Ẹfesọs 4:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Okẹ rọye ke rha vwẹ ọna nẹ otu evo dia iyinkọn, evo emraro, evo aghwoghwo, evun osun vẹ iyono.

Ẹfesọs 4:11 ပူးပေါင်းရင်းမြစ်များ

2 Ikun rẹ Ivie 15:3

Kidie vwẹ ọke krekri Izrẹl vwo Ọghẹnẹ rẹ uyota-a, ayen ji vwo omamọ rẹ orherẹn ro yono aye-en, ayen ji vwo urhi-i.

Jerimaya 3:15

Ke me cha kẹ ovwan isuigegede ri je vwe, re cha vwẹ ẹriẹn vẹ evughe ghẹrẹ ovwan.

Matiu 28:20

Wẹ yono ayen vwọ riẹn otọ rẹ imu na ejobi re dje kẹ ovwan na. Nighe, me vẹ ovwan herọ vwẹ ọke ejobi, rhiri rhi te oba rẹ akpọ na.

Iruo rẹ Iyinkọn na 13:1

Asakiephana emraro kugbe iyono da herọ vwẹ ishọshi rẹ Antiọk, Banabas, Simiọn re se Naija, Lushọs ri Sairin, Manaen ọdiaguare rẹ rẹ ovie Hẹrọd, kugbe Sọl.

Iruo rẹ Iyinkọn na 20:28

Wa kẹnoma rẹ ovwan kugbe uchuru na ejobi, rẹ Ẹrhi Ọfuanfon na vwọ kẹ ovwan nẹ wa vwẹ ẹro te, re wa ghẹrẹ ishọshi rẹ Ọrovwohwo rọ vwẹ ọbara robọ rọye dẹ.

Iruo rẹ Iyinkọn na 21:8

Rẹ ọke vwo rhie avwanre de vrẹn rhi bi te Sizaria; avwanre da ro uwevwi ri Filip oghwoghwo iyẹnresiri na, ọvo vwẹ usun rẹ ighwrẹ na, ma da dia etiyin.

Ọbe ri Pọl si rhe Ihwo ri Rom 12:7

ọ da dia ọ rẹ ẹga, o ghwe nene ẹga; ọ ro yono, o ghwe nene uyono rọye;

1 Kọrẹnt 12:4

Asakiephana okẹ sansan re herọ, ẹkẹvuọvo Erhi ọvuọvo na;

Ẹfesọs 2:20

ra bọn phihọ enu rẹ uchivwo rẹ iyinkọn na kugbe emraro na, Kristi Jesu vẹ ekpuyovwi kọye hẹ ubioragha rode re vwo vi ubienyẹ.

Ẹfesọs 3:5

Emu ra vwọ kẹ emọ rẹ ihwo riẹn vwẹ uvwiẹ ọfa-a kirobo rẹ erhi na vwe rọ phia vwẹ asakiephana kẹ iyinkọn efuanfon rọye kugbe emraro na.

Ẹfesọs 4:8

Fiki rẹ ọtiọye na ọ vwọ ta nẹ, Ọke ro de yeri kpenu re ko sun ighuvwu buebu, o mi rhe ru ẹse kẹ ihwo

2 Timoti 4:5

Vwọ kẹ wẹ, choma kọke kọke, ehiri oja, ru iruo rẹ aghwoghwo gbe odibo wẹn gba.

Hibru 5:12

Kidie rhi te ọke nana iyono e rori nẹ ovwan a dia, ovwan ke rha hẹrhẹ nẹ e gbe yono ovwan iji rẹ ota rẹ Ọghẹnẹ. Ovwan guọnọ evie, ọ dia emuọre ọgangan.

Ọbe ri Jud 1:17

Ẹkẹvuọvo ovwan karohọ, imoni re ghare, aroẹmrẹ rẹ iyinkọn rẹ Ọrovwavwanre Jesu Kristi;

Ẹvwọphia 18:20

Ghọghọ vwẹ enu rọye, E odjuvwu, E ihwo efuanfon kugbe iyinkọn kugbe emraro, kidie Ọghẹnẹ brorhiẹ hwe kẹ wẹ!

Ẹvwọphia 21:14

Igbẹhẹ rẹ orere na de vwo ichivwo ihwivẹ, e de si odẹ rẹ iyinkọn ihwivẹ rẹ Omogodẹ na tamuo.