Ẹfesọs 3:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Rere ihwo ejobi vwọ mrẹ obo rẹ iroro rẹ igbunu re sinu rhabae epha vwẹ evun rẹ Ọghẹnẹ rọ ma emu ejobi.

Ẹfesọs 3:9 ပူးပေါင်းရင်းမြစ်များ

Une rẹ Ejiro 33:6

Vwẹ ota rẹ Ọrovwohwo na ọye odjuvwu na vwọ mama, obo re vọnrọ ejobi kẹ ẹnwẹ rẹ unu rọye.

Aizaya 44:24

Enẹ Ọrovwohwo tare, Ọtan wẹn, rọ mama owẹ nẹ evun rhe: Mẹvwẹ Ọrovwohwo, rọ ma emu ejobi rẹ ọye ọvo vwẹ idjuvwu na tan, rọ riẹn akpọ na phihọ–Kono vẹ ovwẹ gba herọ

Matiu 10:27

Obo re me ta kẹ ovwan vwẹ odjahọ ọye ovwan ta vwẹ azagba, obo ra bẹbẹ ta kẹ ovwan, ọye we ghwoghwo vwẹ enu rẹ uwevwi.

Matiu 13:35

Rere ota rẹ ọmraro na tare vwọ gba nẹ, Ki mi rhie unu mẹ vwo kpe itẹ; Eta re djahere nẹ ẹtuọhọ rẹ akpọ na rhe, keye me cha ta.

Matiu 25:34

Ovie na kọ ta kẹ ihwo re hẹ obọrhe rọye nẹ, Wa yanrhe ihwo rẹ ọsẹ mẹ bruba kẹ, wa rhe reuku rẹ uvie ra rhuẹrẹ vwọ otọ kẹ ovwan nẹ otọ rẹ akpọ rhe.

Matiu 28:19

Ovwan gba yanran re we re yono ihwo rẹ akpọ na ejobi, wa vwẹ ame kẹ ayen vwẹ odẹ rẹ Ọsẹ vẹ ọ rẹ Ọmọ kugbe Erhi Ọfuanfon.

Iyẹnrẹ Esiri ri Luk 24:47

nẹ ekuorhẹriẹ vẹ evwoghovwo rẹ imwemwu keye e ghwoghwo vwẹ odẹ rọye kẹ ẹgborho na ejobi, ki Jerusalẹm a da tuọphihọ.

Iyẹnrẹ Esiri ri Jọn 10:30

Mẹvwẹ vẹ Ọsẹ mẹ ọvuọvo.

Iyẹnrẹ Esiri ri Jọn 5:17

Ẹkẹvuọvo Jesu da kpahe kẹ ayen, Ọsẹ mẹ ji ru iruo te ọke na, kọye mi ji vwo ruẹ.

Iyẹnrẹ Esiri ri Jọn 5:19

Jesu da ta kẹ ayen, Uyota, uyota, me ta kẹ ovwan, Ọmọ na sa vwẹ ọhọrobọ rọye ru emuọvo-o, ẹkẹvuọvo obo rọ mrẹ Ọsẹ na ro ruẹ ọvo ọye o se ru; kidie obo ro ruẹ, ọye Ọmọ na ji ru rhe.

Iruo rẹ Iyinkọn na 15:18

Ọrovwohwo na re tarọ, ọ rọ nẹrhẹ a riẹn ọnana nẹ awanre rhe.

Ọbe ri Pọl si rhe Ihwo ri Rom 11:25

Wọ da rha ghwanre kẹ omobọ wẹn ọvo, imoni mẹ, me guọnọre nẹ ovwan riẹn igbunu nana, udu ogangan bru abọvo rẹ ihwo rẹ Izrẹl rhe, bẹsiẹ rẹ unu rẹ ihwo ri Keferi vwọ gba,

1 Kọrẹnt 2:7

Ẹkẹvuọvo avwanre yono obo re sinu, aghwanre rẹ Ọghẹnẹ rọ djahere, rẹ Ọghẹnẹ ji iji kpahe rhabae vwọ kẹ urinrin rẹ avwanre.

Ẹfesọs 1:4

mrẹmrẹ kirobo rọ jẹ avwanre reyọ vwẹ evun rọye nẹ ẹtuọhọ rẹ akpọ na rhe, nẹ avwanre fon rere avwanre vwo jẹ abe ẹriọ vwẹ obaro rọye.

Ẹfesọs 3:2

Mi rori nẹ ovwan nyo usi rẹ ẹserọphẹ rẹ Ọghẹnẹ ra vwọ kẹ vwẹ ni mi vwo gbe odibo kẹ ovwan,

Ẹfesọs 6:19

Ovwan je rẹ kẹ vwẹ rhe, rere mi vwo vwo aroeyivwo vwo rhie unu mẹ vwo ghwoghwo igbunu rẹ iyẹnrẹ esiri na.

Kolose 1:23

Ọ da dianẹ ovwan yọnrọn esegbuyota rẹ ovwan na gan, rẹ ovwan de mudia kokoroko, rẹ odju rhe dju ovwan she nẹ ota rẹ iyẹnrẹ esiri na rẹ ovwan nyori na re ghwoghwo kẹ akpọ na ejobi re na fiki rẹ oye a vwo reyọ Pọl mu ọyinkọn na.

Kolose 1:26

Uyota nana kọye hẹ, igbunu re sinu rhahae na; ẹkẹvuọvo asakiephana ka rhe vwọ phia kẹ ihwo efuanfon rọye.

Kolose 3:3

Kidie ovwan ghwuru arhọ rẹ ovwan da hẹ obọ ri Kristi vwẹ evun rẹ Ọghẹnẹ.

Kolose 4:3

Ovwan je nẹ ẹrhovwo kẹ avwanre rhe, rere Ọghẹnẹ vwo rhie ẹchẹ rẹ ota rọye phihọ kẹ avwanre, rere avwanre vwo gbe ikun rẹ igbunu ri Kristi na, ra vwi fiki rọye mu vwe kanre na.

2 Tẹsalonaika 2:13

Imoni rẹ Ọrovwohwo guọnọre, obo re gba phihọ avwanre ohọre rere kọke ejobi avwanre a kpẹvwẹ Ọgbẹnẹ kẹ ovwan, rọ vwọ sanọ ovwan reyọ kẹ esivwo, vwẹ oma rẹ orufuọn rẹ Erhi na, kugbe obo rẹ ovwan vwo se uyota na gbuyota.

1 Timoti 3:16

Ẹtẹkuẹte, oye hẹ ẹrhọvwọ, rẹ igbunu rẹ egagọ rẹ avwanre na; Ọ rọ phiare vwẹ ughoma, ẹ Erhi Ọfuanfon brorhiẹ kẹ, rẹ emakashe mrẹre, re ghwoghwori vwẹ ohri rẹ ẹgborho na, re segbuyota vwẹ akpọ na, re mu kpenu vwẹ urinrin.

2 Timoti 1:9

ro sivwi avwanre ro se avwanre rhe use ọfuanfon rọye, ọ dianẹ ki fiki rẹ iruo rẹ avwanre-e ẹkẹvuọvo kirobo rẹ uruemu vẹ ẹserọphẹ rọye epha rọ vwọ kẹ avwanre vwẹ ọma ri Krisfi Jesu rhahae rhe,

2 Timoti 4:17

Ẹkẹvuọvo Ọrovwohwo de mudia cha vwẹ ọ da kẹ ogangan mi vwo ghwoghwo ota na gbagba, rere ihwo ri Keferi na ejobi vwo nyo. Vwẹ ọtiọye na e vwo sivwi uvwe nẹ unu rẹ okpohrokpo na.

Taitọs 1:2

vẹ iphiẹrohọ rẹ arhọ ri bẹdẹ na, rẹ Ọghẹnẹ rẹ uyota na ve phihọ rhahae rhe.

1 Pita 1:20

E rhiro nẹ ẹtuọhọ rẹ akpọ na rhe ẹkẹvuọvo a da rhe vwọ phia vwẹ obo oba rẹ ẹdẹ na fiki rẹ ovwan.

Ẹvwọphia 13:8

ayen ejobi ri sheri vwẹ akpọ na ke cha gọ, kohwo kohwo re ji si odẹ rọye phihọ ọbe rẹ arhọ rẹ Omogodẹ re hweri na nẹ ẹtuọhọ rẹ akpọ na rhe-e.

Ẹvwọphia 14:6

Etiyin me da mrẹ amakashe ọfa rọ rhan vwẹ uherevie rẹ odjuvwu, ọ vẹ iyẹnrẹ esiri ri bẹdẹ na ro ghwoghwo kẹ ayen otu re dia akpọ na, kẹgborho kẹgborho kugbe orua korua kugbe ephẹrẹ kephẹrẹ kugbe ohwo kohwo;

Ẹvwọphia 17:8

Eranvwe ru wọ mrẹre jovwo na, rọ gbe herọ na-a, o che yeri nẹ obo orho rẹ igbẹphẹre na rhe kpo oja ri bẹdẹ na; ihwo re dia akpọ na re ji si edẹ rẹ ayen phihọ ọbe rẹ arhọ na nẹ ẹtuọhọ rẹ akpọ na rhe-e, ko gbe ayen unu rẹ ayen da mrẹ eranvwe na, fikiridie ọ herọ jovwo yọ gbe herọ-ọ yọ je cha rhe.

Ẹvwọphia 4:11

Wọwẹ hẹ ohwo ro fori, Ọrovwavwanre kugbe Ọghẹnẹ, rọ reyọ urinrin kugbe ọghọ kugbe ogangan, kidie wọwẹ re mama emu ejobi, ọhọre wẹn ayen vwọ herọ kọye a vwọ mama ayen.