwan ra gọ ema ri diunu, kirobo rẹ ayen mu ovwan vwo ru.

Iruo rẹ Iyinkọn na 23:21

Ẹkẹvuọvo wọ rhọvwa kẹ aye-en; kidie ihwo kerẹ ujuvẹ hwa phihọ hẹrhẹ, ayen duvwu iyori kẹ oma nẹ kpẹsiẹ rẹ ayen hwe Pọl nu-u ayen re emu-u eyẹ da ame-e; asakiephana ayen muegbe nure, re hẹrhẹ o ru gba ro che nẹ obọ wẹn rhe.

Maika 7:2

Ohwo esiri na ghwu nẹ otọ na re, o rhe vwo ọvwata ọvuọvo vwẹ ohri rẹ ihwo-o; ayen ejobi fiọnko hẹrhẹ ọbara dohwo doniọvo rọye tan ariri hẹrhẹ.

Une rẹ Ejiro 59:3

Kidie, no, ayen hwa hẹrhẹ arhọ mẹ, ihwo re djoma se oma kokọ vwọ so vwẹ O dia fiki re ogbeku eye umwemwu mẹ-ẹ, E Ọrovwohwo,

Une rẹ Ejiro 10:9

ọ rọ rhẹrẹ vwẹ odjahọ kerẹ okpohrokpo rọ fiọnko, o fiọnko rọ vwọ mrasan shabọ phihọ ovwiogbere, ọ shabọ phihọ ovwiogbere vwẹ ọke ro de kpono ro evun rẹ ariri rọye.

1 Jọn 2:19

Uherevie rẹ avwanre na ayen nu yanran, ẹkẹvuọvo ayen dia ẹvo vwẹ usun rẹ avwanre-e; ọ dianẹ usun rẹ avwanre ayen epha nọ, manẹ ayen djẹ jẹ avwanre vwo-o; ẹkẹvuọvo ayen yanran re, kọye djere phia nẹ ayen ghine dia ẹvo vwẹ usun rẹ avwanre-e.

2 Pita 2:18

Kidie, ọke rẹ ayen da vwẹ ugbeghẹ yan eyan, yẹ ayen vwẹ ọfanrhiẹ vẹ urhuru si vwe riẹriẹ ihwo re je sa vabọ rẹ oruchọ rẹ aye-en.

Jems 3:4

We gbe nẹ okọ rẹ erhanre na; obo rẹ ayen rho te na odju ri mu ayen yan, yẹ uvi tutuno e vwo muẹ eghuvwu rẹ ayen, asan re biro ra ejobi kọye ọ ra.

1 Timoti 3:6

Ọ dia ohwo ro kurhẹriẹ vwobọ-ọ, eyẹ o de rhi phuoma ro de roro ọ rẹ oma rọye ọvọ o de rhi mu ufi rẹ idẹbono;

2 Timoti 1:15

Wọ riẹnre jovwo nẹ ihwo na ejobi re he Esha djẹ jẹ uvwe vwo, ohri rẹ ayen ọye Figelọs kugbe Hẹmojẹnis epha.

1 Kọrẹnt 3:19

Kidie aghwanre rẹ akpọ nana hẹ ẹkpa vwẹ obọ rẹ Ọghẹnẹ. Kidie e siro, O muẹ ọvwaghwanre vwẹ evun rẹ aghwanre rọye,